India Russia Relations : भारत नेहमीच…; रशियन मंत्र्यांचा पाश्चात्य देशांना टोला; तेलाच्या मुद्द्यावरुन अमेरिकेला सुनावलं

India Russia Relations : रशियाच्या परराष्ट्र मंत्र्यांनी भारताच्या परराष्ट्र धोरणाचे कौतुक केले आहे. तसेच पाश्चात्य देश आणि अमेरिकेला तेलाच्या व्यापारावरुन कडक शब्दात सुनावलं आहे.

• रशियन मंत्र्यांचा पाश्चात्य देशांना टोला
• तेल व्यापारावरुन अमेरिकेला सुनावलं
• जाणून घ्या नेमकं काय प्रकरण आहे?

India Russia Relations News in Marathi : जागतिक राजकारणात पुन्हा एकदा भारत आणि रशियाच्या दृढ संबंधाची चर्चा सुरु झाली आहे. रशियाचे परराष्ट्र मंत्री सर्गेई लाव्हरोव यांनी तेलाच्या व्यापारावरुन मोठे विधान केले आहे. त्यांनी पाश्चात्य देशांच्या विशेष करुन अमेरिकेच्या डिक्टेटरशिपवर कडक शब्दांत टीका केली आहे. तर भारताच्या परराष्ट्री धोरणाचे तोंडभरुन कौतुक केले आहे.

Russian Oil : भारत रशिया मैत्रीत मिठाचा खडा? सवलत बंद करुन रशियाने वाढवले तेलाचे भाव

पाश्चात्य देशांना लगावला टोला

एका विशेष मुलाखतीदरम्यान सर्गेई लाव्हरोव यांनी पाश्चात्य देशांवर गंभीर आरोप केले आहेत. त्यांच्या मते, अमेरिका (America) आणि त्याचे मित्र राष्ट्र अजूनही जुन्या वसाहतवादी मानसिकतेत आहेत. दुसऱ्या देशांवर स्वत:च्या अटी लादणे आणि त्यांच्या उर्जा गरजांवर नियंत्रण मिळवण्याचा प्रयत्न करणे ही लोकशाही नसल्याचे लावरोव यांनी म्हटले.

ते पुढे असेही म्हणाले की, अमेरिका भारतासारख्या देशांना रशियाकडून स्वस्त तेल खरेदी करणे बंद करण्यास सांगून स्वत: महागडे तेल विकण्याचा प्रयत्न करत आहे. हा एक प्रकारे अनुचित व्यापार खेळ असल्याचा आरोप लावरोव यांनी केला आहे.

भारताच्या ठाम भूमिकेला रशियाचा पाठिंबा

गेल्या दोन वर्षात भारताने रशियाकडून कच्चा तेलाची आयात मोठ्या प्रमाणावर केली आहे. पाश्चात्य देशांच्या निर्बंधाची भीती न बाळगता राष्ट्रीय हिताला भारताने प्राधान्य दिले आहे. लावरोव यांनी भारताच्या या भूमिकेचे कौतुक केले आहे. भारत नेहमीच आपल्या बाजारपेठेच्या गरजा आणि जनतेचे हित पाहून निर्णय घेतो, कोणच्या दबावाला बळी पडत नाही असे त्यांनी स्पष्ट शब्दांत सांगितले. यावरुन भारत आणि रशियाचे संबंध (India Russia Relations) किती दृढ आहे.

जागतिक उर्जा संकट

ऑक्टोबर २०२५ मध्ये अमेरिकेने रोसनेफ्ट आणि लुकोइल सारख्या रशियन कंपन्यांवर निर्बंध लादले होते. यामुळे आयातीत मोठ्या प्रमाणात रखडली होती. तसेच पश्चिम आशियातील तणावामुळे जागतिक उर्जा बाजारातही मोठी अस्थिरता निर्माण झाली आहे.  अमेरिकेने काही निर्बंधात १६ मे पर्यंत सुट दिली आहे, यामुळे भारताला काही दिलासा मिळाला आहे. यामुळे रशियाकडून सवलतीच्या दरात तेल आयात करणे सोपे होईल असे तज्ज्ञांचे म्हणणे आहे.

India Russia Relations : पुतिनने मोदींच्या पाठीत खुपसला खंजीर? युद्धजन्यपरिस्थितीत पाकिस्तानला मदत तर भारताला आठकाडी