Iran-US War : अमेरिकन युद्धनौकांवर क्षेपणास्त्र हल्ला; प्रत्युत्तरात अमेरिकेने तीन इराणी तेलवाहू जहाजांवर कारवाई

 Iran-US War : इराणने अमेरिकेच्या दोन नौदल युद्धनौकांना क्षेपणास्त्रांनी लक्ष्य केल्यानंतर अमेरिकेने प्रत्युत्तरादाखल तीन इराणी तेलवाहू जहाजांवर कारवाई केली. दोन जहाजे कायमस्वरूपी निष्क्रिय करण्यात आली असून तिसरे जहाज नष्ट करण्यात आले. त्यामुळे अमेरिका-इराण संघर्ष आणखी तीव्र झाला आहे.

• अमेरिकेच्या दोन युद्धनौकांवर क्षेपणास्त्रांचा मारा
• तीन तेलवाहू जहाजांवर अमेरिकेची कारवाई
• आखातातील संघर्ष आणखी भडकण्याची शक्यता

Iran-US War :अमेरिका आणि इराणमधील संघर्ष आणखी तीव्र झाला आहे. इराणच्या रिव्होल्युशनरी गार्डने अमेरिकेच्या दोन नौदल युद्धनौकांना लक्ष्य करत क्षेपणास्त्रे डागल्याचा दावा अमेरिकेच्या लष्कराने केला आहे. त्यानंतर अमेरिकेच्या सेंट्रल कमांडने तीन इराणी तेलवाहू जहाजांवर हल्ला केला. या कारवाईमुळे आखातातील तणाव पुन्हा शिगेला पोहोचला आहे.

अमेरिकेच्या दोन युद्धनौकांवर क्षेपणास्त्रांचा मारा

अमेरिकेच्या म्हणण्यानुसार, इराणने प्रादेशिक समुद्रात गस्त घालणाऱ्या अमेरिकेच्या एका विमानवाहू युद्धनौकेसह एका गाइडेड-मिसाइल डिस्ट्रॉयरवर बॅलिस्टिक क्षेपणास्त्रे डागली. अमेरिकेच्या दोन्ही युद्धनौकांनी हे हल्ले चुकवले असून कोणत्याही अमेरिकन जवानाला दुखापत झालेली नाही. या हल्ल्यानंतर अमेरिकेने तातडीने प्रत्युत्तर देत इराणच्या तेलवाहतूक व्यवस्थेला लक्ष्य केले.

Russia-Ukraine War : पुतिन यांच्या भेटीसाठी अमेरिकेचे दूत मॉस्कोत; युद्ध थांबवण्यासाठी निर्णायक चर्चा सुरू

तीन तेलवाहू जहाजांवर अमेरिकेची कारवाई

अमेरिकेच्या CENTCOMने तीन इराणी क्रूड ऑइल कॅरिअर्सवर कारवाई केल्याचे जाहीर केले आहे. त्यापैकी दोन जहाजे कायमस्वरूपी निष्क्रिय करण्यात आली, तर एक रिकामे तेलवाहू जहाज पूर्णपणे नष्ट करण्यात आले. ही जहाजे इराणच्या रिव्होल्युशनरी गार्ड आणि त्यांच्याशी संबंधित सशस्त्र गटांना आर्थिक मदत करणाऱ्या कथित ‘शॅडो फ्लीट’चा भाग असल्याचा दावा अमेरिकेने केला आहे.

Africa Map Update : आफ्रिकेचा नकाशा बदलणार; UNचा मोठा निर्णय, ‘Equal Earth’ नकाशाला १६४ देशांचा पाठिंबा

आखातातील संघर्ष आणखी भडकण्याची शक्यता

या कारवाईमुळे अमेरिका-इराण संघर्षात समुद्री आघाडीवर मोठी वाढ झाली आहे. खार्ग बेटाजवळ, जास्कजवळ आणि ओमानच्या आखातात तेलवाहू जहाजांना लक्ष्य करण्यात आल्याचे अमेरिकेने सांगितले आहे.

खार्ग बेट हे इराणच्या तेल निर्यातीसाठी अत्यंत महत्त्वाचे केंद्र असल्याने या भागातील कोणतीही लष्करी कारवाई जागतिक तेल बाजारासाठीही चिंतेचा विषय ठरू शकते. अमेरिकेने आपल्या युद्धनौकांवरील हल्ल्यांना प्रत्युत्तर देताना भविष्यातही इराणच्या तेलवाहतूक क्षमतेवर कारवाई करण्याचा इशारा दिला आहे.