Tech Tips: उन्हाळ्यात AC 18°C वर चालवताय? थांबा, तज्ज्ञांनी सांगितलं परफेक्ट टेंपरेचर

AC Temperature Tips: ऊन्हाळ्यात एसीचे तापमान किती असावे, असा प्रश्न नेहमीच सतावत असतो. कारण एसी योग्य तापमानावर सेट केला नाही तर विजेचे बिल वाढू शकते आणि आरोग्यावर देखील परिणाम होऊ शकतो.

• AC 18°C वर चालवणे टाळा – खूप कमी तापमानामुळे आरोग्यावर परिणाम होऊ शकतो आणि विजेचे बिलही वाढते.
• 24°C ते 26°C सर्वोत्तम – तज्ज्ञांच्या मते हे तापमान थंडावा आणि ऊर्जा बचत यासाठी योग्य आहे.
• स्मार्ट वापर करा – फॅनसोबत AC वापरा, दरवाजे-खिडक्या बंद ठेवा आणि इको मोडचा वापर करा.

एप्रिल महिन्याच्या सुरुवातीसूनच उन्हाळा अधिक वाढला आहे. परिणामी उष्णता वाढत आहे आणि लोकांना गर्मीचा सामना करावा लागत आहे. वाढत्या गर्मीमुळे अनेक लोकांच्या घरांमध्ये एअर कंडिशनर (AC) चा वापर करतात. अनेक लोक घर थंड राहावं यासाठी एसी अगदी कमीत कमी टेंपरेचरवर ठेवतात. मात्र हे योग्य आहे का? एप्रिल महिन्यात वाढत्या गर्मीमध्ये एसीचे टेंपरेचर किती ठेवावे अशा प्रश्न अनेकांच्या मनात असतो. घरही थंड राहील आणि विजेचे बिलही कमी येईल यासाठी एसी किती टेंपरेचरवर ठेवणे योग्य आहे याबाबत जाणून घेऊया.

भारतात लवकरच लाँच होणार नवा Poco स्मार्टफोन! दमदार बॅटरी आणि शानदार परफॉर्मंसने जिंकणार यूजर्सचं मन, डिटेल्स आले समोर

तज्ञांच्या सल्ल्यानुसार एप्रिल महिन्यात उन्हाळा प्रचंड तीव्र असतो आणि अशा परिस्थितीत एसी कमी टेंपरेचर (18-20°C) वर चालवणे योग्य नाही. पण असे का, यामागे कोणती कारणं आहेत आणि एप्रिल महिन्यात एसीचे तापमान किती असावे, या सर्वांबाबत सविस्तर जाणून घेऊया. (फोटो सौजन्य – Pinterest) 

एप्रिल महिन्यात किती असावे की AC चे तापमान?

तज्ञांचा सल्ला आहे की एप्रिल महिन्यात एसी 24°C ते 26°C टेंपरेचरदरम्यान सेट करणं फायद्याचे ठरते. जर तुम्ही एप्रिल महिन्यात एसी 24°C ते 26°C टेंपरेचरदरम्यान सेट केला तर संपूर्ण खोलीत थंडावा राहतो आणि विजेचे बिल देखील कमी येते. तसेच शरीरावर जास्त थंड वातावरणाचा परिमाण देखील होत नाही. भारत सरकारचे ऊर्जा मंत्रालय देखील 24°C एक बेस्ट AC सेटिंग मानते.

कमी तापमानावर एसी चालवणं का योग्य नाही?

असे अनेक लोकं आहेत जे उष्णता वाढते तेव्हा एसीचे तापमान 18 किंवा 20 डिग्रीवर सेट करतात. असे केल्यामुळे खोली थंड राहिल आणि गरम होणार नाही असं अनेकांना वाटतं. पण तज्ज्ञांचं असं मत आहे की, एप्रिल महिन्यात 18 किंवा 20 डिग्रीवर एसी सेट केल्यास आरोग्याला नुकसान होऊ शकतं. सर्दी, खोकला आणि डोकेदुखी सारख्या आरोग्याच्या समस्यांचा देखील सामना करावा लागू शकतो. एसीचे तापमान कमी असल्यास विजेचे बिल वाढू शकते आणि एसीवर जास्त लोड देखील पडू शकतो.

अवघे काही तास शिल्लक! Infinix चा नवा स्मार्टफोन धुरंधर एंट्रीसाठी सज्ज, लाँचपूर्वीच लीक झाले फीचर्स आणि स्पेसिफिकेशन्स

विज वाचवण्यासाठी फॉलो करा या टिप्स

• जर तुम्हाला एप्रिल महिन्यात एसीचा योग्य वापर करायचा असेल आणि विजेचे देखील कमी ठेवायचे असेल तर तुम्ही काही सोप्या टिप्स फॉलो करू शकता.
• सर्वात आधी एसीचे तापमान 24°C किंवा त्याहून जास्त ठेवा.
• यानंतर एसी आणि सीलिंग फॅन या दोन्ही गॅझेट्सचा वापर करा.
• एसीचा वापर करताना खोलीच्या खिडक्या आणि दरवाजे बंद ठेवा.
• एसीचा वापर इको मोड किंवा स्लीप मोडवर करा.
• एसी वेळोवेळी सर्विसिंग करा.