CJP Protest Video: मोठा लाॅस झाला! पोलिस व्हॅनच्या खिडकीतून बाहेर निघू लागली तरुणी, स्वत: राहिली आत अन् फोनच गेला चोरीला…

दिल्लीतील आंदोलनादरम्यान एका तरुणीसोबत घडलेल्या अनपेक्षित घटनेचा व्हिडिओ सोशल मीडियावर चर्चेत आला आहे. व्हॅनमधून बाहेर पडण्याच्या प्रयत्नात तरुणीने आपली बॅग आणि फोन गर्दीकडे दिला, मात्र तिचा प्रयत्न फसल्याचे सांगितले जात आहे.

• आंदोलनादरम्यान नेमकं काय घडलं?
• तरुणीचा फोन आणि बॅग कशी हरवली?
• व्हायरल व्हिडिओवर नेटकऱ्यांच्या मजेशीर प्रतिक्रिया

निवडणूकीतील घोटाळ्याला आळा घालण्यासाठी आणि याबाबत आपला आवाज उठवण्यासाठी सीजेपीने आपले नवे आंदोलन जाहीर केले होते. पहिल्या आंदोलनाच्या यशानंतर दुसऱ्या आंदोलनातही आंदोलक उत्सफूर्तीने यात सहभागी झाले पण पोलिसांच्या कडक निर्बंधणामुळे आंदोलनाच्या सुरुवातीलाच याचा शेवट झाला. सोशल मिडियावर याचे अनेक व्हिडिओज शेअर करण्यात आले. जंतर-मंतरवर आंदोलनासाठी आलेल्या सर्वांना पोलिसांनी व्हॅनमध्ये भरुन दुसऱ्या ठिकाणी हलवलं. अशात संतप्त आंदोलकांनी पोलिस व्हॅनच्या खिडकीतून बाहेर पडत आपली सुटका करु पाहिली.

पाठीवर लेकरू आणि हातात कष्टांची जबाबदारी, मातेच्या अफाट जिद्दीने पाझरवले नेटकऱ्यांचे डोळे; Video Viral

असंच काहीसं करण्याचा प्रयत्न एका तरुणीनेही केला पण यात तिचा मोठा लाॅस झाला. तरुणीने पोलिस व्हॅनबाहेर जमलेल्या गर्दीत आपली बॅग आणि फोन खिडकीतून बाहेर लोकांच्या गर्दीत सुपूर्त केला पण जशी ती खिडकीतून बाहेर निघण्याचा प्रयत्न करु लागली तसे पोलिसांनी तिला पकडून पुन्हा व्हॅनमध्ये बसवून नेलं. यात घडलं असं की, मुलीला व्हॅनबाहेर तर निघता आलं नाही, शिवाय आपला फोन आणि बॅग देखील ती लोकांना देऊन बसली. म्हणजे हे असं की, तेलही गेलं, तूपही गेलं अन् हाती राहिलं धुपाटणं. गोंधळ आणि चेंगराचेंगरीत तरुणीचा मोबाईल हरवल्याचे सांगण्यात येत आहे.

काय घडलं दिल्लीत?

१० ऑक्टोबर २०२६ रोजी काॅकरोच जनता पार्टीने आयोजित केलेल्या आंदोलनाला दिल्ली पोलिसांनी स्पष्टपणे आपला नकार दर्शवला. कोणत्याही परवानगीशिवाय आंदोलन करणे अमान्य आहे असं म्हणत दिल्ली पोलिसांनी घटनास्थळी मोठा बंदोबस्त करुन ठेवला. चारही बाजूंनी बॅरिगेट्स लावण्यात आले, ४५ पेक्षा जास्त मेट्रो स्टेशन बंद, अनेक रेल्वे गाड्या रद्द करण्यात आल्या. इतकंच नाही तर मध्य दिल्लीत इंटरनेट सेवांवर देखील निर्बंध आणण्यात आले होते. दरम्यान या आंदोलनाच्या अपयशानंतर आता सुटकेनंतर CJP च्या नेत्यांनी शांततापूर्ण आंदोलनासाठी पुन्हा परवानगी मागण्याचा आणि संघर्ष सुरू ठेवण्याचा निर्धार व्यक्त केला आहे.

This girl tried to escape from a police van after being detained, and someone stole her phone🥲 https://t.co/eqGYsiF2gR — Ghar Ke Kalesh (@gharkekalesh) October 11, 2026

Paris Youth in Mumbai: मुंबईत फक्त 21 दिवस राहिला अन् Paris च्या तरुणाला उमगलं शहराचं गुपित! म्हणतो, ‘इथे…’

दरम्यान आंदोलनात फोन चोरीला जाण्याच्या या घटनेमुळे सोशल मिडियावर चर्चेला उधाण आले आहे. अनेक यूजर्सने व्हिडिओवर कमेंट्स करत यावर आपल्या प्रतिक्रिया व्यक्त केल्या आहेत. यात एका यूजरने म्हटले की, “आंदोलनात कूल बनायला आली होती पण बॅग आणि फोन चोरी झाला”, दुसऱ्या युजरने लिहिले आहे, “आता ती पुन्हा कधी आंदोलनात सामील होण्याचा विचारही करणार नाही”, आणखी एका यूजरने लिहिले आहे, “ती शायनिंग मारायला आली होती पण आयुष्यभरासाठी हे नुकसान ती लक्षात ठेवेल”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.