अरे बापरे… ट्रेनच्या पार्सल कोचमध्ये घुसवली अख्खी रिक्षा! VIDEO पाहून सोशल मीडिया यूजर्सही चक्रावले

Auto Rikshaw In Train : मराठी भाषेवरची सक्ती वाढत असून व्हिडिओत दावा केला आहे की, कारावाईला घाबरुन रिक्षाचालक राज्य सोडून जाताना दिसला. चालक एकटा जात नव्हता तर रेल्वेच्या डब्यात रिक्षा कोंबून तिलाही आपल्या गावी घेऊन जाण्याची योजना आखत होता. ही घटना सध्या जोरदार व्हायरल होतेय.

• रिक्षा चक्क ट्रेनच्या पार्सल डब्यात चढवण्याचा प्रयत्न
• व्हायरल व्हिडिओमागचा दावा सोशल मीडियावर चर्चेत
• रिक्षा नेमकी कुठे आणि का नेली? याबाबत अधिकृत माहिती नाही

महाराष्ट्रात मागील काही काळापासून मराठी भाषेचा वाद सुरु आहे. दुसऱ्या राज्यातून महाराष्ट्रात स्थायिक झालेल्या लोकांनी राज्याची भाषा शिकून घ्यावी ही मागणी बऱ्याच काळापासून केली जात आहे पण आता याला एक मोठे रुप प्राप्त झाले आहे. रिक्षाचालक जे अधिकतरवेळी हिंदी भाषेत संभाषण करतात त्यांच्यावर आता न्यायालयीन कारवाईसह मराठी सक्ती करण्यात येत आहे. या सर्व बाबींना कंटाळून काही रिक्षाचालक अखेर मराठी शिकण्यास तयार झाले आहेत तर काहींनी आपल्या राज्यात परतण्याचे निर्णय घेतले आहेत.

मिठाई खराब की धोकादायक? दुकानदारच मिठाई खायला तयार नाही! फूड डिपार्टमेंटच्या छाप्यात धक्कादायक वास्तव समोर

अशातच एक व्हिडिओ सध्या सोशल मिडियावर खूप जास्त व्हायरल होत आहे. व्हिडिओमध्ये रिक्षाचालक आपल्या राज्यात परतत असल्याचा दावा केला आहे. पण जाताना तो एकटा राज्य सोडत नसतो तर आपल्या रिक्षालाही सोबत घेऊन जाण्यासाठी रेल्वेच रिक्षा कोंबण्याचा प्रयत्न करत असतो. हा अनोखा प्रकार पाहून सोशल मिडिया यूजर्स थबकले असून व्हिडिओवर असंख्य प्रतिक्रियांचा वर्षाव होताना दिसून आला आहे.

काय घडलं व्हिडिओत?

घटना नेमकी कोणत्या रेल्वे स्थानकावर घडून आली आहे याची माहिती व्हिडिओत देण्यात आलेली नाहीये. आरटीओ (RTO) कारवाईची भीती आणि मराठी भाषा शिकण्याचा दबाव यामुळे रिक्षाचालक महाराष्ट्र सोडून उत्तर प्रदेश आणि बिहारला परत जात आहेत असा दावा यात करण्यात आलाय. व्हिडिओमध्ये एका ट्रेनच्या एसएलआर (SLR) किंवा पार्सल डब्यात रिक्षा चढवली जात असल्याचे दिसते. रिक्षा दारात अडकली असून काही लोक धक्का मारत तिला रेल्वेच्या आतमध्ये कोंबण्याचा प्रयत्न करत असतात. ही घटना सध्या इंटरनेटवर चांगलीच चर्चेत असून व्हिडिओतील दाव्याविषयी अधिकृत पुष्टी झाली नाही.

See more

LKGच्या चिमुकल्याला शिक्षकाने मारली थप्पड; हार्ट अटॅकने वर्गातच मृत्यू; Video Viral

दरम्यान या घटनेचा व्हिडिओ @hasleyoriginals नावाच्या इंस्टाग्राम अकाऊंटवर शेअर करण्यात आला आहे. व्हिडिओच्या कमेंट सेक्शनमध्ये अनेक यूजर्सने या घटनेवर आपले मत व्यक्त केले आहे. एका यूजरने म्हटले की, “हा देश समस्यांनी भरलेला नाही तर वेड्या लोकांनी भरलेला आहे”, दुसऱ्या युजरने लिहिले आहे, “जेव्हा इतर राज्ये स्थानिक भाषा न बोलणाऱ्या मराठी लोकांसोबत भेदभाव करतात, तेव्हा कोणीही त्याकडे फारसे लक्ष देत नाही; पण जेव्हा आपल्या राज्यातील लोक म्हणतात की ‘इथे राहायचे असेल तर स्थानिक भाषा बोललीच पाहिजे’, तेव्हा मात्र सर्वांना आग लागते”, आणखी एका यूजरने लिहिले आहे, “त्यांच्यावर इतका ताण आणण्याची काही गरज नव्हती ”.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.