वेतनश्रेणीच्या मागणीसाठी खंडाळा न्यायालयीन कर्मचाऱ्यांचा बेमुदत संप
खंडाळा : महाराष्ट्र राज्यातील सर्व न्यायालयीन कर्मचाऱ्यांनी उच्च न्यायालयातील कर्मचाऱ्यांप्रमाणे वेतनश्रेणी मिळावी,या प्रमुख मागणीसाठी खंडाळा दिवाणी व फौजदारी न्यायालयाच्या न्यायालयीन कर्मचाऱ्यांनी बेमुदत संप पुकारला आहे. या संपाचे पडसाद खंडाळा न्यायालयातही उमटले असून, न्यायालयीन कर्मचाऱ्यांनी काम बंद आंदोलन सुरू केल्याने न्यायालयाच्या कामकाजावर परिणाम झाल्याचे पाहायला मिळाले. (Khandala Court Strike)
उच्च न्यायालयातील कर्मचाऱ्यांप्रमाणे वेतनश्रेणी लागू करण्यात यावी,या मागणीसाठी राज्यभरातील न्यायालयीन कर्मचारी संपावर गेले आहेत.या आंदोलनामुळे न्यायालयीन कामकाजाची नियमित प्रक्रिया प्रभावित होण्याची शक्यता निर्माण झाली आहे.
दरम्यान, खंडाळा तालुका बार असोसिएशननेही न्यायालयीन कर्मचाऱ्यांच्या या आंदोलनाला पाठिंबा दर्शविला आहे. त्यामुळे खंडाळा न्यायालय परिसरात कर्मचाऱ्यांच्या संपाला वकिलांकडूनही समर्थन मिळत असल्याचे चित्र पाहायला मिळाले.
Satara Court Employees : न्यायालयीन कामकाज ठप्प होण्याची शक्यता! राज्यभरातील कर्मचारी बेमुदत संपावर
मागण्यांबाबत शासनाकडून सकारात्मक निर्णय होईपर्यंत हा संप सुरू राहणार असल्याची भूमिका कर्मचाऱ्यांनी घेतली आहे. यावेळी खंडाळा दिवाणी व फौजदारी न्यायालयातील सहाय्यक अधिक्षक प्रदिप बाबर, वर्षाराणी शेलार, ज्ञानेश्वर इथापे, सारंग पवार, किरण कुलकर्णी, स्वामी माळी, प्रविण घाडगे, रोहित जमदाडे, साक्षी शेलार, प्रसाद दगडे, राजेंद्र अडागळे, तुषार जगताप, शांतिलाल भुजबळ, तुळशीदास लाखे, दत्ताञय शिंदे, योगिता निवळे, बंदेनवाज शेख हे सहभागी झाले आहेत.
आता शासन या मागणीबाबत काय निर्णय घेते आणि न्यायालयीन कर्मचाऱ्यांचा हा संप किती दिवस सुरू राहतो, याकडे सर्वांचे लक्ष लागले आहे.
Ans: उच्च न्यायालयातील कर्मचाऱ्यांप्रमाणे वेतनश्रेणी लागू करावी, या प्रमुख मागणीसाठी खंडाळा न्यायालयातील कर्मचाऱ्यांनी बेमुदत संप पुकारला आहे.
Ans: खंडाळा तालुका बार असोसिएशनने न्यायालयीन कर्मचाऱ्यांच्या आंदोलनाला पाठिंबा दर्शविला आहे. त्यामुळे वकिलांकडूनही या आंदोलनाला समर्थन मिळत आहे.
Ans: कर्मचाऱ्यांनी काम बंद आंदोलन सुरू केल्याने खंडाळा दिवाणी व फौजदारी न्यायालयातील नियमित कामकाज आणि प्रशासकीय प्रक्रियेवर परिणाम झाला आहे.






