रशिया वाढवणार भारताची सुरक्षा? पुतीनच्या दौऱ्यापूर्वी S-500 खरेदीची जोरदार चर्चा

Vladimir Putin India Visit : रशियाचे अध्यक्ष पुतिन उद्या भारताच्या दोन दिवसीय दौऱ्यावर येत आहे. हा दौरा भारत आणि रशिया संबंधासाठी अत्यंत महत्त्वाचा मानला जात आहे. या दौऱ्यामुळे दोन्ही देशांतील संबंध अधिक मजबूत होतील.

• S-400 नंतर आता S-500 खरेदी करणार भारत
• पुतिनच्या दौऱ्यापूर्वी जोरदार चर्चा
• जाणून घ्या काय आहे दोन्ही प्रणालींमध्ये फरक

Vladimir Putin India Visist : नवी दिल्ली/ मॉस्को : रशियाचे राष्ट्राध्यक्ष व्लादिमिर पुतिन (Vladimir Putin) ४ आणि ५ डिसेंबर रोजी भारत दौऱ्यावर येणार आहे. त्यांच्या या दोन दिवसीय भारत दौऱ्याकडे सध्या संपूर्ण जगाचे लक्ष लागले आहे. यावेळी पुतिन पंतप्रधान नरेंद्र मोदी (Narendra Modi) यांची दिल्लीत भेट घेतली. या दरम्यान दोन्ही देशाच्या संबंधाचा आढावा घेतला आहे. याच वेळी आणखी एका गोष्टीची जोरदार चर्चा सुरु आहे. ती म्हणजेच रशियाचे संरक्षण प्रणाली S-500 च्या भारताकडून खरेदीचा तयारी सुरु असल्याची.

Vladimir Putin भारतात येण्यापूर्वी ट्रम्पच्या सल्लागारांची घेणार भेट; काय आहे कारण?

सध्या भारताकडे रशियाची S-400 ही संरक्षण प्रणाली आहे. या संरक्षण प्रणाली भारताला पाकिस्तानविरुद्ध युद्धात आणि ऑपरेशन सिंदूर दरम्यान महत्त्वपूर्ण साथ दिली होती.  या प्रणालीमुळे  भारताने केवळ काही मिनिटांतच पाकिस्तानच्या हवाई हल्ल्यांना हाणून पाडले होते. ड्रोन, क्रूझ मिसाईल्स, फायटर जेट्स सर्वांना एका क्षणात या प्रणाली उद्ध्वस्त केले होते. यामुळे भारताने लगेचच या प्रणालीचे आणखी पाच रेजिमेंट्स खरेदीचा निर्णय घेतला. सध्या याची डिलिव्हरी सुरु आहे.

याच पार्श्वभूमीवर आता रशियाच्या S-400 चा उत्तराधिकारी S-500 भारत खरेदी करणार असल्याचीही जोरदार चर्चा सुरु आहे. पुतिन यांच्या भारत भेटीत या प्रोडक्शनचा प्रस्ताव भारताला मिळण्याची शक्यता आहे. भारताची DRDO आणि रशियाच्या अल्माज एंटे कंपनीत आणि खाजगी संरक्षण कंपन्यां मिळून S-500 च्या भारतात सह-उत्पादना करण्याची शक्यता आहेत. हा करार झाल्यास भारत आणि रशियामध्ये सर्वात मोठा संरक्षण सहकार्य निर्माण होईल.

S-400 आणि S-500 मधील फरक 

• S-400 आणि S-500 मधील फरक अत्यंत मोठा आहे. S-400 ही ३० किलोटीमर अंतर उंचीपर्यंत मारा प्रहार करु शकते, तर S-500 ur 180 ते 200 किलोमीटर उंचीपर्यंत लक्ष्याला भेदू शकते.
• S-400 ही ड्रोन्स, फाटर जेट्स, आणि क्रूझ मिसाईल्सला सहज भेदू शकते, तर S-500 या क्षेपणास्त्रांसह ICBM ला देखील क्षणात उद्ध्वस्त करु शकते. तसेत हायपरसॉनिक व्हेईकल्स, आणि अत्याधुनिक लांब पल्ल्याच्या शस्त्रांना देखील भेदू शकते.
• S-500 ही ५०० ते ६०० किलोमीटरपर्यंत मारा करु शकते.
• फर्स्ट पोस्टच्या वृत्तानुसार, s-500 प्रणालीमध्ये 77N6-N1 क्षेपणास्त्र प्रणालीचा वापर करण्यात आला आहे. ही प्रणाली चीनच्या J-20 लढाऊ विमाना हाणून पाडण्याची क्षमता ठेवते.
• यामध्ये अत्याधुनिक रडार प्रणाली वापरण्यात आली आहे, ज्यामुळे लांब पल्ल्याच्या लक्ष्यांचा मागोवा घेऊन त्यांच्यावर हल्ला करु शकते.

परंतु सध्या ही प्रणाली अत्यंत महाग आणि मर्यादित प्रमाणात उपलब्ध आहे. पण ही प्रणाली भारताच्या एअर डिफेन्स नेटवर्कमध्ये सामील झाल्यास भारताची हवाई सुरक्षा अत्यंत मजबूत होईल. तसेच यामुळे भारत आणि रशियामध्ये संरक्षण सहकार्य देखील अधिक बळकट होईल. तसेच याच्या सह-उत्पादनाला चालना मिळाल्यास भारताच्या आत्मनिर्भरतेच्या धोरणालाही गती मिळेल. यामुळे सध्या संपूर्ण जगाचे लक्ष पुतिन यांच्या दौऱ्याकडे लागले आहे.

‘India-Russia’ची लष्करी युती जागतिकस्तरावर आणखी बळकट; RELOSमंजुरीनंतर रशियाने ‘या’ खास मैत्रीचे गायले गोडवे