डोनाल्ड ट्रम्प यांची भारताला थेट धमकी! पुन्हा युद्धबंदीचा दावा अन् टॅरिफ लादण्याची सक्ती

India-US Trade Deal : अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा भारताला कर लादण्याची धमकी दिली आहे. तसेच त्यांनी भारत आणि पाकिस्तानमध्ये युद्धबंदी केल्याचा दावाही पुन्हा एकदा केला आहे.

• डोनाल्ड ट्रम्प यांनी भारतावर २० ते २५ टक्के कर लादण्याची धमकी पुन्हा दिली आहे.
• भारत-पाकिस्तान युद्धबंदीचे श्रेय देखील डोनाल्ड ट्रम्प यांनी पुन्हा घेतले आहे.
• २५ ऑगस्ट रोजी अमेरिकेचे पथक व्यापार करारावर चर्चेसाठी भारतात येणार आहे.

वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी आपल्या टॅरिफ धोरणावरुन त्यांनी संपूर्ण जगाला हादरुन टाकले आहे. आता त्यांनी भारतावर टॅरिफ लादण्याचे संकेत दिले आहे. तसेच ट्रम्प यांनी पुन्हा एकदा भारत-पाकिस्तान युद्धबंदीचेही श्रेय घेतले आहे. एअर फोर्सवन या वृत्तसंस्थेशी मुलाखतीदरम्यान ट्रम्प यांनी भारतावर २० ते २५ टक्के शुल्क लादले जाईल असे म्हटले आहे. त्यांच्या या व्यक्तव्याने पुन्हा एकदा खळबळ उडाली आहे.

भारत चांगला मित्र, पण…

डोनाल्ड ट्रम्प यांनी पत्रकारांशी मुलाखतीदरम्यान म्हटले की, “भारत हा एक चांगला मित्र आहे, मात्र तो गेल्या अनेक वर्षांपासून इतर देशांपेक्षा अमेरिकेवर जास्त शुल्क लादत आहे.” सध्या भारतासोबत व्यापार करारावर चर्चा सुरु आहे, मात्र ही चर्चा अंतिम टप्प्यात आलेली नाही, असेही ट्रम्प यांनी सांगितले. यामुळे भारताने लवकरात लवकर व्यापार करारावर चर्चा करावी आणि योग्य तो निर्णय घ्यावा असे म्हटले आहे.

भारत-पाकिस्तान युद्धबंदीचे श्रेय

याशिवाय पत्रकारांशी संवाद साधताना ट्रम्प यांनी भारताने त्यांच्या सांगण्यावरुन पाकिस्तानसोबत युद्धबंदी केल्याचा दावा पुन्हा एकदा केला आहे. त्यांनी भारताला पाकिस्तानसोबतचा संघर्ष संपवण्याचे आवाहन केले होते यामुळे हा मोठा संघर्ष थांबला असल्याचे म्हटले. भारत आणि पाकिस्तानमध्ये युद्धबंदी झाल्यापासून ट्रम्प यांनी जवळपास २० हून अधिक वेळा युद्धबंदीचे श्रेय घेतले आहे. भारताने यावर स्पष्टपणे नकार देऊनही ट्रम्प सतत हा मुद्दा उस्थित करत आहेत.

See more

#WATCH | When asked if India is going to pay high tariffs, between 20-25%, US President Donald Trump says, “Yeah, I think so. India is my friend. They ended the war with Pakistan at my request…The deal with India is not finalised. India has been a good friend, but India has… pic.twitter.com/IYxParZqce

— ANI (@ANI) July 29, 2025

आता ‘या’ आफ्रिकन देशातही दहशतवादाचे सावट; लष्करी हल्लात ५० सैनिकांचा मृत्यू

यापूर्वी ट्रम्प यांनी २ एप्रिल २०२५ रोजी जगभरातील जवळपास १०० देशांवर कर लादला होता. यावेळी त्यांनी भारतावर २६ टक्के कराची घोषणा केली होती. त्यानंतर ही योजना ट्रम्प यांनी काही काळासाठी पुढे ढकलली.

दरम्यान ट्रम्प यांनी आतापरर्यंत ब्राझील, रशिया, चीन, दक्षिण आफ्रिका, सौदी अरेबिया, इजिप्त, इराण, इथिओपिया, यूएई आणि इंडोनेशिया यांसरख्या देशांवर कर लादला आहे. या मध्ये युरोपियन युनियनच्या देशांनी अमेरिकेशी व्यापार करारावर (US-EU Trade Deal) वाटाघाटी करुन १५ टक्के शुल्क मान्य केले आहे.

भारताशी व्यापार करारावर चर्चा सुरु

दरम्यान भारत आणि अमेरिकेत व्यापार करारावर (India-US Trade Talk)चर्चा सुरु आहे. याअंतर्गत २५ ऑगस्ट रोजी अमेरिकेचे एक पथक भारतात येणार आहे. यावेळी भारत आणि अमेरिकेत द्विपक्षीय व्यापार कारारावर चर्चा होईल. ही दोन्ही देशांमधील सहावी फेरी असणार आहे.

FAQs (संबंधित प्रश्न)

जर डोनाल्ड ट्रम्प यांनी टॅरिफ लावले तर भारत-अमेरिका संबंधांवर काय परिणाम होईल?

डोनाल्ड ट्रम्प यांनी भारतावर मोठ्या टॅरिफ लागू केल्यास यामुळे दोन्ही देशांच्या अर्थव्यवस्थेवर परिणाम होण्याची शक्यता आहे. विशेष करुन भारताच्या Make In India धोरणावर परिणाम होण्याची शक्यता आहे.

डोनाल्ड ट्रम्प भारतावर टॅरिफ का लावू इच्छित आहेत?

डोनाल्ड ट्रम्प यांच्या मते, भारत अमेरिकन वस्तूंवर सर्वात अधिक शुल्क लादतो. यामुळे डोनाल्ड ट्रम्प देखील भारतातून येणाऱ्या उत्पादनांवर तितकाच कर लागू इच्छित आहेत, जेवढा भारताने अमेरिकेतून आयात होणाऱ्या वस्तूंवर लादला आहे.

भारत-अमेरिका व्यापाराचा वार्षिक आकार किती आहे?

भारत आणि अमेरिकेतील व्यापाराचा वार्षिक आकार १९१ अब्ज डॉलर्स इतका आहे.

अफलातून! ‘या’ देशाची बंपर ऑफर, आता मुलं जन्माला घालण्यासाठी 1 महिना सुट्टी वर सरकारचं अनुदान; फायदाच फायदा