Tech Tips: तुम्हीही Digital Wallet वापरताय? सायबर फ्रॉडपासून बचावासाठी लक्षात ठेवा 'या' गोष्टी
डिजिटल वॉलेटमध्ये तुम्ही एखाद्या दुकानात पेमेंट केल्यानंतर पैसे बँकेतून कापले जाण्याऐवजी ॲप वॉलेटमधून पैसे कापते. खरं तर ही सुविधा अनेकांसाठी फायदेशीर ठरते. मात्र या फायद्यांसोबतच सायबर फ्रॉडचा धोका देखील असतो. त्यामुळे डिजिटल वॉलेटचा वापर करून पेमेंट करणं खरंच सुरक्षित आहे का, असा प्रश्न अनेकांनी उपस्थित केला आहे. चला तर डिजिटल वॉलेट नक्की काय आहे, त्याचा वापर करताना कोणते धोके निर्माण होऊ शकतात आणि डिजिटल वॉलेट वापरताना सुरक्षित कसं राहायचं, आता जाणून घेऊया. (फोटो सौजन्य – AI Created)
खरं तर, डिजिटल वॉलेट एक असे ॲप किंवा ऑनलाईन सिस्टिम असते, ज्यामध्ये पेमेंटची माहिती डिजिटल स्वरूपात साठवते. यामध्ये बँक अकाऊंट, कार्ड किंवा दुसऱ्या पेमेंट पद्धती लिंक करून पेमेंट केले जाते. ज्यामुळे यूजर्सना प्रत्येकवेळी पेमेंट करताना कॅश किंवा कार्ड बाळगण्याची आवश्यकता नसते. डिजिटल वॉलेट आणि यूपीआय एकसारख्या गोष्टी नाहीत. यूपीआय थेट बँक अकाऊंटमधून पेमेंट करण्याची सुविधा देते. तर, डिजिटल वॉलेटमध्ये ॲपमध्येच पैसे साठवले जातात आणि ते कुठेही वापरता येतात.
अनेकदा लोकं इंटरनेटवर डिजिटल वॉलेटचा कस्टमर केअर नंबर शोधतात आणि चुकून खोट्या नंबरवर कॉल करतात. अशा परिस्थितीत अनेक लोकांना समजत देखील नाही की, ते ज्या व्यक्तीसोबत कॉलवर बोलत आहेत, तो कस्टमर केअर नाही तर स्वत: स्कॅमर आहे. अशावेळी स्कॅमर्स लोकांची समस्या सोडवण्याच्या नावाखाली त्यांच्याकडून ओटीपी, पिन किंवा स्क्रीन शेअर करण्यास सांगतात. त्यामुळे नेहमी लक्षात ठेवा की, ओटीपी, यूपीआय पिन, पासवर्ड आणि कार्डचा CVV कोणासोबत कधीही शेअर करू नका.
स्कॅमर्स फिशिंग आणि बनावट लिंकचा वापर करून डिजिटल वॉलेट वापरणाऱ्या यूजर्सची फसवणूक करतात. स्कॅमर्स तुम्हाला बँकेचे अधिकारी, वॉलेट कंपनी किंवा कस्टमर केयर अधिकारी बनून मेसेज करतात. या मेसेजमध्ये खोट्या लिंक जोडलेल्या असतात. स्कॅमर्स वेगवेगळ्या कारणांनी तुम्हाला या लिंकवर क्लिक करण्यासाठी प्रवृत्त करतात. तुम्ही या लिंकवर क्लिक करताच तुमचा पासवर्ड, कार्ड डिटेल्स आणि दुसरी माहिती स्कॅमर्सपर्यंत पोहोचते.
डिजिटल वॉलेटचा वापर करताना काही आवश्यक काळजी घेतल्यास तुम्ही स्कॅमर्सपासून सुरक्षित राहू शकतात. तुमच्या फोनमधील ॲप नेहमी अपडेट ठेवा, फोनमध्ये स्क्रीन लॉक ठेवा आणि अनोळखी लिंकपासून लांब राहा. कोणत्याही व्यक्तीच्या म्हणण्यानुसार, कोणाच्याही सांगण्यावरून ‘रिमोट-ॲक्सेस’ किंवा ‘स्क्रीन-शेअरिंग’ ॲप्स इंस्टॉल करू नका. तसेच, बँका आणि पेमेंट ॲप्सकडून येणाऱ्या अलर्टकडे लक्ष ठेवा. याव्यतिरिक्त, जर तुम्हाला एखाद्या अनोळखी व्यवहाराबाबत माहिती मिळाली, तर तुम्ही त्वरित संबंधित बँकेशी संपर्क साधावा.
.png "Videos"){kind=small}
