नेपाळमध्ये भारतीय पर्यटकाला रस्त्यावर थुंकणं पडलं महागात; स्थानिकाने भरस्त्यात साफ करुन घेतला गुटख्याचा डाग, VIDEO VIRAL

सोशल मीडियावर नेपाळमध्ये फिरायला गेलेल्या भारतीय पर्यटकांच्या एका घाणरेड्या कृत्याचा व्हिडिओ तुफान व्हायरल होत आहे. या व्हिडिओमुळे भारतीयांनी तीव्र नाराजी व्यक्त केली आहे, तर नेपाळच्या तरुणाचे सर्वत्र कौतुक होत आहे.

• नेपाळमध्ये भारतीय पर्यटकाला रस्त्यावर थुंकणं पडलं महागात
• स्थानिकांनी भरस्त्यात साफ करुन घेतला गुटख्याचा डाग
• माफीही मागायला लावली
• व्हिडिओ तुफान व्हायरल

सोशल मीडियावर रोज हजारो व्हिडिओ व्हायरल होत असतात. कधी मजेशीर, तर कधी चित्र-विचित्र व्हिडिओ सोशल मीडियावर आपल्याला पाहायला मिळतात. काही व्हिडिओ इतके संतापजनक असतात की पाहून तळपायाची आग मस्तकात जाते. सध्या असाच एक संतापजनक कृत्याचा व्हिडिओ सोशल मीडियावर व्हायरल होत आहे. भारतीय पर्यटकांनी नेपाळमध्ये केलेल्या घाणरेड्या कृत्यामुळे पुन्हा एकदा देशाची प्रतिमा खराब झाली आहे. याचा व्हिडिओ सोशल मीडियावर तुफान व्हायरल होत आहे.

नेमकं काय आहे प्रकरण ?

व्हायरल होत असलेल्या व्हिडिओनुसार, एक भारतीय पर्यटकांचा गट कारने नेपाळमध्ये फिरण्यासाठी गेला होता. यावेळी प्रवासादरम्यान एका पर्यटकाने खिडकीतून रस्त्यावर गुटखा थुंकला. यामुळे स्थानिक नागरिकांनी तीव्र संताप व्यक्त केला. एका स्थानिक तरुणाने रस्त्यावर थुंकणाऱ्या भारतीय पर्यटकाला चांगलेच सुनावले. एवढेत नाही तर रस्त्या अस्वच्छ झाल्याने त्यांच्याकडून गुटख्याचा डाग साफही करुन घेतला. त्यांना माफी मागायला लावली. पर्यटकांना त्यांच्या चुकीची जाणीव करुन दिली. व्हिडिओत तुम्ही पाहू शकता की, नेपाळी तरुण संतापून म्हणत आहे की, हे इंडिया नाही भाऊ, नेपाळ आहे. इथे घाण करुन नका, पाणी टाका, साफ करुन घ्या. भारतासारख्या मोठ्या देशातून आलात आणि इथे येऊन घाण करता? असा प्रश्नही त्याने केला आहे.

नोकरी मिळेल का? तरुणाने थेट इराणी दूतावासाला केला प्रश्न; मिळालेल्या उत्तराने जिंकली भारतीयांची मने

व्हायरल व्हिडिओ

See more

Even Nepalese are now scolding Indians for poor civic sense. An Indian went to Nepal for tourism.
There, he spat gutka on the road from a moving car. Some Nepalese stopped his car and made him clean the gutka from the road. Even Nepalese are improving now… when will Indians ?… pic.twitter.com/bVe53ybX2w — Oppressor (@TyrantOppressor) April 8, 2026

 नेटकऱ्यांच्या प्रतिक्रिया 

व्हायरल होत असलेला व्हिडिओ सोशल मीडिया प्लॅटफॉर्म एक्सवर शेअर करण्यात आला आहे. या व्हिडिओवर एकीकडे नेपाळी तरुणाच्या देशप्रेमाचे कौतुक केले जात आहे, तर भारतीय पर्यटकांच्या कृत्यामुळए सोशल मीडियावर नाराजी व्यक्त केली जात आहे. एका नेटकऱ्याने कमेंट केली आहे की, अशा लोकांमुळेच परदेशात भारताचे नाव खराब होते असे म्हटले आहे. यावर अनेकांनी सहमती दर्शवली आहे.

बाईईsss हा काय प्रकार! रिलसाठी महिलेने जळती चूल डोक्यावर ठेवली अन् त्यावर भाजली चपाती; अजब गजब प्रकारचा Video Viral

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.