इराणमधील उठावाचे पॅरीस कनेक्शन! कोण आहेत ‘Madam M’? ज्यांच्यामुळे उडाली खामेनी सरकारची झोप

Maryam Rajavi Iran : इराणमधील आंदोलनाने आता उग्र रुप धारण केले आहे. यामुळे आंतरराष्ट्रीय स्तरावर मोठी खळबळ उडाली आहे. दरम्यान इराणच्या आंदोलनाबाबत एक मोठी माहिती समोर आली आहे. याचे नेतृत्व पॅरीसमधून केेले जात आहे.

• इराणच्या आंदोलकांच्या समर्थनार्थ पॅरीसमध्ये रॅली
• कोण आहेत ‘Madam M’? ज्यांनी उडवली खामेनेई सराकरची झोप
• पॅरीसमधून करत आहेत इराणमधी आंदोलनाचे नेतृत्त्व

Iran Violent Protest Update : पॅरीस : इराणमध्ये (Iran) सुरु असलेल्या खामेनेई सरकारविरोधी आंदोलनाचे आता आंतरराष्ट्रीय स्तरावर पडसाद उमटू लागले आहे. ब्रिटनसह युरोप, फ्रान्समध्येही इराणी आंदोलकांच्या समर्थनार्थ रॅली काढल्या जात आहे. खामेनेई सरकारला प्रतिकात्कम विरोध केला जात आहे. याचे थेट पॅरीससोबतही कनेक्शन जोडले जात आहे. नुकतेच फ्रान्सच्या पॅरीस येथे आंदोलकांच्या समर्थानार्थ मोठी रॅली काढण्यात आली होती. या रॅलीचे नेतृत्व Madam M करत आहेत. यामुळे आंतरराष्ट्रीय स्तरावर या मॅडम एम नक्की कोण आहेत आणि पॅरीसचा इराणशी काय संबंध आहे अशा चर्चा जोरदार सुुरु आहेत.

हिजाब काढला अन् महिलेच्या टी-शर्टवरील ‘तो’ संदेश पाहून सगळेच थक्क; इराणी सरकारविरोधात फ्रान्समध्ये तीव्र आंदोलन, VIDEO

कोण आहेत मॅडम M?

मॅडम M म्हणून ओळखल्या जाणाऱ्या मरियम रजावी या फ्रान्स (France) मधील इराणविरोधी आंदलोनाचे नेतृत्व करत असल्याचा दावा केला जात आहे. त्यांच्यामुळे इराणच्या खामेनेई सरकारची अस्वस्थता वाढली आहे. मरियम रजावी या नॅशनल कॉउन्सिल ऑफ रेजिस्टन्स ऑफ इराण (NCRI)  च्या अध्यक्षा आहेत. १९९० पासून त्या राजकारणात सक्रिय असून त्यांनी इराणविरोधी गटांना एकत्रित आणण्याचा प्रयत्न केला आहे.  सध्या त्या माजुहिदीन-ए-खालक (MEK) या संघटनेचे नेतृत्व करत आहेत. त्यांच्यामुळे या संघटनेला आंतरराष्ट्रीय स्तरावर ओळख मिळाली आहे. परंतु या संघटनेला मिळणारा निधी आणि या संघटनांच्या कार्याबाबत अनेक तज्ज्ञांनी टीका केली आहे.

दरम्यान मरियम रजावी आणि MEK संघटनेवर इराणमधील आंदोलनाची सुत्रे, रणनीती पॅरीसमधून आखली जात असल्याचा आरोप करण्यात आला आहे. सध्या इराणमध्ये आंदोलाने अधिक हिंसक रुप घेतले आहे. राजधानी तेहरानसह, इस्फाहन, शीराजसह, अनेक शहरांमध्ये मोठ्या प्रमाणाता अस्थिरता पसरली आहे. सुरक्षा दलांकडून कठोर कारवाई केली जात आहे. आतापर्यंत १० हजाराहून अधिकांना ताब्यात घेँण्यात आले आहे. तसेच सुरक्षा दलांच्या गोळीबारात ५०० हून अधिक लोकांचा मृत्यू झाला आहे. गेल्या वर्षी २८ डिसेंबर २०२५ मध्ये या आंदोलनाला सुरुवात झाली होती. परंतु अद्यापही हे आंदोलन आटोक्यात आलेले नाही.

या आंदोलनामागे मरियम रजावी यांचा वैयक्तिक आणि राजकीय हेतू असल्याचा दावा केला जात आहे. रजावी यांचे पीत MEK चे नेते मसूद रजावी २००३ नंतर गायब झाले आहेत. त्यांच्या मृत्यूबाबत अनेक कथित दावे केले जात आहेत. त्याचा आरोप इराणवर असून यामुळेच हा संघर्ष केवळ राजकीय नसून वैयक्तिक भावनेशी जोडला जात आहे.

World War 3 : युद्धाचा बिगुल वाजला? ट्रम्पच्या ‘या’ आदेशाने उडाली खळबळ, इराणवर बॉम्बहल्ल्याचे संकेत