Israel Yemen War : ‘वाईट कृत्याचे परिणाम…’; इस्रायलच्या हल्ल्यात हुथी बंडखोरांचे पंतप्रधान ठार

Israel Yemen War : गेल्या काही काळापासून इस्रायल आणि येमेनच्या हुथी विद्रोह्यांमध्ये तीव्र संघर्ष सुरु आहे. हा संघर्ष दिवसेंदिवस वाढत आहे.

• हुथी बंडखोरांच्या पंतप्रधानांचा इस्रायलच्या हल्ल्यात मृत्यू
• अनेक वरिष्ठ अधिकारीही ठार झाल्याची शक्यता
• हुथींना इस्रायलविरोधी शस्त्र न उचलण्याचा IDF चा इशारा

Israel Attack on Yemen’s Houthi : साना : सध्या मध्यपूर्वेत अस्थिरतेचे वातावरण आहे. येमेनच्या हुथी बंडखोरांसोबत इस्रायलच्या संघर्षाने विध्वंस घडत आहे. नुकतेच इस्रायलने २८ ऑगस्ट रोजी साना येथे हुथी बंडखोरांवर हल्ले केले होते. या हल्ल्यात हुथी विद्रोह्यांच्या पंतप्रधान अहमद अल-राहवी यांचा मृत्यू झाल्याची माहिती समोर आली आहे.

तसेच हुथींचे संरक्षण मंत्री मोहम्मद अल-अती आणि चीफ ऑफ स्टाफ मोहम्मद अब्द अल-करी अल-घमारी यांनाही लक्ष्य करण्यात आले होते. मात्र अद्याप त्यांच्या मृत्यूची पुष्टी झालेली नाही.

इस्रायलवरील हल्लांना IDF चे प्रत्युत्तर

हुथी बंडखोरांनी इस्रायवर केलेल्या क्षेपणास्त्र आणि ड्रोन हल्ल्यांना प्रत्युत्तर म्हणून इस्रायलच्या संरक्षण दलाने (IDF) २८ ऑगस्ट रोजी हल्ला केला होता. इस्रायलच्या सैनिकांनी हुथींच्या लष्करी तळांना आणि राष्ट्रपती भवनाला लक्ष्य केले होते. यामध्ये किमान १० लोक ठार झाल्याचे आणि ९० जखमी झाल्याची माहिती येमेनच्या अधिकाऱ्यांनी दिली आहे.

Vladimir Putin डिसेंबरमध्ये भारत दौऱ्यावर; टॅरिफवॉरदरम्यान रशिया-भारत संबंधासाठी अधिक महत्वपूर्ण

इस्रायलचे स्पष्टीकरण

दरम्यान इस्रायलच्या परराष्ट्र मंत्रालयाने या हल्ल्यांचे स्पष्टीकरण देताना म्हटले की, “आम्ही हुथींना इशारा दिला होता. आमच्याविरोधात जो काणी शस्त्रे उचलेल त्याला शिक्षा होईल. यामुळे हुथींना त्यांच्या वाईट कृत्याचे परिणाम भोगावे लागतील.”

इस्रायलच्या वरिष्ठ अधिकाऱ्याने दिलेल्या माहितीनुसार, इस्रायलने हुथींवर अचूक हल्ले केले आहेत. या हल्ल्यात अनेक हुथी बंडखोरांच्या बड्या नेत्यांना लक्ष्य करण्यात आले आहे.

हुथी बंडखोरांचे इस्रायवरील हल्ले

हुथी बंडखोरांनी २०२३ पासून आतापर्यंत इस्रायलवर २५० हून अधिक वेळा हल्ले केले आहेत. इस्रायलच्या गाझातील हमासविरोधी आणि पॅलेस्टिनींविरोधी कारवायांमुळे हुथींनी हे हल्ले केले आहेत. हुथी बंडखोरांनी इस्रायलच्या लाल समुद्रातील जहाजांनाही १०० हून अधिक वेळा लक्ष्य केले आहे. यामुळे जागतिक व्यापारावर परिणाम झाला आहे.

इस्रायलच्या पंतप्रधानांचा हुथींना इशारा

दरम्यान यापूर्वी अनेकवेळा इस्रायलचे पंतप्रधान बेंजामिन नेतन्याहू यांनी हुथींना कडक इशारा दिला आहे. त्यांनी म्हटले होते की, हुथींनी हल्ले थांबवले नाहीत तर त्यांना पूर्णत: नष्ट करण्यात येईल. त्यांचेही हाल हमाससारखे करण्यात येईल असे नेतन्याहूंनी म्हटले होते.

नेतन्यांहूच्या मते, येमेनमधील हुथींना, तसेच गाझातील हमास संघटनेला आणि हिजबुल्लाह संघटनेला इराणचे समर्थन मिळत आहे. हे फक्त इराणचे मोहरे आहेत. यांच्या माध्यमातून इराण मध्यपूर्वेत विनाश घडवत असल्याचा दावा नेतन्याहूंनी अनेक वेळा केला आहे.

इस्रायलच्या हमासविरोधी कारवाया

सध्या इस्रायलच्या गाझामध्ये हमासविरोधी कारवाया सुरु आहे. हमासला गाझातून पूर्णपणे बाहेर काढण्याचा प्रण इस्रायलने घेतला आहे. शिवाय यानंतर हुथींनाही हमासप्रमाणे नष्ट करण्यात येईल असे इस्रायलने म्हटेल आहे.

भारतासाठी धोक्याची घंटा? बांगलादेश चीनकडून खरेदी करणार J-10 लढाऊ विमाने?