बाबो... आता Donald Trump 'लाडके अमेरिकन' योजना चालवणार? निवडणूका येताच अमेरिकन नागरिकांना दिलं मोठं आश्वासन
आपल्याकडे जशी ‘लाडकी बहिण योजना’ नावारुपाला आली व तिचा फायदा महायुतीला झाला, अशाच प्रकारची योजना अमेरिकेत राबवून आपणही येणाऱ्या निवडणूकीत फायदा करून घ्यावा, अशी एखादी संकल्पना अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्या डोक्यात चाललीय की, काय? असा प्रश्न सध्या निर्माण झाला आहे.
त्याचं झालं असे की, आगामी मध्यावधी निवडणुकांच्या पार्श्वभूमीवर ट्रम्प यांनी मोठी घोषणा केली आहे. काँग्रेसच्या प्रतिनिधीगृह आणि सिनेट या दोन्ही सभागृहांवर रिपब्लिकन पक्षाने नियंत्रण कायम ठेवल्यास प्रत्येक प्रौढ अमेरिकन नागरिकाला 5 हजार डॉलर देण्याचे आश्वासन त्यांनी दिले आहे. भारतीय चलनात मोजायचे झाले, तर ते 4, 75, 000 हजारच्या घरात जातात.
आयात शुल्कातून (टॅरिफ) मिळणाऱ्या महसुलाचा वापर या रकमेसाठी केला जाईल, असे ट्रम्प यांनी स्पष्ट केले आहे. अलास्कातील वासिला येथे रिपब्लिकन सिनेटर डॅन सुलिव्हन यांच्या प्रचारसभेत ट्रम्प बोलत होते. या वेळी त्यांनी प्रस्तावित आर्थिक मदतीला ‘ट्रम्प डिव्हिडंड’ असे संबोधले.
ट्रम्प म्हणाले, रिपब्लिकन पक्षाने प्रतिनिधीगृह आणि सिनेट या दोन्ही सभागृहांच्या निवडणुका जिंकल्यास मी अमेरिकेतील सर्व प्रौढ नागरिकांना 5 हजार डॉलर देईन. टॅरिफमधून मोठ्या प्रमाणात पैसा येत आहे आणि त्याचा वापर या योजनेसाठी केला जाईल.
मात्र, ही रक्कम नेमकी कधी आणि कोणत्या पद्धतीने दिली जाणार, याबाबत ट्रम्प यांनी सविस्तर माहिती दिली नाही. तसेच या योजनेसाठी किती खर्च येईल, हेही स्पष्ट केलेले नाही. अशा प्रकारची रक्कम वितरित करण्यासाठी काँग्रेसची मंजुरी आवश्यक असेल.
प्रचारसभेत ट्रम्प यांनी डेमोक्रॅटिक पक्षावरही निशाणा साधला. डेमोक्रॅट पक्षाने निवडणूक जिंकल्यास अमेरिकेला 1929 सालासारख्या आर्थिक मंदीचा सामना करावा लागेल, असा दावा त्यांनी केला. मात्र, या दाव्याच्या समर्थनार्थ त्यांनी ठोस पुरावे दिले नाहीत. 3 नोव्हेंबर रोजी होणाऱ्या निवडणुकांच्या पार्श्वभूमीवर ट्रम्प रिपब्लिकन उमेदवारांसाठी प्रचार करत आहेत.
ट्रम्प यांनी इराणविषयी बोलताना तेहरानला अण्वस्त्रे मिळू दिली जाणार नसल्याचे सांगितले. युद्ध लवकरच संपेल आणि त्यानंतर किमती वेगाने कमी होतील, असा दावाही त्यांनी केला.
सामुद्रधुनीवरील नियंत्रण आणि तेल वाहतुकीचा उल्लेख करताना ट्रम्प यांनी युद्ध सुरू होण्यापूर्वीच्या तुलनेत सध्या अधिक तेलाची वाहतूक होत असल्याचे सांगितले. मात्र, या दाव्याबाबत त्यांनी अधिक तपशील दिला नाही.
Israel-Palestine News : वसाहतींचा विस्तार, घरांवर बुलडोझर; तरीही पॅलेस्टिनींचा निवडणुकीत आवाज नाही!
ट्रम्प यांनी कॅनडावर अमेरिकेचा अनेक वर्षे गैरफायदा घेतल्याचा आरोप केला. तसेच डेमोक्रॅटिक पक्षाने २.५ कोटी लोकांना अमेरिकेच्या सीमेत प्रवेश दिल्याचा दावा केला. या आकड्याच्या समर्थनार्थ त्यांनी पुरावे सादर केले नाहीत.
याशिवाय, वाहनांच्या उत्सर्जन नियंत्रण यंत्रणेत बदल करून ‘क्लीन एअर ॲक्ट’चे उल्लंघन केल्याप्रकरणी दोषी ठरलेल्या अलास्कातील दोन डिझेल मेकॅनिकसाठी त्यांनी माफीपत्रांवर स्वाक्षरी केली. वाहनांचे इंजिन दुरुस्त केल्याबद्दल संबंधित व्यक्तींना दीर्घ तुरुंगवासाची शिक्षा होऊ शकते, अशी टीकाही त्यांनी केली.
Ans: रिपब्लिकन पक्षाने काँग्रेसच्या दोन्ही सभागृहांवर नियंत्रण कायम ठेवल्यास प्रत्येक प्रौढ अमेरिकन नागरिकाला ५ हजार डॉलर देण्याचे आश्वासन ट्रम्प यांनी दिले.
Ans: आयात शुल्कातून म्हणजेच टॅरिफमधून मिळणाऱ्या महसुलाचा वापर केला जाईल, असे ट्रम्प यांनी सांगितले.
Ans: दिलेल्या वृत्तानुसार, अमेरिकेतील मध्यावधी निवडणुका ३ नोव्हेंबर रोजी होणार आहेत.
.png "Videos"){kind=small}
