
Indian army play cricket with snowball video
हिमालयातील प्रचंड थंडीमध्ये भारतीय जवानांनी बर्फाच्या मैदानावर क्रिकेटचा आनंद लुटला आहे. बर्फाचा चेंडू बनवून अनोखा सामना पर्वतावर रंगला आहे. सध्या याचा व्हिडिओ सोशल मीडियावर मोठ्या प्रमाणात व्हायरल होत आहे. अनेकांनी कडाक्याच्या थंडत, कर्तव्याच्या कठीण परिस्थितीत जवानांच्या चेहऱ्यावर एका हास्य, उम्मीद आणि उत्साह दिसत आहे. यामुळे त्यांच्यावर कौतुकांचा वर्षाव होत आहे. वर्ष-दोन वर्ष आपल्या घरापासून दूर राहून आपल्या देशाची रक्षा भारतीय जवान करत असतात. त्यांच्या या त्यागामुळेच आज आपण देशात सुरक्षित आहोत. इतक्या कठीण परिस्थिती आपले मनोबल न तुटू देता कसे जगायचे हे शिकवणाऱ्या दृश्याने लोकांना भावूक केले आहे.
व्हायरल व्हिडिओ
नेटकऱ्यांच्या प्रतिक्रिया
व्हायरल होत असलेला व्हिडिओ सोशल मीडिया प्लॅटफॉर्म इन्स्टाग्रामवर इंडियन आर्मीने @indianarmy.adgpi या पेजवर शेअर केला आहे. व्हिडिओच्या कॅप्शनमध्ये “Where the cold bites hardest, their laughter echoes the loudest.” म्हणजे, जिथे जास्त थंडी, तिथे सर्वात जास्त हास्य ऐकू येते, असे लिहिले आहे. अनेकांनी यावर कमेंट्सही केल्या आहेत. एका नेटकऱ्याने, हे खूप भारी आहे, जय हिंद असे म्हटले आहे, तर दुसऱ्या युजरने या व्हिडिओने माझी सकाळ आनंदी केली असे म्हटले आहे, तर तिसऱ्या एकाने आतापर्यंतचा हा सर्वात सुंदर व्हिडिओ आहे. कठीण परिस्थितीतही आनंदाने जगायला शिकवणारा, असे म्हटले आहे. सध्या हा व्हिडिओ सोशल मीडियावर नेटकऱ्यांच्या पसंतीस पडत आहे.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.