Middle East War : युद्ध पेटलं! डिएगो गार्सियावर हल्ल्यानंतर ब्रिटन आक्रमक; अरब सागरात धाडली घातक अणु पाणबुडी, इराणचा करणार गेम?

US-Israel VS Iran Conflict : मध्यपूर्वेतील युद्धाने आता भीषण पेट घेतला आहे. या युद्धात आता तिसऱ्या महासत्ता देशाची एन्ट्री होण्याची शक्यता आहे. दुसरकीडे इराणही आक्रमकपणे हल्ले करत आहे. यामुळे प्रचंड अस्थिरता पसरली आहे.

• डिएगो गार्सियावर हल्ल्यानंतर ब्रिटन आक्रमक
• अरब सागरात धाडली घातक अणु पाणबुडी
• इराणचा करणार गेम?

UK submarine deployment in Arabian Sea : मध्यपूर्वेतील अमेरिका-इस्रायल विरुद्ध इराण संघर्ष (US-Israel Iran War) आता धोकादायक वळणावर येऊन पोहोतल आहे. इराणने इस्रायलच्या डिमोना अणु शहरावर आणि अनेक नागरी वस्त्यांवर बॅलेस्टिक क्षेपणास्त्र डागली आहे. यामध्ये १०० हून अधिक लोक जखमी झाले आहेत. याच वेळी इराणने हिंद महासागरातील सर्वात सुरक्षित मानल्या जाणाऱ्या डिएगो गार्सिया या लष्करी तळावरही हल्ले केले आहे. हा लष्करी तळ अमेरिका-ब्रिटनचा संयुक्त तळ असून ब्रिटनने यावर तीव्र संताप व्यक्त केला आहे. याच पार्श्वभूमीवर ब्रिटनचे पंतप्रधान केयर स्टारमर (Keir Starmer) यांनी एक मोठा निर्णय घेतला आहे. यामुळे इराणविरोधी युद्धात आता ब्रिटनही उतरणार का असा प्रश्न निर्माण झाला आहे.

Middle East War : जगाचा श्वास रोखला! इराणचा नतान्झ अणू प्रकल्प बेचिराख? इस्रायल-अमेरिकेचा भीषण प्रहार

युद्धाची व्याप्ती वाढणार ?

इराणच्या आक्रमकतेच्या पार्श्वभूमीवर ब्रिटन(UK) ने अरब समुद्रात आपली अण्वस्त्रधारी पाणबुडी HMS Anson तैनात करण्याचा निर्णय घेतला आहे. आंतरराष्ट्रीय माध्यांमानी दिलेल्या वृत्तानुसार, युद्ध अधिक पेटले आहे. तसेच सध्या अमेरिकेची स्थिती कमकुवत होत आहे. याच पार्श्वभूमीवर ब्रिटनने अमेरिकेला साथ देण्याचा निर्णय घेतला आहे. ब्रिटनची ही पाणबुडी थेट इराणवर हल्ला करु शकते असे म्हटले आहे.

याशिवाय ब्रिटनने शुक्रवारी(२० मार्च) अमेरिकेला त्यांच्या ताळांचा वापर करण्याची परवानगी दिली आहे. ज्यामुळए इराणच्या तळांना उद्ध्वस्त करणे अमेरिकेला सोपे जाणार आहे. सुरुवातील कोणत्याही लष्करी कारवाईत सहभाग घेण्यास ब्रिटनने नकारल दिले होता. मात्र डिएगो गार्सियावरील हल्ल्यानंतर स्टारमर यांनी आपल्या भूमिकेत बदल केला आहे.

इराणने पश्चिम आशियातील ब्रिटनच्या  मित्रराष्ट्रांवर हल्ले केल्याने ब्रिटनने अमेरिकेला खुली साथ दिली आहे. मिळालेल्या माहितीनुसार, ब्रिटीश नौदल अत्याधुनिक अणु पाणबुडी घेऊन ऑस्ट्रेलियातील पर्थ येथून अरब सागराकडे ५,५०० मैलांचा प्रवास करत उत्तर अरबी समुद्रात दाखल झाली आहे. ब्रिटनची ही पाणबुडी टोमहॉक क्रूझ क्षेपणास्त्रांनी सज्ज असून दर २४ तासांना एकदा समुद्राच्या पृष्ठभागावर येते.

इराणचा हल्ला आणि इशारा

इराणने पहिल्यांदाचा ४,००० किलोमीटर लांब असलेल्या डिएगो गार्सिया या ब्रिटिश-अमेरिकन लष्करी तळाला लक्ष्य केले. यामध्ये इराणने दोन लांब पल्ल्यांची बॅलेस्टिक क्षेपणास्त्र डागली होती. यातील एक क्षेपणास्त्र हवेतच निकामी झाले. तर दुसरे क्षेपणास्त्र अमेरिकेच्या ‘SM-3’ इंटरसेप्टरने पाडले. इराणची क्षेपणास्त्र झेप २,००० किमीच्या मर्यादेपेक्षा कितीतरी पटीने जास्त असल्याचे चित्र दिसून आले आहे.

इराणने केलेल्या या हल्ल्यामुळे लोक थक्क झाले आहे. इराणने इशारा दिला आहे की, ब्रिटनच्या तळांचा वापर त्यांच्यावर हल्ल्यासाठी झाल्यास त्याला थेट इराणविरोधात आक्रमण मानले जाईल. यामुळे सध्या ब्रिटन युद्धात उतरणार का याबाबत अनिश्चितता मात्र आहे. मध्यपूर्वेतील ब्रिटनची लष्करी तळे इराणच्या निशाण्यावर आहेत.

Middle East War : जगाचं लक्ष भरकटवलं! इराण युद्धाआड नेतन्याहूंचा ‘राजकीय डाव’; अमेरिकेला युद्धात खेचून साधला मोठा स्वार्थ