गेल्या तीन महिन्यांपासून जावळी तालुक्यात पावसाने पूर्णपणे ओढ दिली असून, शेतीचे प्रचंड नुकसान झाले आहे. तालुक्यातील प्रमुख पीक असलेली भातशेती करपून गेली असून सोयाबीन, भुईमूग आणि कडधान्ये पूर्णपणे जळून गेली आहेत. मात्र, शासनाच्या दुष्काळग्रस्त तालुक्यांच्या यादीत जावळीचा समावेश न केल्याने शेतकऱ्यांनी तीव्र संताप व्यक्त केला आहे. जावळी तालुक्याला सावत्रपणाची वागणूक का दिली जात आहे, असा जाब विचारत दुष्काळ जाहीर करण्यासाठी कोणत्या निकषांचा आधार घेण्यात आला, हे प्रशासनाने स्पष्ट करावे अशी मागणी त्यांनी केली. या संदर्भात मुख्यमंत्री, उपमुख्यमंत्री आणि पालकमंत्र्यांना निवेदन देण्यात येणार आहे. तालुक्यात तातडीने कोरडा दुष्काळ जाहीर न झाल्यास तहसील कार्यालय, जिल्हाधिकारी कार्यालयावर मोर्चा काढून कृषी अधिकाऱ्यांना घेराव घालण्याचा आणि मोठे जनआंदोलन उभारण्याचा इशारा जावळी तालुक्यातील शेतकऱ्यांनी दिला आहे.
गेल्या तीन महिन्यांपासून जावळी तालुक्यात पावसाने पूर्णपणे ओढ दिली असून, शेतीचे प्रचंड नुकसान झाले आहे. तालुक्यातील प्रमुख पीक असलेली भातशेती करपून गेली असून सोयाबीन, भुईमूग आणि कडधान्ये पूर्णपणे जळून गेली आहेत. मात्र, शासनाच्या दुष्काळग्रस्त तालुक्यांच्या यादीत जावळीचा समावेश न केल्याने शेतकऱ्यांनी तीव्र संताप व्यक्त केला आहे. जावळी तालुक्याला सावत्रपणाची वागणूक का दिली जात आहे, असा जाब विचारत दुष्काळ जाहीर करण्यासाठी कोणत्या निकषांचा आधार घेण्यात आला, हे प्रशासनाने स्पष्ट करावे अशी मागणी त्यांनी केली. या संदर्भात मुख्यमंत्री, उपमुख्यमंत्री आणि पालकमंत्र्यांना निवेदन देण्यात येणार आहे. तालुक्यात तातडीने कोरडा दुष्काळ जाहीर न झाल्यास तहसील कार्यालय, जिल्हाधिकारी कार्यालयावर मोर्चा काढून कृषी अधिकाऱ्यांना घेराव घालण्याचा आणि मोठे जनआंदोलन उभारण्याचा इशारा जावळी तालुक्यातील शेतकऱ्यांनी दिला आहे.
.png "Videos"){kind=small}
