हा माझाच नातेवाईक का? डमी हत्तीला पाहून खऱ्या हत्तीचं कन्फ्युजन, पुढे काय केलं ते पाहून हसू आवरणार नाही; हास्यास्पद Video Viral

Elephant Funny Video : चिमुकल्या हत्तीची करामत तर पाहा...! उद्यानात डमी हत्तीला पाहून खऱ्याखुऱ्या हत्तीच्या पिल्लाला वाटलं हा तर माझाच नातेवाईक. त्याला हाय-बाय करायला तो पुढे आला आणि तासनतास त्याच्याशी गप्पा मारु लागला.

• सोशल मीडियावर एक गोंडस आणि मजेशीर व्हिडिओ वेगाने व्हायरल होत आहे.
• एका छोट्या हत्तीच्या निरागस वागण्याने लोकांचे लक्ष वेधून घेतले.
• व्हिडिओ पाहून यूजर्सनी त्याच्या क्यूटनेसवर भरभरून प्रतिक्रिया दिल्या.

सोशल मिडिया एक असे प्लॅटफाॅर्म आहे जिथे कधी काय दिसून येईल ते सांगता येत नाही. इथे दररोज शेकडो व्हिडिओ शेअर केले जातात आणि यातील काही रंजक व्हिडिओ लोकांचे लक्ष वेधून घेतात. असाच एक मनोरंजक व्हिडिओ अलिकडे इंटरनेटवर शेअर करण्यात आला आहे ज्याने सर्वांनाच हसू अनावर केलं. हा व्हिडिओ एका छोट्या हत्तीचा असून त्याने झालेलं गोड कन्फ्युजन पाहून लोकांना हसू आवरता आलं नाही. घडलं असं की, हत्तीच्या पिल्लाने त्याच्या जीवनात पहिल्यांदाच एका डमी हत्तीला पाहिले होते ज्यामुळे त्याच्या मनात संभ्रम निर्माण झाला. त्याला वाटलं तो त्याचा कुणी लांबचा नातेवाईक आहे आणि त्याने त्याच्यासोबत संभाषण करायला सुरुवात केली. हत्तीच्या पिल्लाचा तो निरागस भाव आणि गोंडसपणा लोकांना फार भावला आणि लोकांनी वेगाने हे दृष्य शेअर करण्यास सुरुवात केली. चला व्हिडिओत नक्की काय घडलं ते सविस्तर जाणून घेऊया.

समुद्रात फोटोशूट करायला गेली होती महिला, तितक्यातच मागून झाली मोठ्या व्हेल माशाची एंट्री! पुढे जे घडलं… Video Viral

काय घडलं व्हिडिओत?

लहान असताना आपल्या प्रत्येकामध्ये खोडसरपणा हा असतोच. मग तो माणूस असो वा प्राणी… मुलांनी केलेल्या खोडी तर आपण बऱ्याचदा पाहिल्या असतील पण हत्तीच्या पिल्लासोबत झालेली ही गोड थट्टा मात्र तुमच्या चेहऱ्यावर नक्कीच हसू आणेल. ही थट्टा जाणून बुजून करण्यात आली नाही तर ती हत्तीसोबत अनावधानाने घडून आली. एका पार्कमध्ये जेव्हा हत्तीच्या पिल्लाने डमी हत्तीला पाहिलं तेव्हा तो आपला कुणी नातेवाईक असावा या भावनेने तो त्याच्यासोबत गप्पा मारायला पुढे गेला. त्याने सोंडेने त्याला हात लावला आणि मान डोलवतंच तो त्याला काहीतरी सांगू लागला. त्याला बऱ्याच काळानंतर कुणीतरी मित्र भेटला आहे ज्यामुळे आपल्या मनातील भावना तो त्याकडे व्यक्त करताना दिसला. हत्तीच्या या निरागतेचे आता सोशल मिडियावर काैतुक केले जात असून त्याच्या भाबडेपणाने लोकांना हृदय जिंकूण घेतले आहे.

See more

चमत्कारच जणू! पर्वतावर उतरले आकाश, जिब्राल्टरमधील जादुई दृष्य पाहून यूजर्स झाले थक्क; Video Viral

दरम्यान हत्तीचा हा व्हिडिओ @_.chutiyapa._ नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘हत्तीचे एक पिल्लू भटकत-भटकत मुलांच्या उद्यानात शिरते आणि तिथे त्याला हत्तीचा एक कृत्रिम पुतळा दिसतो. तो पुतळा खराच हत्ती आहे असे समजून, ते चिमुकले पिल्लू वारंवार आपली मान हलवत त्याच्याशी संवाद साधण्याचा प्रयत्न करू लागते’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “निर्मळ, निरागस आत्मा”, दुसऱ्या युजरने लिहिले आहे, “तो फार क्यूट आहे” आणखीन एका युजरने लिहिले आहे, “मला वाटतं त्याला मित्राची गरज आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.