Iran War : ३ लाख १३ हजार योद्धे मैदानात! इराणचा अमेरिकेला-इस्रायलला थेट इशारा

Iran War : अमेरिका-इस्रायलसोबत सुरू असलेल्या संघर्षाच्या पार्श्वभूमीवर इराणने तेहरानमध्ये ३ लाख १३ हजार स्वयंसेवक एकत्र केल्याचा दावा केला आहे. भविष्यातील संभाव्य संकटांचा सामना करण्यासाठी नागरिकांना प्रशिक्षण देण्याचा आणि देशाच्या संरक्षणासाठी सज्ज राहण्याचा हा व्यापक उपक्रम असल्याचे इराणकडून सांगण्यात आले आहे.

• नेमकं काय झालं ?
• ३,१३,००० हाच आकडा का ?
• यामागचा मोठा संदेश काय ?

Iran War : आज बरोबर २०३ दिवस झाले ,इराण इस्रायल आणि अमेरिका युद्ध सुरु आहे . इस्रायल , अमेरिका यांनी इराणला शमवण्यासाठी सगळे प्रकार करून झाले . अगदी इराणच्या सर्वोच्च नेत्यांपासून ते महत्वाचे शास्त्रज्ञ ,नेते , लष्करी अधिकारी यांचा मृत्यू घडवून आणला .

इराणच्या महत्वाच्या सार्वजनिक बांधकामावर मिसाईल हल्ला करून उध्वस्त केले . तरी इराण युद्धात हरायला तयार नाही . तेव्हा जागतिक राजकीय वर्तुळात चर्चा सुरु झाल्या कि आता जमिनीवर उतरून सैन्य पाठवून अमेरिका इस्रायल युद्ध करू शकतं .

यावर तयारी म्हणून इराणने १८ सप्टेंबर २०२६ रोजी तेहरान मध्ये ३,१३,००० लोकांचा मोठा स्वयंसेवक सराव / लष्करी मोर्चा आयोजित केला . हा कार्यक्रम Janfadayan -e -Iran म्हणजेच इराणसाठी बलिदान देणारे या मोहिमेअंतर्गत झाला.

नेमकं काय झालं ?

इराणची राजधानी तेहरान मध्ये ३.१३ लाख स्वयंसेवक सहभागी झाल्याचा दावा केला आहे . तसे व्हिडीओज सोशल मीडियावर दिसत आहेत . या मोहिमेत नागरिकांना मूलभूत लष्करी प्रशिक्षण देऊन भविष्यातील संभाव्य हल्ल्यांसाठी तयार करण्याचा उद्देश सांगितला जात आहे .

इराणच्या अधिकाऱ्यांच्या म्हणण्यानुसार ६ लाखांहून अधिक लोकांनी लष्करी प्रशिक्षणासाठी नोंदणी केली आहे . मात्र ही संख्या स्वतंत्रपणे पडताळता आलेली नाही . या कार्यक्रमात ड्रोन लष्करी उपकरणे आणि गणवेशातील स्वयंसेवकांचे प्रदर्शन करण्यात आले आहे .

World News : काळ्या दगडावरची पांढरी रेष ;ट्रम्प आणि नेतन्याहू सत्तेत असे पर्यंत होर्मूझ बंदच राहणार ;इराण

३,१३,००० हाच आकडा का ?

हा आकडा केवळ लष्करी आकडा नसून शिया धार्मिक परंपरेशी जोडलेला आहे . शिया परंपरेनुसार सहकारी इमाम महादींसोबत उभे राहतील अशी मान्यता आहे . त्यामुळे ३,१३,००० हा आकडा प्रतीकात्मक अर्थानेही वापरला जातो .

Yemen War : येमेन हादरला! संघर्षामुळे १.१२ लाख लोक विस्थापित; हजारोंनी जिबूतीत घेतला आश्रय

यामागचा मोठा संदेश काय ?

फेब्रुवारी पासून सुरु असलेल्या अमेरिका – इस्रायल आणि इराणमधील युद्धाच्या पार्श्वभूमीवर हा कार्यक्रम इराण कोणत्याही संभाव्य हल्ल्यासाठी तयार आहे . असा संदेश देण्यासाठी केलेले शक्तिप्रदर्शन म्हणून पाहिला जात आहे . खासकरून इराणला भविष्यात जमिनीवरून आक्रमण होण्याची शक्यता वाटत असल्याचे त्यांच्या अधिकाऱ्यांच्या वक्तव्यांतून दिसते .

म्हणजे साध्या भाषेत इराण सामान्य नागरिकांनाही प्राथमिक लष्करी प्रशिक्षण देऊन मोठ्या प्रमाणावर रिझर्व्ह फोर्स सारखी तयारी करत आहे . आणि अमेरिका -इस्रायलला आपल्या मोठ्या मनुष्यबळाची ताकद दाखवत आहे . असे दिसून येत आहे .