5G स्मार्टफोनच्या दुनियेत नव्या खेळाडूची एंट्री! अखेर Vivo S60t चीनमध्ये लाँच; जाणून घ्या फीचर्स, स्पेसिफिकेशन्स अन् किंमत

Vivo S60t Launched: विवोने चीनमध्ये विवो एस 60 टी हा नवीन स्मार्टफोन लाँच केला आहे. या स्मार्टफोनमध्ये स्नॅपड्रॅगन 7 जेन 4 चिपसेट देण्यात आला आहे. स्मार्टफोनमधअये यूएसबी टाइप-सीद्वारे रिवर्स चार्जिंग देखील मिळणार आहे.

• Vivo S60t स्मार्टफोन मिड-रेंज सेगमेंटमध्ये लाँच
• विवो एस 60 टी 12GB+256GB आणि 12GB+512GB या दोन रॅम आणि स्टोरेज व्हेरिअंट्समध्ये लाँच
• नव्या डिव्हाईसमध्ये स्नॅपड्रॅगन 7 जेन 4 चिपसेट

Vivo Smartphone Launched: स्मार्टफोन कंपनी विवोने त्यांच्या एस-सीरीजअंतर्गत आणखी एक नवीन 5G स्मार्टफोन लाँच केला आहे. Vivo S60t हा कंपनीचा नवा स्मार्टफोन चीनमध्ये लाँच करण्यात आला आहे. कंपनीने लाँच केलेला हा नवीन स्मार्टफोन चीनमध्ये विवोच्या वेबसाईटवर लिस्ट करण्यात आला आहे. मिड-रेंज सेगमेंटमध्ये लाँच करण्यात आलेल्या या स्मार्टफोनची किंमत आणि फीचर्स सविस्तर जाणून घेऊया.

Oppo Find X9 वर जबरदस्त डील! फ्लिपकार्टवर मिळणार हजारो रुपयांचे डिस्काऊंट, जाणून घ्या स्मार्टफोनचे फीचर्स

विवो एस 60 टी ची किंमत

नवा विवो एस 60 टी 12GB+256GB आणि 12GB+512GB या दोन रॅम आणि स्टोरेज व्हेरिअंट्समध्ये लाँच करण्यात आला आहे. डिव्हाईसच्या 12GB+256GB व्हेरिअंटची किंमत CNY 3,599 म्हणजेच सुमारे 43,000 रुपये आणि 12GB+512GB व्हेरिअंटची किंमत CNY 3,999 म्हणजेच सुमारे 48,000 रुपये आहे. हा नवा स्मार्टफोन स्टारी सी, अर्ली समर ग्रीन आणि मिडसमर नाइट या तीन रंगांच्या पर्यायांत उपलब्ध आहे. सध्या, कंपनीने भारत किंवा इतर आंतरराष्ट्रीय बाजारपेठांमध्ये विवो एस 60 टी स्मार्टफोन कधी लाँच होणार, याबाबत कोणतेही डिटेल्स शेअर केले नाहीत.  (फोटो सौजन्य: Pinterest) 

विवो एस 60 टी चे स्पेसिफिकेशन्स आणि फीचर्स

डिस्प्ले

विवो एस 60 टी मध्ये 6.59 इंच अमोलेड डिस्प्ले देण्यात आला आहे. यासोबतच या स्मार्टफोनमध्ये 10-बिट कलर डेप्थ, P3 वाइड कलर गॅमट आणि एचडीआर सपोर्ट देखील मिळणार आहे. फोनमध्ये 144Hz पर्यंत रिफ्रेश रेट सपोर्ट देखील मिळणार आहे, तर गेमिंगदरम्यान टच सँपलिंग रेट 300Hz पर्यंत जाऊ शकतो. फोनचा स्क्रीन-टू-बॉडी रेशियो 94.7 टक्के आहे.

चिपसेट

परफॉर्मंससाठी कंपनीच्या नव्या डिव्हाईसमध्ये स्नॅपड्रॅगन 7 जेन 4 चिपसेट मिळणार आहे. यासोबतच, या स्मार्टफोनमध्ये 12GB पर्यंत रॅम देखील मिळणार आहे आणि यामध्ये 256GB व 512GB स्टोरेज पर्याय देखील उपलब्ध आहेत. विवोच्या या स्मार्टफोनमध्ये 24GB पर्यंत मेमोरी फ्युजनचा सपोर्ट देखील ऑफर करण्यात आला आहे.

बॅटरी

विवो एस 60 टी मध्ये 90W वायर्ड फास्ट चार्जिंग सपोर्टसह 7,200mAh बॅटरी दिली आहे. डिव्हाईसमध्ये यूएसबी टाइप-सीद्वारे रिवर्स चार्जिंग देखील मिळणार आहे. मोठी बॅटरी असूनही, या डिव्हाईसची जाडी केवळ 7.79 मिमी ते 7.92 मिमीच्या दरम्यान असल्याचे सांगण्यात आले आहे.

कॅमेरा

फोटोग्राफीसाठी या फोनमध्ये ट्रिपल रियर कॅमेरा सेटअप मिळणार आहे, ज्यामध्ये 50MP चा ओआयएस सपोर्टवाला प्रायमरी कॅमेरा मिळणार आहे. यासोबतच या फोनमध्ये 8MP अल्ट्रावाइड कॅमेरा आणि 50MP पेरिस्कोप टेलीफोटो कॅमेरा देखील मिळणार आहे. पेरिस्कोप कॅमेरा देखील ओआयएस सपोर्टसह येतो. डिव्हाईसमध्ये 100x पर्यंत डिजिटल झूम सपोर्ट देखील देण्यात आला आहे. सेल्फी आणि व्हिडीओ कॉलिंगसाठी या स्मार्टफोनमध्ये 50MP ऑटोफोकस कॅमेरा आहे.

ऑनलाइन कपडे खरेदी करण्यापूर्वीच करता येणार ट्रायल! ChatGPT ने सादर केले नवं ‘ट्राय ऑन’ फीचर, कसं करणार काम? जाणून घ्या

प्रायमरी आणि पेरिस्कोप कॅमेऱ्याने देखील फोनमध्ये 4K व्हिडीओ रेकॉर्डिंगची सुविधा मिळणार आहे. कंपनीचं असं म्हणणं आहे की, डिव्हाईसमध्ये 4K लाईव्ह आणि गिंबल-लेवल स्टेबलाइजेशन सारखे फीचर्स मिळणार आहेत. हे डिव्हाइस ओरिजिनओएस7 वर आधारित अँड्रॉईड 17 ने सुसज्ज आहे.