Video Viral : भाविक भजनात होते दंग अन् क्षणातच होत्याच नव्हतं झालं… मथुरा बोट अपघाताआधीचा व्हिडिओ आला समोर

Mathura Boat Accident Video : मथुरेतील वृंदावन येथे भीषण अपघात घडून आला ज्यात तब्बल १० जणांचा मृत्यू झाल्याची बातमी आहे. अपघातापूर्वीचा एक व्हिडिओ इंटरनेटवर शेअर करण्यात आला आहे ज्यात लोक भजना गाताना दिसले.

• नदीतील बोट प्रवासादरम्यान घडलेली एक गंभीर घटना चर्चेत.
• अपघातापूर्वीचा क्षण दाखवणारा व्हिडिओ सोशल मिडियावर व्हायरल.
• बचावकार्य सुरू असून काही जणांबाबत अद्याप अनिश्चितता कायम.

शुक्रवार १० एप्रिल रोजी मथुरेतील वृंदावन येथे एक मोठा अपघात झाला. इथे यमुना नदीत एक स्टीमर उलटल्याने अपघातात तब्बल १० जणांचा मृत्यू झाला. या अपघातात अनेकजण गंभीर जखमी देखील झाल्याचे वृत्त आहे. घटना फार भीषण असून यामुळे स्थानिकांमध्ये भितीचे वातावरण निर्माण झाले. याच पार्श्वभूमीवर, आता सोशल मिडियावर अपघातापूर्वीचा एक व्हिडिओ फार वेगाने शेअर केला जात आहे. व्हिडिओमध्ये भाविक अपघाताच्या काही वेळाआधी देवाच्या भक्तीत मग्न होऊन भजन गाताना दिसून आले.

पोपट बनला जलपरी… मालकाच्या युक्तीने पक्ष्याने समुद्राच्या पाण्यात केला विहार; Viral Video ने सर्वांनाच केलं अवाक्

याआधीही सोशल मिडियावर या अपघाताचा एक व्हिडिओ व्हायरल झाला होता ज्यात लोक नदीत बुडताना आणि मदतीसाठी आक्रोश करताना दिसून आले. अशातच आता मात्र इथे आणखी एक दुसरा व्हिडिओ व्हायरल झाला आहे जो अपघाताच्या काही वेळाआधीचा असल्याचे सांगितले जात आहे. यामध्ये लोक बोटीत बसून पाण्याच्या सफरचा आनंद लुटताना दिसले. अनेक लोक यावेळी देवाचे नाव घेत भजन गाण्यात मग्न होते. गाताना त्यांच्या चेहऱ्यावर एक वेगळाच आनंद होता पण काही वेळातच त्यांचा हा आनंद अशा दुःखात बदलला ज्याचा कुणी विचारही केला नसावा.

See more

How negligence cost lives of 10 Punjab devotees Steamer packed beyond capacity in UP’s Mathura. Devotees from Punjab chanting “Radhe Radhe”. None of them wearing life jacket. The boat capsized, 10 people died. pic.twitter.com/EPiotRTbQZ — Piyush Rai (@Benarasiyaa) April 10, 2026

कधी नव्हे ते आता घडलं! समुद्रात चालताना दिसला वाळवंटाचा जहाज, दृष्य इतके अद्भूत की Viral Video ने क्षणात वेधले यूजर्सचे मन

काय घडलं व्हिडिओत?

देवाचं नामस्मरण करत बोटीतून सफर करणाऱ्या लोकांसोबत पुढे मोठी घटना घडली. यमुना नदीत बोट अचानक उलटली आणि यामुळे संपूर्ण परिसरात गोंधळाचे वातावरण निर्माण झाले. व्हिडिओमध्ये तुम्ही अपघातापूर्वी नक्की काय घडलं ते स्पष्ट पाहू शकता. बोटिंग दरम्यान भाविक भजन-कीर्तन करताना दिसले. या अपघातात अजूनही पाच जण अद्याप बेपत्ता आहेत. पुरुष आणि महिलांसह एकूण १० मृतदेह सापडले आहेत. बोटीत एकूण ३७ लोक प्रवास करत असल्याची माहिती असून बेपत्ता लोकांच्या शोधकार्याला सुरुवात केली गेली आहे. दरम्यान या घटनेचा व्हिडिओ @Benarasiyaa नावाच्या एक्स अकाऊंटवर शेअर करण्यात आला आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.