दुसऱ्याच्या आनंदात तिने मानलं सुख! दोन्ही हातं गमावले पण तरीही चेहऱ्यावर झळकलं गोड हसू, चिमुकलीच्या Video ने सर्वांनाच केलं भावूक

Little Girl Heart Touching Video : जे नाही त्याची खंत नको, जे आहे त्यात आनंद शोधा! दिव्यांग मुलीच्या व्हिडिओने इंटरनेटवर सर्वांना भावूक केलं आणि याची जाणीव करुन दिली की आनंद हा प्रत्येक परिस्थितीत शोधता येतो.

• दोन्ही हात नसतानाही चिमुकली इतर मुलांना खेळताना पाहून आनंदी राहते.
• व्हिडिओने लोकांना शिकवलं की आनंद हा परिस्थितीवर नाही, तर आपल्या विचारांवर अवलंबून असतो.
• सोशल मीडियावर व्हिडिओ व्हायरल होत अनेकांनी तिच्या सकारात्मकतेचं कौतुक केलं.

प्रत्येकाच्या आनंदाच्या व्याख्या या वेगळ्या असतात. काही छोट्या गोष्टींमध्येच खुश होतात तर काहींकडे सर्व सुखं असूनही आनंद नसतो. आपण जसा विचार करतो त्यावर आपला आनंद अवलंबून असतो. असं म्हणतात जेव्हाही देवाने आपल्याला काही दिलं नाही असा विचार येईल तेव्हा आजूबाजूच्या लोकांना पाहा. तुम्हाला कुणी ना कुणी असा मिळेलच ज्याच्या आयुष्यात तुमच्याहून अधिक दु:ख आहे. अनेकदा देवाचे यासाठी आभार मानले जाते की परिस्थिती कशीही असली तरी त्याच्याशी लढण्यासाठी त्याने आपल्याला दोन हात, पाय, डोळे असे सर्व अवयव उत्तम दिले आहेत. पण मग ज्यांच्याकडे ते नाही ते लोक दु:खी असतात का? तर नाही. आपल्या आयुष्यातील आनंद हा आपण स्वत: शोधायला हवा.

महासागराचं रहस्य उलगडलं! समुद्रकिनाऱ्यावर सापडला 150 वर्षांचा शार्क; पाहून शास्त्रज्ञांनाही बसला धक्का

अलिकडे सोशल मिडियावर एक नवा व्हिडिओ शेअर करण्यात आला आहे ज्याने सर्वांनाच भावूक करुन सोडलं. व्हिडिओमध्ये लक्षवेधी ठरणारी व्यक्ती म्हणजे दिव्यांग मुलगी जिच्या चेहऱ्यावरील निखळ हास्य पाहून सर्वच थक्क झाले. मुलीकडे स्वत:चे दोन्ही हात नाहीत पण तरीही तिच्या चेहऱ्यावर आनंद होता. तिला आपल्या नसलेल्या हातांच दु:ख नव्हतं तर आपल्या मित्रांना खेळताना पाहून, त्यांची मजामस्ती पाहून खुश होत होती. व्हिडिओमध्ये आपण पाहू शकता यात दिसते की, एक लहान मुलगी जिन्याजवळ बसलेली दिसत आहे. तिच्या जवळच, दोन मुले खेळताना, धावताना आणि हसताना दिसत आहेत. ती मुलगी स्वतः खेळात सहभागी होऊ शकली नाही पण तिने आपल्या आनंदाचा मार्ग मात्र शोधून काढला. हा व्हिडिओ सध्या यूजर्सना चांगलाच प्ररित करत असून लोकांना शिकवतो की आपल्याकडे अनेक गोष्टी नसल्या तरीही जे आहे त्यात आपण आनंदी नक्कीच राहू शकतो.

See more

मृत्यूच्या काही वेळेआधी कानात घुमतात ‘हे’ शब्द, मरणाच्या दारातून परतलेल्या व्यक्तीने उघड केले सत्य

व्हिडिओ लोकांच्या मनाला भिडला आणि यूजर्सने वेगाने व्हिडिओला शेअर करण्यास सुरुवात केली. चिमुकलीचा हा व्हिडिओ @deeva_2024 नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘फक्त बसून बसून ती हसली आणि सर्व दुःख विसरुन गेली’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “देव तिला नेहमी सुखी ठेवो”, दुसऱ्या युजरने लिहिले आहे, “तिचे दुःख पाहून मला माझ्या आयुष्यात किती सुख आहे याची जाणीव झाली” आणखीन एका युजरने लिहिले आहे, “तिचे हात जन्मापासूनच नाहीयेत की अपघातात तिला हे हात गमवावे लागले?”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.