नेपाळमध्ये भारतीय भाविकांची बस दरीत कोसळली (Photo Credit- X)
मिळालेल्या माहितीनुसार, ही दुर्घटना नेपाळच्या गंडकी प्रांतात शनिवारी घडली. भारतीय पर्यटकांना घेऊन जाणारी ही इलेक्ट्रिक बस मनकामना देवीच्या दर्शनानंतर परतत होती. गोरखा जिल्ह्यातील डोंगराळ रस्त्यावरून प्रवास करत असताना चालकाचे नियंत्रण सुटले आणि बस थेट रस्त्याखालील दरीत कोसळली. या घटनेची माहिती मिळताच स्थानिक पोलीस आणि बचाव पथकाने तातडीने घटनास्थळी धाव घेत रेस्क्यू ऑपरेशन सुरू केले.
गोरखा जिल्ह्याच्या ट्रॅफिक पोलीस कार्यालयाचे प्रमुख सूरज आर्यल यांनी दिलेल्या माहितीनुसार, या अपघातात मृत्युमुखी पडलेले सर्व ७ जण भारतीय नागरिक आहेत. मृतांमध्ये पाच पुरुष आणि दोन महिलांचा समावेश आहे. मृतांची ओळख पटली असून त्यांची नावे खालीलप्रमाणे आहेत:
‘काठमांडू पोस्ट’ने दिलेल्या वृत्तानुसार, या भीषण अपघातातून ७ प्रवाशांना सुखरूप बाहेर काढण्यात बचाव पथकाला यश आले आहे. जखमींवर आंबूखैरेनी येथील स्थानिक रुग्णालयात प्रथमोपचार करून त्यांना पुढील उपचारांसाठी हलवण्यात आले आहे. सुदैवाने, या बसचा चालक बचावला आहे, मात्र त्याचा सहाय्यक गंभीर जखमी झाला आहे.
नेपाळमधील डोंगराळ भागातील अरुंद रस्ते आणि वळणे अनेकदा जीवघेणी ठरत आहेत. पोलीस सध्या या अपघाताचे नेमके कारण काय होते, याचा तपास करत आहेत. प्राथमिक अंदाजानुसार, तांत्रिक बिघाड किंवा वळणावरील वेगामुळे हा अपघात झाला असावा, अशी शक्यता वर्तवण्यात येत आहे. भारतीय दूतावासाकडून मृतांच्या नातेवाईकांशी संपर्क साधण्याचे प्रयत्न सुरू आहेत.
Nagpur Accident: नागपूर जिल्ह्यात स्फोटक कारखान्यात भीषण स्फोट; 15 जणांचा मृत्यू, 18 जखमी
.png "Videos"){kind=small}
