१ रुपयांत भरपेट नाश्ता! भारतामध्ये ‘या’ ठिकाणी मिळतो सर्वात स्वस्त नाश्ता; सकाळीच भरते खवय्यांची गर्दी; Video Viral

1 Rupees Breakfast : काय सांगता... फक्त रुपयांत मिळतो भरपेट नाश्ता? अहो खोटं नाही हे आहे वास्तवातील सत्य! देशाच्या एका ठिकाणी आजही नाश्त्याचे एक असे दुकान चालवले जाते जिथे गरमागरम नाश्त्याचे पदार्थ फक्त १ रुपयाला विकले जातात.

• महागाईच्या काळातही फक्त १ रुपयांत मिळतो नाश्ता
• राम बाबू अन्ना २५ वर्षांपासून जपतात अनोखी परंपरा
• इडली, उपमा, पोह्यांसह भरपेट नाश्ता; व्हिडिओ सोशल मीडियावर व्हायरल

देशात महागाई सातत्याने वाढत असताना पूर्वाीप्रमाणे आता १-२ रुपयांना काही खरेदी करता येत नाही. साधी पाण्याची बाटली किंवा चहा जरी खरेदी करायचा असला तरी आपल्याला १० रुपये मोजावे लागतात. अशात विचार करा आम्ही तुम्हाला सांगितलं की, फक्त १ रुपयांत तुम्ही भरपेट नाश्ता करु शकता तर यावर तुमचा विश्वास बसेल का? महगाईच्या या युगात १ रुपयांना नाश्ता मिळणे ही गोष्ट जवळपास अशक्य वाटणारी आहे. पण आम्ही तुम्हाला सांगतो की, हे खोटं नसून खरं सत्य आहे. भारतात असे एक दुकान आजही सुरु असून याचा व्हिडिओ सोशल मिडियावर शेअर करण्यात आलेला आहे. चला याविषयी सविस्तर जाणून घेऊया.

‘डीएम अंकल, रोड बनवून द्या…’, शाळकरी मुलीची जिल्हाधिकाऱ्यांना आर्त हाक, रस्त्यावरील खड्डे आणि साचलेल्या पाण्यामुळे होतोय त्रास

२५ वर्षांपासून एकच भाव

सोशल मिडिया क्रिएटरने हे अनोखे ठिकाण शोधून काढले असून याचा व्हिडिओ इंटरनेटवर सध्या चांगलाच चर्चेत आहे. हे दुकान मागील २५ वर्षांपासून सुरु असून दुकानदाराने येथील पदार्थांची चव आणि पैशांमध्ये कधीच कोणता बदल केला नाही. आजही १ रुपयांत इथे लोकांना नाश्ता खाण्यासाठी सर्व्ह केला जातो आणि आनंदाने लोक इथून भरपेट नाश्ता करुन आपल्या दिवसाची सुरुवात करतात. या अनोख्या गोष्टीचे श्रेय दुकानमालक राम बाबू अन्ना यांना जाते.

काही लोक हे पैसे कमवण्यासाठी व्यावसाय करतात पण काही लोक हे लोकांना जेवण खाऊ घालण्याला आपले खरे पुण्य मानतात. राम बाबू अन्ना देखील याचेच एक उत्तम उदाहरण आहेत. त्यांच्या कुटुंबाची परिस्थिती चांगली नव्हती. त्यांनी आजूबाजूला गरिबी पाहिली होती. अनेकदा पैशांच्या कमतरतेमुळे ते नाश्ता न करताच घरातून बाहेर पडायचे. यावरुन त्यांना कल्पना आली की, कमी पैशात नाश्त्याचे दुकान सुरु करायचे जेणेकरुन कुणीही उपाशी राहू नये. घराजवळील जागा भाड्याने विकत घेऊन त्यांनी नाश्त्याचे दुकान सुरु केले. इथे ते इडली, उपमा, पोहे असे पदार्थ सर्व्ह करतात. सर्व पदार्थ इथे फक्त १ रुपयांत विकले जातात. अनेकांनी सुरुवातीला त्यांना पागल म्हटलं पण १ रुपयांत नाश्ता खाऊ घालण्याची ही परंपरा ते २५ वर्षांपासून निरंतर पार पाडत आहेत.

See more

‘जिगरबाज ड्रायव्हर!’ निवासी भागात ट्रकला लागली भीषण आग; स्वतःचा जीव धोक्यात घालून रोखला अनर्थ; Video Viral

सुरुवातीला राम बाबू अन्ना यांना नुकसान झाले पण आपल्या निर्णयावर ते शेवटर्यंत ठाम राहिले. त्यांनी सांगितले की, पैसे कमवणे हे त्यांचे ध्येय कधीच नव्हते तर लोकांची सेवा करणे हे त्यांचे ध्येय आहे. एक रुपये ही किंमत त्यांनी यासाठी ठेवली जेणेकरुन लोकांना स्वाभिमानाने हे अन्न विकत घेऊन खाता येईल. हळूहळू दुकानाची चर्चा वाढली आणि आजूबाजूच्या गावातून लोक राम बाबू अन्नाच्या दुकानात नाश्त्याची चव चाखण्यासाठी येऊ लागले. पहाटेपासूनच दुकानाची सर्व तयारी सुरु होते आणि सकाळच्या प्रहरी इथे नाश्ता विकायला सुरुवात होते. मजदूर, शाळेचे विद्यार्थी, वृद्ध असे सर्वजण मिळून इथे नाश्ता करतात. विशेष म्हणजे, किंमत कमी असली तरी पदार्थांच्या चवीची आणि जागेच्या स्वच्छतेची इथे खास काळजी राखली जाते. दुकानाचे नेमके ठिकाण व्हिडिओत नमूद करण्यात आलेले नाही पण व्हिडिओतील कमेंटमध्ये एका यूजरने हे दुकान आंध्र प्रदेशमध्ये असल्याचा दावा केला आहे.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.