Photo Credit- Social media
पाकिस्तान: पाकिस्तान आणि दहशतवादी हे समीकरण काही नवे नाही. पण भरतासह जगातील अनेक देशांमध्ये दहशतवादी कारवाया करण्यासाठी पाकिस्तानचा मोठा हात असल्याचा आरोप होत असतो. पणभारतात दहशतवाद पसरवणारा पाकिस्तान आपला दहशतवाद्यांशी संबंध असल्याचे आरोप नेहमीच फेटाळून लावले आहेत. पण आता खुद्द पाकिस्तानी लष्करानेच याबाबत खुलासा केला आहे. पाकिस्तानच्या प्रत्येक गल्लीत दहशवादी फिरत आहेत . त्यांचा सामना करण्यासाठी लष्कराला मोठी कसरत करावी लागते असा दावा पाकिस्तानी लष्कराने केला आहे. पण ते त्याच्याच जाळ्यात फसले आहेत.
पण खरे तर पाकिस्तानी लष्कराने स्वत:च्या स्तुतीसाठी हा दावा केला असला तरी या आकडेवारीने पाकिस्तान सरकारच्या दाव्यांचा धुरळा उडवला आहे. माजी आयएसआय प्रमुख फैज हमीद यांच्याविरोधात कोर्ट मार्शलमध्ये लष्कराच्या प्रवक्त्याने अशी काही आकडेवारी दिली होती, ज्यामुळे पाकिस्तान सरकारचा पर्दाफाश झाला होता.
हेदेखील वाचा: प्रोटिन्सच्या शर्यतीती नॉन-व्हेजला मागे सोडतील ‘हे’ व्हेज फूड्स
पाकिस्तानी वृत्तसंस्था डॉनच्या रिपोर्टनुसार, लष्कराला पाकिस्तानमध्ये दररोज 130 ऑपरेशन्स कराव्या लागतात. केवळ 8 महिन्यांत दहशतवाद्यांविरोधात 32,173 ऑपरेशन्स करण्यात आल्या आहेत. यापैकी गेल्या महिन्यात 4,021 ऑपरेशन्स करण्यात आल्या, ज्यामध्ये 90 दहशतवादी मारले गेले. पाकिस्तानी लष्कराचे लेफ्टनंट जनरल अहमद शरीफ चौधरी म्हणाले की, लष्कर, गुप्तचर संस्था आणि पोलिस दररोज दहशतवाद्यांविरोधात 130 हून अधिक ऑपरेशन करत आहेत, परंतु दहशतवाद्यांची संख्या कमी होत नाही,असे पाकिस्तानी लष्कराकडून सांगण्यात आले आहे.
दहशतवाद्यांविरोधातील लष्कराच्या कारवाईत अनेक जवानही शहीद झाले आहेत. लष्कराच्या प्रवक्त्याने सांगितले की, गेल्या 8 महिन्यांत 193 जवान शहीद झाले आहेत. त्याचबरोबर दहशतवाद्यांशी लढताना शेकडो जवान जखमी झाले आहेत. पाकिस्तानमध्ये तेहरीक-ए-तालिबान पाकिस्तान (टीटीपी), लष्कर-ए-इस्लाम, जमात-उल-अहरारसह शेकडो दहशतवादी संघटना आहेत. त्याचवेळी बलुचिस्तानमधील बंडखोर पाकिस्तानी लष्कराविरोधात शस्त्र उचलत आहेत. तेथूनही रोज हल्ले होत आहेत. लष्कराच्या प्रवक्त्याने सांगितले की, जोपर्यंत दहशतवाद्यांचा खात्मा होत नाही तोपर्यंत लष्कराचे हे ऑपरेशन सुरूच राहणार आहे. पाकिस्तानच्या कानाकोपऱ्यात दहशतवादी जन्माला येत आहेत, त्यांना सामोरे जाणे आवश्यक आहे.
हेदेखील वाचा: हरतालिकेच्या पूजेवेळी नैवेद्यासाठी बनवा चविष्ट तांदळाची खीर, नोट करा पारंपरिक
