Islamic NATO : स्वतःचा 'नाटो' निर्माण करणार 'हे' इस्लामिक देश; कतारवरील इस्रायली हल्ल्याविरुद्ध आखाती देश एकत्र ( फोटो सौजन्य : सोशल मीडिया)
कतारवरील इस्रायली हवाई हल्ल्यामुळे अरब देशांमध्ये तीव्र संताप आणि एकतेचा सूर.
सौदी, यूएईसह आखाती देश स्वतःचा ‘नाटो’सदृश लष्करी आघाडी उभारण्याच्या चर्चेत.
प्रादेशिक सुरक्षेसाठी सामूहिक प्रत्युत्तराचा पर्याय दोहामध्ये अरब-इस्लामिक शिखर परिषद निर्णायक ठरणार.
Islamic NATO : कतारमध्ये इस्रायलने केलेल्या हवाई हल्ल्याने आखाती देशांच्या राजकारणाला अक्षरशः हादरा दिला आहे. हमासच्या नेतृत्वाला लक्ष्य करण्याच्या नावाखाली राजधानी दोहा येथे झालेल्या या बॉम्बस्फोटाने फक्त कतारच नव्हे तर संपूर्ण अरब जग संतप्त झाले आहे. “ही लाल रेषा ओलांडली गेली आहे,” असे अनेक अरब तज्ज्ञ स्पष्टपणे म्हणू लागले आहेत. आता या हल्ल्याला सामूहिक पातळीवर उत्तर द्यायचे का, हा मोठा प्रश्न आखाती देशांसमोर उभा आहे.
कतार हा जगातील सर्वात श्रीमंत देशांपैकी एक मानला जातो. करमुक्त जीवनशैली, भरपूर आर्थिक संधी आणि सुरक्षिततेची हमी यामुळे हा देश जागतिक गुंतवणूकदार, पर्यटक आणि परदेशी कामगार यांचे मोठे आकर्षण ठरला आहे. पण मागील काही महिन्यांमध्ये दोन मोठ्या हल्ल्यांमुळे ही सुरक्षिततेची भावना डळमळीत झाली आहे. जून महिन्यात इराणने कतारमधील अमेरिकन लष्करी तळावर हल्ला केला होता आणि आता सप्टेंबरमध्ये इस्रायलने थेट राजधानीवर बॉम्बहल्ला करून धक्का दिला आहे.
जागतिक घडामोडी संबंधित बातम्या वाचण्यासाठी येथे क्लिक करा : Nepal Kumari Devi : नेपाळची शक्तिदायिनी कुमारी देवी; आजही एक आलौकिक रहस्य, जिने आधीच वर्तवले होते देशाचे भविष्य
कतारचे पंतप्रधान शेख मोहम्मद बिन अब्दुलरहमान अल थानी यांनी स्पष्ट शब्दांत सांगितले की, “आम्ही या हल्ल्याला सामूहिक उत्तर देऊ. हा निर्णय मित्र राष्ट्रांशी सल्लामसलत करूनच घेतला जाईल.” पुढील काही दिवसांत दोहा येथे होणारी अरब आणि इस्लामिक शिखर परिषद या दृष्टीने ऐतिहासिक ठरू शकते.
कतारवरील हल्ल्यानंतर सौदी अरेबिया, संयुक्त अरब अमिराती (यूएई), बहरीन, ओमान यांसारख्या देशांनी तातडीने प्रतिक्रिया नोंदवल्या आहेत. हल्ल्यानंतर अवघ्या २४ तासांत यूएईचे अध्यक्ष मोहम्मद बिन झायेद अल नाह्यान दोहा येथे पोहोचले. त्यांनी कतारनंतर बहरीन आणि ओमानलाही भेट दिली. हे फक्त शिष्टाचार भेटी नसून आखाती देशांमध्ये एका नवीन लष्करी आघाडीबाबत सखोल चर्चा सुरू असल्याचे तज्ज्ञ सांगतात. कुवेत विद्यापीठातील इतिहासाचे प्राध्यापक बदर अल-सैफ यांनी सीएनएनला सांगितले की, “आखाती देशांनी आता ठाम भूमिका घ्यायलाच हवी. जर आपण आज गप्प बसलो, तर उद्या लक्ष्य इतर देश ठरणार यात शंका नाही.”
JUST IN🇶🇦🇮🇱🇸🇦🔥 Qatari FM says, The Islamic summit in Doha will discuss final resolution to Boycott #Israel and refuse to defend Israel from Yemen, Iranian and Hamas missiles and actions.
🚨 Qatari Navy preparing to strike Israel with Iran, Saudi and UAE’s coordinate. pic.twitter.com/eYmn1jAJUa
— RKM (@rkmtimes) September 13, 2025
credit : social media
या सर्व घडामोडींमध्ये सर्वाधिक चर्चेत असलेला मुद्दा म्हणजे अरब-इस्लामिक नाटो. मध्यपूर्वेत अमेरिकेच्या उपस्थितीला तोलून धरण्यासाठी आणि भविष्यातील इस्रायली हल्ल्यांना थोपवण्यासाठी सौदी, यूएई, कतार, बहरीन, ओमान असे देश एकत्रितपणे संरक्षण कराराच्या दिशेने पुढे सरकू शकतात. जगभरातील अनेक विश्लेषक या घडामोडींना “इस्लामिक नाटो”ची पायाभरणी असेच वर्णन करत आहेत. तथापि, प्रत्यक्ष लष्करी पर्याय मात्र अजूनही मर्यादितच आहेत. इस्रायलच्या उच्च-तंत्रज्ञानाने सुसज्ज हवाई संरक्षण प्रणालीला थेट भिडणे सोपे नाही. त्यामुळे बहुतेक देश “सामूहिक सुरक्षा करार” किंवा “प्रादेशिक संरक्षण युती” या मार्गाने जाण्याचा विचार करत आहेत.
जागतिक घडामोडी संबंधित बातम्या वाचण्यासाठी येथे क्लिक करा : India-US trade tariffs : सर्जियो भारतातील राजदूत होण्यास अयोग्य, नवारो मूर्ख…ट्रम्पच्या निर्णयांवर बोल्टन कडाडले
कतारवरील हल्ला हा फक्त एका देशावरचा हल्ला नसून, संपूर्ण आखाती जगाच्या सार्वभौमत्वावरचा आघात मानला जात आहे. त्यामुळे आता आखाती देशांसमोर फक्त दोनच पर्याय उरले आहेत गप्प बसून पुढील हल्ल्याची वाट पाहणे की एकत्र येऊन स्वतःची सामूहिक संरक्षण व्यवस्था उभी करणे. दोहा परिषदेत याबाबत ठोस निर्णय होण्याची शक्यता प्रबळ मानली जात आहे.
