सचिन तेंडुलकरचा व्हिडिओ व्हायरल (फोटो- ट्विटर)
ब्रिटनचे प्रिन्स ऑफ वेल्स विल्यम आणि प्रिन्सेस ऑफ वेल्स केट मिडलटन यांनी दक्षिण मुंबईतील ऐतिहासिक बॅलार्ड इस्टेट परिसरात भारताचा महान माजी फलंदाज सचिन तेंडुलकर आणि शालेय मुलांसोबत गल्ली क्रिकेट खेळण्याचा मनसोक्त आनंद लुटला आहे. सकाळच्या प्रसन्न वातावरणात प्रिन्स विल्यम आणि केट मिडलटन बॅलार्ड इस्टेटमधील मैदानावर क्रिकेट खेळताना दिसून आले. यावेळी ‘मास्टर ब्लास्टर’ सचिन तेंडुलकरने त्यांचे स्वागत केले. शाही प्रोटोकॉल बाजूला ठेवून या दोघांनीही शालेय मुलांच्या संघात सामील होत क्रिकेट खेळण्याचा आनंद लुटला. केट मिडलटन यांनी सुंदर पारंपरिक भारतीय पोशाख परिधान केल्याचे पाहायला मिळत आहे.
बॅलार्ड इस्टेटच्या मैदानावर प्रिन्स विल्यम यांनी सुरुवातीला फलंदाजी केल्याचा व्हीडिओत दिसत आहे. त्यानंतर त्यांनी त्यांनी चक्क केट मिडलटन आणि सचिन तेंडुलकरला गोलंदाजी केली. त्यामुळे बाजूला खेळणारी मुले देखील आनंदी झाल्याचे दिसून आले. क्रिकेटच्या या अनपेक्षित आणि मजेशीर सामन्याने उपस्थितांचे मन जिंकून घेतले.
Prince William bowling to Sachin Tendulkar 😂😂😂 https://t.co/cx32tDR73A — Astronaut 🚀 (@TheRobustRascal) November 16, 2026
क्रिकेटचा हा रोमांचक सामना संपल्यानंतर या शाही कुटुंबाने मुंबईच्या संस्कृतीचा आनंद घेतला. यासोबतच त्यांनी मुंबईच्या स्थानिक पदार्थांचा आस्वाद देखील घेतल्याचे दिसून आले. ब्रिटनच्या शाही पाहुण्यांनी घेतलेला हा अनुभव त्यांच्या भारत दौऱ्यातील अत्यंत संस्मरणीय क्षण ठरला आहे.
Sachin Tendulkar : स्वच्छ भारत मोहिमेला सचिनची साथ; कचरा व्यवस्थापनासाठी Recykal सोबत नवी भागीदारी
ब्रिटनचे प्रिन्स ऑफ वेल्स विल्यम आणि प्रिन्सेस ऑफ वेल्स केट मिडलटन यांच्यासोबत मुंबईतील बॅलार्ड इस्टेट येथे गल्ली क्रिकेट खेळल्यानंतर भारताचा महान फलंदाज सचिन तेंडुलकर याने दहा वर्षांपूर्वीच्या एका खास आठवणीला उजाळा दिला.बरोबर दहा वर्षांपूर्वी म्हणजेच एप्रिल २०१६ मध्ये जेव्हा हे शाही दाम्पत्य भारत दौऱ्यावर आले होते, तेव्हा त्यांनी एका अधिकृत क्रिकेट मैदानावर एकत्र क्रिकेट खेळण्याचा आनंद घेतला होता. त्या भेटीदरम्यान पुढच्या वेळी जेव्हा आपण भेटू, तेव्हा नक्कीच मुंबईच्या रस्त्यांवर ‘गल्ली क्रिकेट’ खेळू, असा विचार सचिनने त्यावेळेस व्यक्त केला होता.






