Viral Video: ‘ख्वाब हो तुम या कोई हकीकत...’; मलेशियाचे PM अन्वर इब्राहिम बनले किशोर कुमारचे फॅन!
मलेशियाचे पंतप्रधान अन्वर इब्राहिम यांचा भारतीय संगीत आणि चित्रपटांबद्दलचा विशेष रस यापूर्वीही समोर आला आहे. यावेळी त्यांनी १९६५ मध्ये प्रदर्शित झालेल्या तीन देवियां चित्रपटातील किशोर कुमार यांचे प्रसिद्ध गीत गायले. या गाण्याला एस. डी. बर्मन यांचे संगीत आणि मजरूह सुलतानपुरी यांचे गीत आहे. विशेष म्हणजे, हेच गीत अन्वर इब्राहिम यांनी २०२४ मध्ये भारत दौऱ्यादरम्यान एका मुलाखतीतही गायले होते. त्यामुळे किशोर कुमार यांच्या गाण्यावरील त्यांची आवड याआधीही सार्वजनिकपणे दिसून आली आहे.
VIDEO | Delhi: Malaysian Prime Minister Anwar Ibrahim, who is in India for the BRICS Summit, was seen singing Kishore Kumar’s iconic song Khwab Ho Tum Ya Koi Haqeeqat from the 1965 film Teen Deviyan. (Source: Malaysian Prime Minister Anwar Ibrahim Official Handle on X)… pic.twitter.com/ie8DtKMV97 — Press Trust of India (@PTI_News) September 12, 2026
पंतप्रधान नरेंद्र मोदी यांनी नवी दिल्लीतील भारत मंडपम येथे ब्रिक्स नेत्यांच्या सन्मानार्थ गाला डिनरचे आयोजन केले होते. या औपचारिक कार्यक्रमात अन्वर इब्राहिम यांच्या उत्स्फूर्त गायनामुळे वातावरणात सांस्कृतिक रंग भरला. ब्रिक्स शिखर परिषदेसाठी विविध देशांचे नेते आणि प्रतिनिधी दिल्लीत दाखल झाले होते. या पार्श्वभूमीवर अन्वर इब्राहिम यांच्या गायनाचा व्हिडिओ चर्चेचा विषय ठरला. आंतरराष्ट्रीय राजनैतिक व्यासपीठावर भारतीय चित्रपटसंगीताची झलक पाहायला मिळाल्याने या प्रसंगाला विशेष महत्त्व आले.
व्हिडिओमध्ये अन्वर इब्राहिम पियानोवादकाजवळ जात गाण्याच्या धुनेसोबत सहभागी होताना दिसतात. औपचारिक बैठका, चर्चा आणि राजनैतिक कार्यक्रमांच्या वातावरणात घडलेला हा अनौपचारिक क्षण उपस्थितांसाठी लक्षवेधी ठरला. अन्वर यांनी स्वतः हा व्हिडिओ सोशल मीडिया अकाउंटवर शेअर केला. ब्रिक्स गाला डिनरमध्ये विविध सांस्कृतिक कार्यक्रमांचाही समावेश होता. त्यामुळे संगीत, कला आणि विविध देशांच्या सांस्कृतिक परंपरांना एकत्र आणणाऱ्या या कार्यक्रमात अन्वर इब्राहिम यांच्या किशोर कुमार गीताने विशेष रं
.png "Videos"){kind=small}
