PVC Aadhaar Card: ना फाटण्याची भीती ना तुटण्याची चिंता, फक्त 50 रुपयांत घरी येईल प्लॅस्टिक आधार कार्ड
प्रत्येक भारतीय नागरिकाच्या ओळखीचा पुरावा म्हणजे त्याचं आधार कार्ड असतं. आधार कार्ड प्रत्येक भारतीयासाठी सरकारद्वारे जारी केले जाणारे महत्त्वाचे डॉक्युमेंट आहे. आपल्याला आपल्या अनेक कामांसाठी आधार कार्डची गरज असते. तसेच सरकारने सुरू केलेल्या योजनाचा लाभ घेण्यासाठी देखील आधार कार्ड आवश्यक असते. शाळा, कॉलेज, बँक, ऑफिस, या सर्व ठिकाणी तुमच्याकडे आधार कार्ड मागितले जातं. अशा परिस्थितीत तुमचं आधार कार्ड फाटणार नाही किंवा खराब होणार नाही याची काळजी घेणं आवश्यक आहे.
रांगेत उभं राहून आधार कार्डसाठी अप्लाय करण्याची चिंता सोडा! आत्ताच फॉलो करा ही ऑनलाईन प्रोसेस
काही लोकांचे आधार कार्ड खूप जुने असते ज्यामुळे ते फाटते किंवा खराब होते. असे आधार आपण आपल्या कामांसाठी वापरू शकत नाही. या सर्व गोष्टींवर उपाय म्हणजे तुम्ही प्लॅस्टिकचं आधार कार्ड तयार करू शकता. याला PVC आधार कार्ड असं देखील म्हणतात. यासाठी तुम्हाला केवळ 50 रुपये खर्च करावे लागणार आहेत. जर 50 रुपये खर्चून PVC म्हणजेच प्लॅस्टिकचे आधार कार्ड बनवले तर ते फाटण्याचं किंवा खराब होण्याचं ताण पूर्णपणे दूर होऊ शकतो. (फोटो सौजन्य -सोशल मिडीया)
पीव्हीसी आधार कार्डसाठी ऑनलाइन अर्ज करण्यासाठी, एक साधी प्रक्रिया फॉलो करावी लागेल आणि काही दिवसांत पीव्हीसी आधार कार्ड तुमच्या पत्त्यावर वितरित केले जाईल. त्याची पूर्ण प्रक्रिया काय आहे? येथे आम्ही सांगणार आहोत.
तुमचं आधार कार्ड कोणी दुसरं वापरतय का? कसं शोधाल? जाणून घ्या संपूर्ण प्रोसेस
पीव्हीसी आधार कार्डमध्ये होलोग्राम असतो. हे होलोग्राम एक प्रकारचे सुरक्षा वैशिष्ट्य आहे, ज्यामुळे फसवणूक करणारे ते सहजपणे कॉपी करू शकत नाही. ज्यामुळे तुमची सुरक्षितता अधिक चांगली राहते.
आधार पीव्हीसी कार्डमध्ये सूक्ष्म मजकूर दिलेला असतो. कार्डवर रेकॉर्ड केलेला मजकूर इतका लहान आहे की तो वाचण्यासाठी भिंगाची आवश्यकता असते. या फीचरमुळे कार्ड कॉपी करणे सोपे नाही. त्यामुळे कोणतेही स्कॅमर किंवा फ्रॉडर तुमचा आधार कार्ड सहज कॉपी करू शकणार नाही आणि तुमची सुरक्षितता टिकून राहील.
या आधार पीव्हीसी कार्डमध्ये घोस्ट इमेज आहे. वास्तविक, घोस्ट इमेज ही आधार कार्डधारकाच्या छायाचित्राची अस्पष्ट प्रतिमा आहे. कार्डवर प्रकाश पडल्यावरच ही प्रतिमा दिसते.
