फोटो सौजन्य सोशल मीडिया
म्हणजे यातील अनेक चॅनेल्स इंडोनेशियातील सरकारच्या समर्थनार्थ व्हिडीओ प्रसारित करत असल्याचे गुगलच्या अहवालात नमूद करण्यात आले आहे . या कारवाईनंतर इंडोनेशियातील सरकारने गुगलकडे स्पष्टीकरण मागितले असून , असून चॅनेल्स बंद करण्यामागील नेमके निकष आणि पुरावे सादर करण्याची मागणी केली आहे .
गुगलने आपल्या तिसऱ्या तिमाहीतील सुरक्षा अहवालात युट्युबवरील मोठ्या कारवाईची माहिती दिली आहे . जुलै महिन्यात ६ हजार ८८८, ऑगस्टमध्ये १० हजार १३४ आणि सप्टेंबरमध्ये २ हजार ३५० चॅनेल्स बंद करण्यात आली . या चॅनेल्सचा वापर संघटित पद्धतीने ऑनलाईन जनमतावर प्रभाव टाकण्यासाठी केला जात असल्याचा गुगलचा दावा आहे .
काही चॅनेल्सवर इंडोनेशिया सरकारच्या समर्थनार्थ व्हिडीओ प्रसारित केले जात होते , तर काहींकडून सरकारच्या टीकाकारांना लक्ष करणारा मजकूर प्रसारित केला जात होता . गुगलने या प्रकाराला Co Ordinated Influence Operations असे संबोधले आहे . म्हणजेच अनेक अकाउंटसच्या माध्यमातून एकाच उद्देशाने नियोजनबद्द पद्धतीने ऑनलाइन वातावरणावर प्रभाव टाकण्याचा प्रयतन आहे .
World News : ट्रम्प, जिनपिंग आणि पुतीन एकाच मंचावर; तीन महासत्तांच्या नेत्यांची ऐतिहासिक बैठक
मोठ्या प्रमाणावर चॅनेल्स बंद करण्याच्या निर्णयावर इंडोनेशियाच्या कम्युनिकेशन आणि डिजिटल मंत्रालयाने प्रश्न उपस्थित केले आहेत . सरकारने गुगलकडे कारवाईची पद्धत , चॅनेल्सची तपासणी कशी करण्यात आली , कोणत्या नियमांचे उल्लंघन झाले आणि चॅनेल्सच्या इंडोनेशियाशी संबंध कसा निश्चित करण्यात आला ,याची माहिती मागितली आहे .
खास म्हणजे या प्रक्रियेत स्वयंचलित यंत्रणा आणि मानवी तपासणी करणाऱ्या कर्मचाऱ्यांची भूमिका काय होती , याचेही स्पष्टीकरण मागण्यात आले आहे . चुकीच्या निष्कर्षामुळे कोणत्याही व्यक्तीच्या अभिव्यक्ती स्वातंत्र्यावर गदा येऊ नये . अशी सरकारची भूमिका आहे . मोठ्या प्रमाणावरील डिजिटल कारवाई पारदर्शक आणि निष्पक्ष असणे आवश्यक असल्याचे मंत्रालयाने स्पष्ट केले आहे .
या प्रकरणात इंडोनेशिया सरकारने केवळ बंद करण्यात आलेल्या चॅनेल्सपुरते स्पष्टीकरण मागितले नाही . तर युट्युबच्या कारवाईच्या क्षमतेवर वापर इतर गैरप्रकार रोखण्यासाठीही करण्याची मागणी केली आहे . ऑनलाईन जुगाराचा प्रचार करणारी अकाउंटस आणि अश्लील सामग्री प्रसारित करणाऱ्या संघटित नेटवर्कवरही अशाच पद्धतीने कारवाई करावी , असे मंत्रालयाने म्हंटले आहे .
दरम्यान , गुगलच्या प्रतिनिधींनी या प्रकरणातील सविस्तर माहिती देण्यासाठी जागतिक स्तरावरील आपल्या संबंधित टीमशी चर्चा करावी लागेल , असे स्पष्ट केले आहे . गुगलच्या मते , प्लॅटफॉर्म वरील स्पॅम आणि संघटित प्रभाव मोहिमांविरोधात जगभरात नियमितपणे कारवाई केली जाते . इंडोनेशियातील एवढ्या मोठ्या संख्येने चॅनेल्स बंद करण्यामागील नेमके काय होते , याबाबत आता कंपनीच्या सविस्तर स्पष्टीकरणाकडे लक्ष लागले आहे .






