भारतीयांसाठी आनंदाची बातमी! आता अर्जेंटिनाचा प्रवास झाला सोपा; विना व्हिसा मिळणार प्रवेश, पण…

Argentina Visa : अर्जेंटिनाने भारतीय पर्टकांना देशात आकर्षित करण्यासाठी एक मोठा निर्णय घेतला आहे. आता भारतीय पर्यटकांना अर्जेंटिनामध्ये विना व्हिसा प्रवेश दिला जाणार आहे. पण यासाठी एक अट मान्य करावी लागणार आहे.

• भारतीयांसाठी अर्जेंटिनामध्ये विना व्हिसा प्रवेश
• अमेरिकन व्हिसा असण्याची गरज
• भारत आणि अर्जेंटिनामधील संबंध मजबूत करण्याचा उद्देश

Argentine Visa News : भारतीयांसाठी एक आनंदाची बातमी आहे. आता दक्षिण अमेरिकन देश अर्जेंटिनामध्ये विना व्हिसा तुम्हाला जाता येणार आहे. पण यासाठी एक अट मान्य करावी लागाणार आहे. अर्जेंटिनाने भारतीयांना देश व्हिसा मुक्त प्रवेश देण्याची घोषणा केली आहे. मात्र यासाठी भारतीयांकडे अमेरिकेचा पर्यटक व्हिसा असणे आवश्यक आहे. याची माहिती अर्जेंटिनाचे भारतातील राजदूत मारियानो कौसिनो यांनी सोशल मीडियावरुन दिली.

त्यांनी आपल्या एक्सवरील पोस्टमध्ये म्हटले की, भारतीयांचे देशात स्वागत आहे. तुमच्यासाठी एक आनंदाची बातमी आहे. आम्ही आमच्या देशात भारतीयांना आता विना व्हिसा प्रवेश मिळेल. पण यासाठी तुमच्या अमेरिकेचा वैध पर्यटक व्हिसा असणे गरजेचे आहे.

अर्जेंटिनाच्या सरकारने अमेरिकन व्हिसा असलेल्या भारतीयांसाठी प्रवेशच्या नियमांमध्ये काही बदलही केले आहे. यामुळे अर्जेंटिना व्हिसासाठी अर्ज न करता तुम्हाला देशात प्रवास करण्याची परवानगी मिळणार आहे. तुमच्या अमेरिकन व्हिसा असल्यास तुम्ही अर्जेंटिनामध्ये विना व्हिसा प्रवास करु शकता.

भारताचा अमेरिकेला थंड प्रतिसाद; PM मोदी ट्रम्पचा फोन का टाळतायत? जाणून घ्या एक्सपर्ट्सकडून

See more

ARGENTINA EASES ENTRY TO INDIAN CITIZENS HOLDING A US VISA The Argentine Government has eased entry into the country for Indian citizens with US visas. The resolution published in the Official Gazette allows… — Mariano Caucino (@CaucinoMariano) August 27, 2025

काय आहे या निर्णयामागचा हेतू?

• मारियानो कौसिनो यांनी सांगितले की, अमेरिकन व्हिसा असलेल्या भारतीय नागरिकांना अर्जेंटिनाच्या व्हिसासाठी वेगळा अर्ज करण्याची गरज नाही.
• कौसिनो यांनी सांगितले की याचा हेतू देशातील पर्यटनाला चालना देण्यासाठी आहे.
• अर्जेंटिना आणि भारत दोन्ही देशांच्या संबंधासाठीही हा महत्वाचा निर्णय आहे. यामुळे अर्जेंटिना भारतीय पर्यटकांचे स्वागत उत्सुकतेने करेल.
• या नव्या धोरणामुळे देशातील पर्टनाला चालन मिळेल. तसेच भारत आणि अर्जेंटिनामधील सांस्कृतिक आणि आर्थिक संबंध मजबूत होतील. यामुळे आता भारतीय पर्यटक याचा फायदा घेऊ शकतात.
• यामुळे अमेरिका आि भारत यांच्यातील द्विपक्षीय सहकार्यालाही चालना मिळेल अशी अपेक्षा कौसिनो यांनी व्यक्त केली आहे. तसेच लोकांमधील परस्पर संबंधही मजबूत होती.
• २०२४ मध्ये सुमारे २२ लाख भारतीयांनी अमेरिकेला भेट दिली आणि अमेरिका दरवर्षी भारताला १० लाखांहून अधिक व्हिसा देते. पण सध्याची परिस्थिती पाहता अमेरिका आणि भारतामधील संबंध सध्या ताणले गेले आहेत.

Russia Ukraine War : युक्रेनच्या राजधानीवर रशियाचा ड्रोन अन् क्षेपणास्त्रांचा मारा; निवासी इमारतींना लक्ष्य, ३ जणांचा मृत्यू