VIRAL VIDEO: मृत्यूनंतरही मुलगा परतला! AI तंत्रज्ञानाचा काळजाला भिडणारा वापर; ‘असा’ व्हिडिओ पाहून वृद्ध आई झाली हर्षोल्हासित

China AI Viral News: चीनमध्ये एका मृत व्यक्तीच्या कुटुंबीयांनी त्यांच्या ८० वर्षीय आईला धक्क्यापासून वाचवण्यासाठी एआयच्या मदतीने तिचा एक डिजिटल अवतार तयार केला आहे, जो आता तिच्याशी दररोज व्हिडिओ कॉलवर बोलतो.

• एआयचा चमत्कार
• आईसाठी मायेचा आधार
• भावनिक संवाद

AI digital avatar of deceased person : विज्ञानाने प्रगती केली आहे असे आपण नेहमी म्हणतो, पण चीनमधील (China) एका घटनेने ही प्रगती मानवी भावनांच्या किती जवळ पोहोचली आहे, याचे एक अजब उदाहरण समोर ठेवले आहे. शांदोंग प्रांतात एका रस्ते अपघातात एका तरुणाचा अकाली मृत्यू झाला. घरात दुःखाचा डोंगर कोसळला होता, पण सर्वात मोठे संकट होते ते त्या तरुणाच्या ८० वर्षीय आईला ही बातमी सांगण्याचे. हृदयविकाराचा त्रास असलेल्या त्या माऊलीला आपल्या काळजाच्या तुकड्याचा मृत्यू सहन झाला नसता. अशा वेळी कुटुंबाने जो मार्ग निवडला, तो वाचून कोणालाही आश्चर्य वाटेल.

फोटोंमधून उभा राहिला ‘डिजिटल’ मुलगा

आईला या धक्क्यातून वाचवण्यासाठी कुटुंबाने जिआंग्सू प्रांतातील प्रख्यात एआय तज्ज्ञ झांग जिवेई यांची मदत घेतली. त्यांनी मृत व्यक्तीचे जुने फोटो, व्हिडिओ आणि आवाजाचे नमुने गोळा केले. त्या तरुणाच्या बोलण्याच्या लकबी, त्याच्या स्थानिक बोलीभाषेतील शब्द आणि हसण्याची पद्धत या सर्वांचा अभ्यास करून एक ‘एआय अवतार’ तयार करण्यात आला. हा अवतार केवळ फोटोसारखा स्थिर नसून, तो व्हिडिओ कॉलमध्ये जिवंत माणसासारख्या हालचाली करतो.

जागतिक घडामोडी संबंधित बातम्या वाचण्यासाठी येथे क्लिक करा : Israel-Lebanon War: 3 आठवड्यांची शांतता रॉकेटच्या आवाजात विरली; इस्रायलने हिजबुल्लाहचे लाँचर्स उडवले, काही दहशतवाद्यांचा खात्मा

दररोजचा तो मायेचा व्हिडिओ कॉल

आज त्या ८० वर्षांच्या आईला आपला मुलगा कायमचा सोडून गेला आहे, हे ठाऊकच नाही. एका चॅट ॲपद्वारे हा एआय अवतार दररोज आईला व्हिडिओ कॉल करतो. “आई, तू जेवलीस का?”, “आज तब्येत कशी आहे?” अशा साध्या पण मायेच्या गप्पा तो त्याच्याच जुन्या आवाजात मारतो. एआय तंत्रज्ञान इतके प्रगत आहे की, बोलताना तो मुलगा जसा वाकायचा किंवा डोळे मिचकावायचा, अगदी तशाच हालचाली हा अवतार करतो. त्या माऊलीला वाटते की आपला मुलगा लांब कुठे तरी कामाला आहे आणि तिथूनच तो आपली काळजी घेत आहे.

जागतिक घडामोडी संबंधित बातम्या वाचण्यासाठी येथे क्लिक करा : Iran Embassy: ‘कभी इंडिया आके देखो…’ भारताला नरक’ बोलणाऱ्या ट्रम्पना इराणने दाखवली जागा; केले ‘असे’ धडाकेबाज Tweet

See more

Immortality via video call Korea has developed an artificial intelligence that can communicate with deceased people via video. It interviews you with personal questions for 7 hours to learn your habits. It then creates a digital copy of you that can live forever and replace you… pic.twitter.com/1jZLBISoez — nikola 3 (@ronin19217435) April 23, 2026

credit – social media and Twitter

तंत्रज्ञान की भावनिक फसवणूक?

या घटनेने जगभरात एका नवीन चर्चेला तोंड फुटले आहे. एका बाजूला एआयचा हा उपयोग मानवी दुःख कमी करण्यासाठी एक वरदान मानला जात आहे, तर दुसऱ्या बाजूला यावर नैतिक प्रश्नही उपस्थित केले जात आहेत. एखाद्या मृत व्यक्तीला अशा प्रकारे ‘डिजिटल’ स्वरूपात जिवंत ठेवणे हे मानसिक आरोग्यासाठी कितपत योग्य आहे? आईला सत्य लपवून अशा भ्रमात ठेवणे ही तिची फसवणूक नाही का? असे अनेक प्रश्न तज्ज्ञांनी उपस्थित केले आहेत. मात्र, त्या वृद्ध आईच्या चेहऱ्यावरील समाधान पाहून अनेकांनी या प्रयोगाचे स्वागतही केले आहे.