गुरुवार, 29 ऑक्टोबर 2026
Armenia Parliament : 'त्या' एका वक्तव्याने अर्मेनियाची संसद पेटली; खासदारांमध्ये तुंबळ हाणामारी, VIDEO जोरदार VIRAL ( फोटो सौजन्य : सोशल मीडिया )
अर्मेनियाच्या (Armenia Parliament) नॅशनल असेंब्लीमध्ये (संसदेत) कायदा बनवणाऱ्या लोकप्रतिनिधींनीच सर्व मर्यादा ओलांडल्याचा धक्कादायक प्रकार समोर आला आहे. सत्ताधारी आणि विरोधी पक्षाच्या खासदारांमध्ये झालेल्या तीव्र वादळानंतर सभागृहातच तुंबळ हाणामारी झाली. खासदार एकमेकांवर तुटून पडले आणि सभागृहाला रणांगणाचे स्वरूप प्राप्त झाले. या घटनेचा व्हिडिओ सोशल मीडियावर वेगाने व्हायरल होत असून, जगभरातून या हिंसक प्रकारावर तीव्र संताप व्यक्त केला जात आहे.
प्राप्त माहितीनुसार, अर्मेनियाच्या संसदेत सत्ताधारी ‘सिव्हिल कॉन्ट्रॅक्ट पार्टी’ (Civil Contract Party) आणि विरोधी पक्षाच्या खासदारांमध्ये आधीपासूनच राजकीय तणाव सुरू होता. मात्र, ताज्या अधिवेशनादरम्यान सत्ताधारी पक्षाचे खासदार तारोन चखोयान (Taron Chakhoyan) भाषण करण्यासाठी उभे राहिले असताना अचानक परिस्थिती चिघळली. त्यांनी केलेल्या एका अत्यंत अपमानास्पद आणि वादग्रस्त वक्तव्यामुळे विरोधी खासदार कमालीचे संतापले.
सभागृहाचे कामकाज सुरू असताना सत्ताधारी खासदार तारोन चखोयान यांनी विरोधी पक्षाला लक्ष्य करत काही तीव्र शब्दात टीका केली. त्यांच्या या विधानावर विरोधी ‘स्ट्रॉंग अर्मेनिया पार्टी’ (Strong Armenia Party) चे नेते नरेक करापेट्यान (Narek Karapetyan) यांनी जागेवरूनच जोरदार आक्षेप घेतला आणि ओरडण्यास सुरुवात केली. यानंतर दोघांमध्ये शाब्दिक चकमक उडाली.
पाहता पाहता या शाब्दिक वादाचे रूपांतर तीव्र धक्काबुक्कीत झाले. विरोधी पक्षाचे इतर खासदारही अध्यक्षांच्या व्यासपीठाच्या दिशेने धावले आणि सत्ताधारी खासदारांशी भिडले. खासदारांनी एकमेकांना लाथाबुक्क्यांनी मारहाण करण्यास सुरुवात केली. या संघर्षा दरम्यान खासदार एकमेकांवर तुटून पडल्याचे आणि काही खासदार जमिनीवर कोसळल्याचे व्हायरल व्हिडिओमध्ये स्पष्ट दिसत आहे.
जागतिक घडामोडी संबंधित बातम्या वाचण्यासाठी येथे क्लिक करा : India Pakistan War: ‘जगाचा पाकिस्तानवर विश्वास उरला नाही, भारत तेव्हाच…’; खुद्द पाकिस्तानी तज्ज्ञानेच उघड केली पोलखोल
सभागृहात हिंसाचार उफाळल्यानंतरही सुरुवातीला कामकाज रोखले गेले नाही. संसदेचे उपाध्यक्ष रुबेन रुब्यान (Ruben Rubinyan) यांनी थेट भूमिका घेत म्हटले की, “मी हे अधिवेशन मुद्दाम थांबवणार नाही, जेणेकरून सर्वांना ही परिस्थिती दिसेल. अधिवेशन सुरूच राहील, हिंसा करायची की शांतपणे बसायचे हे तुमचे तुम्ही ठरवा!”
परंतु, परिस्थिती क्षणाक्षणाला अधिक बिघडत गेली आणि काही खासदारांना तोंडावर आणि शरीरावर गंभीर दुखापती झाल्या. कॉरिडॉर आणि सभागृहातील वातावरण अत्यंत तणावपूर्ण बनले होते. अखेर परिस्थिती हाताबाहेर जात असल्याचे पाहून सुरक्षा रक्षकांनी (मार्शल्स) सभागृहात धाव घेतली आणि दोन्ही गटांच्या खासदारांना एकमेकांपासून दूर केले. यानंतर उपाध्यक्षांनी कामकाज काही काळासाठी तहकूब (मध्यंतर) घोषित केले.
जागतिक घडामोडी संबंधित बातम्या वाचण्यासाठी येथे क्लिक करा : Japan BIG-B Initiative : काय आहे हा ‘BIG-B’ प्लॅन? बांगलादेशात भारताच्या प्रवेशासाठी जपान करतोय जोरदार तयारी
अर्मेनियाच्या संसदेत असा हिंसाचार घडण्याची ही पहिलीच वेळ नाही. याआधी ऑक्टोबरच्या सुरुवातीलाही ‘सिव्हिल कॉन्ट्रॅक्ट’ आणि ‘स्ट्रॉंग अर्मेनिया’ पक्षाच्या खासदारांमध्ये भ्रष्टाचाराचे आरोप आणि वक्तव्यांवरून अशीच हाणामारी झाली होती. अर्मेनियातील देशांतर्गत राजकीय घडामोडी आणि सीमावर्ती मुद्द्यांवरून सत्ताधारी व विरोधकांमध्ये सातत्याने तीव्र मतभेद पाहायला मिळत आहेत.
या ताज्या घटनेनंतर अर्मेनियातील मानवाधिकार संघटनांनी आणि आमदारांनी लोकशाहीच्या मंदिरात घडलेल्या या प्रकाराचा तीव्र निषेध केला आहे. संसदेसारख्या सर्वोच्च ठिकाणी घडलेल्या या प्रकारामुळे आंतरराष्ट्रीय स्तरावर अर्मेनियाच्या प्रतिमेला मोठा धक्का बसला आहे.
Ans: सत्ताधारी 'सिव्हिल कॉन्ट्रॅक्ट पार्टी' (Civil Contract) आणि विरोधी 'स्ट्रॉंग अर्मेनिया पार्टी' (Strong Armenia) च्या खासदारांमध्ये ही हाणामारी झाली.
Ans: सत्ताधारी खासदार तारोन चखोयान यांनी विरोधी पक्षाबाबत केलेल्या वादग्रस्त आणि अपमानास्पद वक्तव्यामुळे हा वाद पेटला.
Ans: होय, मारहाणीत अनेक खासदार जखमी झाल्यानंतर आणि परिस्थिती तणावपूर्ण बनल्यानंतर अध्यक्षांनी अधिवेशन तात्पुरते स्थगित केले.
