'सेल्फी नको, एक Kiss दे ना…', विदेशी यूट्यूबरकडे तरुणाची मागणी, तरुणी नकार दिला म्हणून...; व्हिडीओ व्हायरल
मिळालेल्या माहितीनुसार, थाई-फ्रेंच यूट्यूबर जस्टकेथ उदयपूरमधील एका गजबजलेल्या ठिकाणी रात्रीच्या वेळी लाइव्ह स्ट्रीमिंग करत होती. ती आपल्या ऑनलाइन प्रेक्षकांशी संवाद साधत असतानाच एक तरुण तिच्याजवळ आला. सुरुवातीला हा तरुण तिच्याशी बोलू लागला. मात्र, त्याने फोटो किंवा सेल्फी काढण्याची विनंती करण्याऐवजी ‘एक Kiss दे ना…’ अशी विचित्र मागणी केल्याचे व्हिडीओमध्ये पाहायला मिळत आहे.
तरुणाची मागणी ऐकल्यानंतर यूट्यूबर अस्वस्थ झाली. तिने स्पष्टपणे नकार देत आपल्याला अशी गोष्ट आवडत नसल्याचे सांगितले. मात्र, तिचा नकार स्वीकारण्याऐवजी तरुणाने वारंवार तीच मागणी करण्यास सुरुवात केली. त्यामुळे यूट्यूबरची अस्वस्थता वाढल्याचे व्हिडीओत दिसते. तिला या प्रसंगातून बाहेर पडायचे असल्याचे तिच्या चेहऱ्यावरील हावभावांवरून जाणवत असल्याचे नेटकऱ्यांचे म्हणणे आहे.
काही वेळानंतर तरुणाने आपली मागणी बदलून तिच्यासोबत फोटो काढण्याची इच्छा व्यक्त केली. यावेळी यूट्यूबरने काहीशी अस्वस्थ असतानाही फोटोसाठी होकार दिला. प्रसंग संपताना तरुणाने तिच्याशी हस्तांदोलन करण्याचा प्रयत्न केला. मात्र, तिने हात मिळवण्याऐवजी फिस्ट बंप देऊन तेथून निघण्याचा मार्ग स्वीकारला. यानंतर जस्टकेथने हा व्हिडीओ आपल्या इन्स्टाग्राम अकाउंटवर शेअर केला. त्यासोबत तिने, ‘कमीत कमी त्याने विचारले तरी,’ अशा आशयाची प्रतिक्रिया दिली. हा व्हिडीओ सोशल मीडियावर वेगाने व्हायरल झाला असून, त्याला ५० लाखांहून अधिक व्ह्यूज मिळाले.
व्हिडीओ पाहिल्यानंतर अनेक नेटकऱ्यांनी तरुणाच्या वर्तनावर नाराजी व्यक्त केली आहे. एखाद्या व्यक्तीने स्पष्ट नकार दिल्यानंतरही वारंवार तीच मागणी करणे चुकीचे असल्याचे मत अनेकांनी व्यक्त केले. तर काहींनी विदेशी पर्यटकांसोबत अशा प्रकारचे वर्तन घडल्यास देशाच्या प्रतिमेवर परिणाम होऊ शकतो, अशी चिंता व्यक्त केली आहे.
मिळालेल्या माहितीनुसार, या प्रकरणात अद्याप पोलिसांत तक्रार दाखल झाल्याची किंवा कोणतीही अधिकृत कारवाई झाल्याची माहिती समोर आलेली नाही. संबंधित तरुणाची ओळखही अद्याप उघड झालेली नाही. सोशल मीडियावर व्हिडीओ व्हायरल झाल्यानंतर मात्र सार्वजनिक ठिकाणी महिलांशी संवाद साधताना त्यांच्या इच्छेचा आणि वैयक्तिक मर्यादांचा आदर करण्याची गरज पुन्हा अधोरेखित झाली आ
Ans: या व्हिडीओमध्ये थाई-फ्रेंच यूट्यूबर जस्टकेथ दिसत असून, तिच्याशी एका तरुणाने अनुचित मागणी केली.
Ans: यूट्यूबरने सुरुवातीला स्पष्ट नकार दिला. मात्र, तरुणाने वारंवार तीच मागणी केल्याचे व्हिडीओमध्ये दिसत आहे.
Ans: अद्याप पोलिसांत तक्रार दाखल झाल्याची किंवा कारवाई झाल्याची अधिकृत माहिती समोर आलेली नाही.






