15 वर्षांपूर्वीच्या या प्रकरणात गूगलला मोठा झटका, ठोठावला 21 हजार कोटींचा दंड
टेक जायंट कंपनी गूगलवर आता एका 15 वर्षीय जुन्या प्रकरणात कारवाई करण्यात आली आहे. याप्रकरणी गूगलला 2.4 अब्ज डॉलर म्हणजेच सुमारे 21 हजार कोटी रुपयांचा दंड ठोठावण्यात आला आहे. अधिकाराचा गैरवापर केल्याप्रकरणी गूगलवर ही कारवाई करण्यात आली आहे. खरं तर या प्रकरणी 2017 मध्ये कंपनीला 2.4 अब्ज डॉलर्सचा दंड ठोठावण्यात आला होता. मात्र, कंपनीने युरोपियन कमिशनच्या या निर्णयाला युरोपियन कोर्ट ऑफ जस्टिसमध्ये आव्हान दिले. आता येथेही गुगलला पराभवाला सामोरे जावे लागले आहे.
हेदेखील वाचा- स्मार्टफोन युजर्सची स्कॅमर्सपासून होणार सुटका, गूगलने एकाच वेळी लाँच केले पाच नवीन फीचर्स
15 वर्षे जुन्या प्रकरणात गुगलला पराभवाचा सामना करावा लागला आहे. गुगलला बाजारात आपल्या अधिकारांचा गैरवापर केल्याबद्दल 2.4 अब्ज डॉलर म्हणजेच सुमारे 21 हजार कोटी रुपयांचा दंड ठोठावण्यात आला आहे. ब्रिटनच्या न्यायालयात सुरू असलेल्या या खटल्यात तब्बल 15 वर्षांनंतर हा निर्णय देण्यात आला आहे. वास्तविक, शिवॉन आणि ॲडम रॅफच्या वेबसाइट फाउंडेमला गुगल सर्च अल्गोरिदमने दंड ठोठावला होता. युरोपियन कमिशनने 2017 मध्ये या प्रकरणी गुगलला दंड ठोठावला होता. या दंडाविरोधात गुगल युरोपियन कोर्ट ऑफ जस्टिसमध्ये पोहोचले, जिथे गेल्या महिन्यात त्याचे अपील फेटाळण्यात आले. (फोटो सौजन्य – pinterest)
2006 मध्ये, रॅफने नोकरी सोडली आणि फाउंडेम लाँच केले. या वेबसाइटवर, युजर्स इलेक्ट्रॉनिक्स, फ्लाइट आणि इतर वस्तूंच्या दरांची तुलना करू शकतात. रॅफ आणि शिवॉन यांनी सांगितलं की, गूगलने ‘price comparison’ आणि ‘comparison shopping’ सारख्या कीवर्डसाठी शोध परिणामांमध्ये त्यांची वेबसाइट डाउनग्रेड केली आहे.
ॲडम म्हणाला, ‘आम्ही आमच्या पेजचे निरीक्षण करत होतो आणि त्यांची रँकिंग कशी आहे ते पाहत होतो, पण नंतर अचानक त्यांची घसरण सुरू झाली. आम्हाला सुरुवातीला वाटले की हे कोलॅटरल डॅमेज आहे. आम्हाला चुकून स्पॅम म्हणून आढळले असावे. त्यानंतर आम्ही आपल्याला योग्य ठिकाणी पुढे जायचे आहे आणि सर्व काही ठीक होईल असे गृहीत धरले.
हेदेखील वाचा- Google Chrome: गूगल क्रोमच्या या ट्रीक्स तुम्हाला बनवतील स्मार्ट, आत्ताच फॉलो करा
सुरुवातीला त्यांना वाटले की ही तांत्रिक समस्या आहे आणि ती लवकरच सोडवली जाईल. मात्र, त्याला दोन वर्षे उलटूनही तोडगा निघाला नाही. त्यांची वेबसाईट इतर सर्च इंजिनवर चांगले काम करत होती. गुगलला अनेक विनंत्या पाठवूनही जेव्हा समस्या सुटली नाही, तेव्हा त्यांनी हे प्रकरण यूके आणि यूएसमधील नियामक संस्थांकडे तक्रार केली.
2017 मध्ये, युरोपियन कमिशनने गूगल विरुद्ध निर्णय दिला. कंपनीला बाजारपेठेतील अधिकारांचा गैरवापर केल्याबद्दल दोषी ठरवण्यात आलं होतं. यानंतर गुगलवर 2.4 अब्ज डॉलर्सचा दंड ठोठावण्यात आला. या प्रकरणात गुगलला पराभवाला सामोरे जावे लागले असले तरी ॲडम आणि शिवॉनला मात्र याचा मोठा फटका बसला आहे. या प्रकरणी निर्णय येण्यासाठी त्यांना वर्षानुवर्षे वाट पाहावी लागली. तर फाउंडेम यांना 2016 मध्ये बंद करावे लागले. सध्या तो गूगलविरुद्ध नागरी नुकसानीचा खटला लढवत आहे.
