भारत-नेपाळमध्ये वसलंय हे सुंदर हिल स्टेशन, पंतप्रधान मोदींनीही केले कौतुक; उन्हाळ्याच्या सुट्टींसाठी एक उत्तम पर्याय

Offbeat Hill Station: उन्हाळ्याच्या सुट्टीत कोणत्या सुंदर ठिकाणी जाण्याचा विचार करत असाल तर भारत-नेपाळमध्ये वसलेले धारचुला हे हिल स्टेशन तुमच्यासाठी एक उत्तम पर्याय ठरू शकते. पंतप्रधान मोदींचेही हे आवडीचे ठिकाण आहे.

उन्हाळ्याचा ऋतू उष्णतेची लाट घेऊन आला आहे. उन्हाळ्यात उष्णतेचा कहर सोसेनासा होतो. अशात अनेकजण या ऋतूत बाहेर कुठेतरी फिरायला जाण्याचा प्लॅन करतात. निसरसौंदर्याने नटलेले आणि थंड हवेची ठिकाणे लोकांना अधिक आकर्षित करतात. नैनिताल, शिमला, मनाली ही लोकांची आवडीची ठिकाणे आहेत. मात्र तुम्हीही रोजच्या कामापासून दूर कुठे शांत आणि सुंदर ठिकाणच्या शोधात असाल तर आजचा हा लेख तुमच्या कामाचा ठरू शकतो. शहरच्या गरजबटापासून दूर देशात एक सुंदर ठिकाण वसले आहे ज्याला तुम्ही आवर्जून भेट द्यायला हवी. हे ठिकाण भारत-नेपाळ सीमेलगत वसलेले आहे. इथे तुम्हाला सुंदर दऱ्या, वाहणारे थंड पाणी आणि अद्भुत हवामान पाहायला मिळेल.

पृथ्वीवरील एलियन्सचे निवासस्थान! इथे जाताच दुसऱ्या ग्रहावर गेल्यासारखे वाटते…

आम्ही ज्या ठिकाणाविषयी बोलत आहोत ते ठिकाण धारचुला आहे, जे भारत आणि नेपाळ दोन्ही ठिकाणी आहे. नेपाळमध्ये धारचुला हे धारचुला म्हणून ओळखले जाते. हे सुंदर हिल स्टेशन उत्तराखंडमधील पिथोरागड जिल्ह्यात, भारत-तिबेटी सीमेजवळ आहे. येथून तुम्ही दोन्ही देशांमध्ये सहज प्रवास करू शकता. हे ठिकाण अजूनही थोडेसे विचित्र आहे, म्हणूनच येथे गर्दी कमी आहे.

पीएम मोदींनीही दिली आहे भेट

अलीकडेच पंतप्रधान मोदींनी कैलासला जाताना धारचुलालाही भेट दिली. पंतप्रधान मोदींनी त्यांच्या ‘मन की बात’ कार्यक्रमातही या ठिकाणाचा उल्लेख केला होता. धारचुला पिथोरागडपासून अंदाजे ९५ किमी अंतरावर वसले आहे. हे ठिकाण कैलास मानसरोवर मार्गापासून फक्त एक तासाच्या अंतरावर आहे. हिमालयाच्या कुशीत वसलेले धारचुला हे स्वर्गापेक्षा कमी नाही. आदि कैलास, ओम पर्वत, दरमा, चिरकिला धरण, व्यास व्हॅली, नारायण आश्रम, जौलजीबी, आस्कोट कस्तुरी मृग अभयारण्य, पंचचुली बेस कॅम्प, धौलीगंगा धरण, बिर्थी फॉल्स अशी सुंदर ठिकाणे आहेत. जे तुमच्या हृदयाला स्पर्श करेल. यासोबतच, इथे तुम्हाला हिडन वाॅटरफॉल देखील आहे.

इथून नेपाळलाही जाता येते

आम्ही तुम्हाला सांगतो की, येथील लोक औषधी वनस्पतींमध्ये वापरल्या जाणाऱ्या किडा झाडी (औषधी वनस्पती) शोधून आपला उदरनिर्वाह करतात. धारचुलामध्ये खूप थंडी असते, ज्यामुळे लोक ६ महिने किडा झाडी शोधतात आणि उर्वरित ६ महिने खाली दरीत राहतात. नेपाळच्या संस्कृतीला आणि गावांना भेट देण्यासाठी ही एक उत्तम संधी आहे. फक्त तुम्हाला इथे तुमचे आधार कार्ड घेऊन जावे लागेल. प्रवास करताना तुमच्या सोबत तुमचे आधार कार्ड असणे गरजेचे आहे. काली आणि गोरी नद्यांवरचा पूल ओलांडून नेपाळला जाता येते.

भारतीय थायलंड-मालदीव सोडून या देशात का जात आहेत? तुम्हीही करू शकता कमी पैशात परदेश दौरा

मुंबईहून इथे कसे जाता येईल?

मुंबई ते धारचुला, जाण्यासाठी अंदाजे २२-२४ तास लागू शकतो.

रस्त्याने: तुम्ही जर रस्ते मार्गाने इथे जात असाल तर तुम्हाला २४ तास किंवा त्याहून अधिक वेळ लागू शकतो.

ट्रेन आणि बसने: रेल्वे प्रवासाला सुमारे २०-२३ तास ​​लागू शकतात आणि नंतर तुम्हाला जवळच्या रेल्वे स्टेशन, टनकपूर, जे सुमारे २०० किमी अंतरावर आहे, येथून धारचुला पोहोचण्यासाठी बसची सुविधा असेल.

हवाई मार्गे: धारचुला विमानतळ नसला तरी, तुम्ही पंतनगर (सुमारे १२-१५ तास अंतरावर) सारख्या जवळच्या विमानतळावर विमानाने जाऊ शकता आणि नंतर टॅक्सी किंवा स्थानिक वाहतूक वापरून धारचुला पोहोचू शकता, ज्याला सुमारे १०-१२ तास लागतील.