शुक्रवार, 6 नोव्हेंबर 2026
फोटो सौजन्य सोशल मीडिया
संयुक्त राष्ट्रांच्या स्थलांतरविषयक संस्थेच्या माहितीनुसार, संघर्षामुळे हजारो नागरिकांनी देशाबाहेर जाण्याचा मार्ग स्वीकारला असून जवळपास ३ हजार लोक समुद्रमार्गे जिबूतीमध्ये दाखल झाले आहेत. त्यामुळे येमेनमधील परिस्थिती दिवसेंदिवस अधिक गंभीर होत असल्याचे चित्र आहे.
येमेनच्या पश्चिम किनाऱ्यावरील भागात संघर्ष तीव्र झाल्यानंतर मोठ्या प्रमाणावर नागरिकांचे स्थलांतर सुरू झाले. अनेक कुटुंबांना अचानक आपली घरे, शेती आणि रोजगार सोडून सुरक्षित भागात आश्रय घ्यावा लागला. काही भागांमध्ये विस्थापित नागरिकांसाठी तात्पुरती शिबिरे उभारण्यात आली आहेत. मात्र वाढत्या संख्येमुळे निवारा, अन्न, पाणी आणि वैद्यकीय सुविधांवर मोठा ताण निर्माण झाला आहे.
येमेनमधून अनेक नागरिकांनी समुद्रमार्गे जिबूतीकडे धाव घेतली आहे. जवळपास ३ हजार लोक काही दिवसांतच जिबूतीमध्ये पोहोचल्याची माहिती समोर आली आहे. अनेकजण अतिभारित बोटींमधून अत्यंत कठीण परिस्थितीत प्रवास करत आहेत. या नागरिकांकडे पुरेसे अन्न आणि पाणी नसल्याचेही संयुक्त राष्ट्रांच्या संस्थांनी नमूद केले आहे. जिबूती सरकारने संभाव्य परिस्थिती लक्षात घेऊन १० हजारांपर्यंत निर्वासितांच्या आगमनाची तयारी सुरू केली आहे.
Pakistan Mosque Blast: मशिदीजवळ स्फोटकांनी भरलेले वाहन धडकवले; पाकिस्तानात रक्ताचा पाऊस!
येमेनमधील संघर्षाचा परिणाम केवळ विस्थापनापुरता मर्यादित राहिलेला नाही. दीर्घकाळ सुरू असलेल्या युद्धामुळे देशाची आरोग्यव्यवस्था, अर्थव्यवस्था आणि पायाभूत सुविधा आधीच मोठ्या दबावाखाली आहेत. आता नव्या विस्थापनामुळे मदतकार्य यंत्रणेसमोर आणखी मोठे आव्हान उभे राहिले आहे.
जिबूतीमध्येही मोठ्या संख्येने निर्वासित दाखल झाल्यास आरोग्य आणि शिक्षण सेवांवर अतिरिक्त भार पडण्याची शक्यता आहे. येमेनमधील संघर्षामुळे निर्माण झालेले हे नवे विस्थापन संकट पुढील काळात आणखी गंभीर होण्याची शक्यता असल्याने आंतरराष्ट्रीय मदतीची गरज वाढली आहे.
ताज्या अहवालानुसार जवळपास ३,००० लोक जिबूतीत पोहोचले असून, जिबूती १०,००० पर्यंत निर्वासितांच्या संभाव्य आगमनासाठी तयारी करत आहे.
