शुक्रवार, 13 नोव्हेंबर 2026
China Earthquake: चीनमध्ये ७.९ तीव्रतेचा भूकंप, लोक घरातून पळून गेले, पाहा कशी आहे परिस्थिती ( फोटो सौजन्य : सोशल मीडिया)
बीजिंग : चीनच्या दक्षिण-पश्चिम युनान प्रांतात मंगळवारी रात्री भूकंपाचे प्रचंड धक्के जाणवले. चीनच्या भूकंप नेटवर्क केंद्रानुसार (CENC), या भूकंपाची तीव्रता ७.९ रिश्टर स्केल इतकी होती. या भूकंपामुळे चीनसह शेजारील देशांमध्येही भीतीचे वातावरण पसरले आहे. विशेषतः म्यानमार, थायलंड आणि बँकॉक येथेही याचे तीव्र परिणाम जाणवले.
भूकंपानंतर नागरिक घराबाहेर पळाले. युनानमध्ये भूकंपाच्या धक्क्यांमुळे लोक मोठ्या प्रमाणावर घराबाहेर पडले आणि सुरक्षित ठिकाणांच्या शोधात धावपळ सुरू झाली. सीसीटीव्ही ब्रॉडकास्टरच्या माहितीनुसार, या भूकंपाचा प्रभाव गुइझोउ आणि गुआंग्शीच्या काही भागांतही जाणवला असून, त्यामुळे नागरिकांमध्ये घबराट पसरली आहे.
जागतिक घडामोडी संबंधित बातम्या वाचण्यासाठी येथे क्लिक करा : म्यानमार आणि बँकॉकमध्ये भूकंपामुळे अत्यंत भयावह स्थिती; पाहा ‘हे’ अंगावर शहारे आणणारे VIDEO
चीनमध्ये भूकंप जाणवण्याच्या काही तास आधी म्यानमारमध्येही ७.७ रिश्टर स्केलचा भूकंप झाला. या भूकंपाचा परिणाम इतका मोठा होता की, दक्षिण थायलंडपर्यंत याचे धक्के जाणवले. राजधानी बँकॉकमध्ये अनेक इमारती हादरल्या, त्यामुळे लोक रस्त्यावर येऊन प्रचंड गोंधळाची परिस्थिती निर्माण झाली. यूएस जिओलॉजिकल सर्व्हेनुसार (USGS), हा भूकंप म्यानमारच्या सागाइंग शहराच्या वायव्येस सुमारे १६ किलोमीटर अंतरावर झाला. या भूकंपाचा प्रभाव चीनच्या युनान प्रांतालाही जाणवला, तसेच एझोऊ आणि गुआंगशीच्या काही भागांतही धक्के बसले.
सिन्हुआ न्यूज एजन्सीने दिलेल्या माहितीनुसार, भूकंपाच्या धक्क्यांमुळे बँकॉकमध्ये एक ३० मजली निर्माणाधीन इमारत कोसळली. या दुर्घटनेत अनेक लोक अडकले असल्याची भीती व्यक्त करण्यात येत आहे. आपत्कालीन पथके घटनास्थळी पोहोचली असून मदतकार्य वेगाने सुरू आहे.
म्यानमारमधील चिनी दूतावासाने निवेदन जारी करून परिस्थितीवर बारकाईने लक्ष ठेवले जात असल्याचे सांगितले. सुदैवाने, सध्या कोणत्याही मोठ्या जीवितहानीची माहिती मिळालेली नाही. मात्र, आधीच संकटात सापडलेल्या म्यानमारसाठी ही आणखी एक कठीण परिस्थिती असल्याचे दूतावासाने म्हटले आहे. यांगूनमध्ये कार्यरत वू युटोंग नावाच्या चिनी व्यावसायिकाने सांगितले की, भूकंप झाला तेव्हा ते त्यांच्या कार्यालयात होते. त्यावेळी संपूर्ण डेस्क थरथर कापत होते, आणि जोरदार हादरे जाणवत होते. घाबरून कार्यालयातील १५ हून अधिक कर्मचारी तात्काळ बाहेर धावत गेले.
A 7.9-magnitude earthquake struck Myanmar at 2:20 p.m. Friday (Beijing Time), according to the China Earthquake Networks Center (CENC). Tremors were felt in many areas in southwest China’s Yunnan Province, which borders Myanmar. pic.twitter.com/Xvue3xkuwH — China Xinhua News (@XHNews) March 28, 2025
credit : social media
युनान प्रांतातील अनेक ठिकाणी भूकंपामुळे मोठ्या इमारतींना तडे गेले आहेत, तसेच काही ठिकाणी वीजपुरवठा खंडित झाला आहे. अग्निशमन आणि बचाव पथके घटनास्थळी तैनात करण्यात आली असून, लढाऊ पथकांनाही सतर्क ठेवण्यात आले आहे. भूकंपाच्या धक्क्यांमुळे परिसरात नद्यांच्या प्रवाहात बदल होण्याची शक्यता वर्तवण्यात आली आहे. त्यामुळे पूरस्थिती उद्भवू नये म्हणून प्रशासन सज्ज आहे. चीनमधील भूकंपविषयक संस्थांनी नागरिकांना सावधगिरी बाळगण्याचा सल्ला दिला आहे.
जागतिक घडामोडी संबंधित बातम्या वाचण्यासाठी येथे क्लिक करा : राजेशाहीसाठी सुरू होणार गृहयुद्ध? नेपाळ सरकारला एका आठवड्याचा अल्टिमेटम
भूकंपाच्या या मालिकेमुळे पूर्ण दक्षिण-आशियाई प्रदेश धोक्यात आला आहे. भूकंपशास्त्रज्ञांच्या मते, पुढील काही दिवसांत अधिक आफ्टरशॉक्स (पश्चात धक्के) जाणवण्याची शक्यता आहे. नागरिकांनी घाबरून जाऊ नये, परंतु सतर्क राहावे, असे प्रशासनाने सांगितले आहे. या भूकंपामुळे चीन आणि म्यानमारच्या सीमावर्ती भागांत मोठे नुकसान झाल्याची शक्यता असून, सरकारी यंत्रणा मदतकार्यात गुंतली आहे. पुढील काही तासांत परिस्थिती अधिक स्पष्ट होईल.
