बांगलादेशच्या माजी पंतप्रधान खालिदा जिया रुग्णालयात दाखल; प्रकृती चिंताजनक

khaleda Zia :बांगलादेशच्या माजी पंतप्रधान शेख हसीना यांच्या विरोधक खालिदा जिया यांची प्रकृती गंभीर आहे. त्यांच्या बांगलादेश नॅशनल पार्टीने (BNP) च्या सरचिटणीसांनी यांची माहिती दिली.

• बांगलादेशच्या माजी पंतप्रधान खालिदा झिया यांची प्रकृती गंभीर
• लिवर, किडनी, डायबेटिज, संधिवाताने ग्रस्त
• जाणून घ्या संपूर्ण हेल्थ अपडेट

Bangladesh News in Marathi : ढाका : बांगलादेशच्या (Bangladesh) माजी पंतप्रधान आणि BNP च्या अध्यक्षा खालिदा जिया यांची प्रकृती खालवली असल्याचे वृत्त मिळाले आहे. त्यांच्या पक्षाच्या बांगलादेश नॅशनल पार्टी (BNP) च्या सरचिटणीस मिर्झा इस्लाम आलमगीर यांनी याची माहिती दिली.

भारताविरोधात शेजारील देशांच्या कुरघोड्या वाढल्या? पाकिस्तान पुरवणार बांगलादेशला शस्त्रं

खालिदा जिया यांच्या रुग्णालयात उपचार सुरु

मिळालेल्या माहितीनुसार, खालिदा जिया गेल्या अनेक वर्षांपासून किडनी, डायबेटिज, संधिताव, आणि डोळ्यांच्या समस्यांनी ग्रस्त आहेत. आलमगीर यांनी दिलेल्या माहितीनुसार, त्यांनी २३ नोव्हेंबर रोजी रुग्णालयात दाखल करण्यात आले असून त्यांच्यावर उपचार सुरु आहे. त्यांच्या हृदयावर आणि फुफ्फुंसावर या आजारांचा परिणाम झाला आहे. सध्या त्यांची प्रकृती अत्यंत चिंताजनक आहे.

सध्या खालिदा जिया (Khaleda Zia) यांना ढाकातील एव्हरकेअर रुग्णालायत दाखल करण्यात आले असून एक परदेशी आणि स्थानिक डॉक्टरांची टीम त्यांचे ऑबर्व्हेशन करत आहे. दरम्यान बांगलादेशच्या अंतरिम सरकारचे मुख्य सल्लागर मोहम्मद युनूस  (Muhammad Yunus) यांनी खालिदा जिया यांच्या प्रकृतीबद्दल चिंता व्यक्त केली आहे. तसेच त्यांनी जनतेला खालिदा यांच्या बरे होण्यासाठी प्रार्थना करण्याचे आवाहन केले आहे.

खालिदा झिया शेख हसीनांच्या विरोधक

खालिदा जिया या शेख हसीनांच्या (Sheikh Hasina) विरोधक मानल्या जातात. १९८० मध्ये बांगलादेश लष्करी राजवटीच्या नेतृत्त्वाखाली होता. या वेळी दोघी महिला नेत्या एकत्र आल्या. त्यांनी लष्कराविरोधात निदर्शने केले. त्यानंतर १९९० मध्ये बांगलादेशात लोकशाही स्थापन झाली. तेव्हा १९९१ च्या निवडणूकीत खालिदा जिया यांचा विजय झाला आणि त्या बांगलादेशच्या पहिल्या महिला पंतप्रधान ठरल्या. परंतु तेव्हापासून हसीना आणि खालिदा यांच्यात कट्टर राजकीय स्पर्धा सुरु झाली होती.

पतीच्या मृत्यूनंतर खालिदा जिया यांचा राजकारणात प्रवेश

३० मे १९८१ मध्ये खालिदा जिया यांचे पती रहमान यांची हत्या करण्यात आली होती. त्यांनी लष्करी बंडादरम्यान गोळीबारा करण्यात आला होता. झियाउर रहमान बांगलादेशाच्या सैन्यात होते. त्यांच्या मृत्यूने खालिदा जिया यांना मोठा धक्का बसला होता. त्यानंतर BNP पक्षाचे विभाजन झाले तेव्हा खालिदा जिया यांनी पक्षाचे नेतृत्व स्वीकारत राजकारणात प्रवेश केला होता. १९८४ मध्ये त्यांनी पक्षाची सुत्रे हाती घेतली. खालिदा आणि हसीना यांच्या निवडणुकीच्या काळात तीव्र लढत व्हायची. त्यावेळी त्यांच्या या लढाईला लोकांनी बेगमांची लढाई असे नाव दिले होते.

शेख हसीनांच्या प्रत्यार्पणासाठी बांगलादेशची नवी चाल; आता युनूस सरकार आंतरराष्ट्रीय कोर्टात जाणार?