US Iran Peace Talks : इराण-अमेरिका वादात नवा ट्विस्ट! शांतता कराराला महिलांचा कडाडून विरोध, नेमकं प्रकरण काय?

Iran Women Protest : अमेरिका इराण युद्धविरामाबाबत पुन्हा अनिश्चितता निर्माण झाली आहे. इराणी महिलांनी अमेरिकेशी होणाऱ्या चर्चेवर संशय व्यक्त केला आहे. त्यांच्या मते, अमेरिकेवर विश्वास ठेवणे कठीण आहे.

• अमेरिकेविरोधात इराणी महिलांचा एल्गार
• शांतता चर्चेला कडाडून विरोध
• नेमकं प्रकरण काय?

US Iran Peace Talks : तेहरान : अमेरिका इराण-वादात (US Iran Conflict) नवा ट्विस्ट आला आहे. एकीकडे अमेरिका आणि इराणमध्ये शांतता चर्चेचे वारे वाहत असताना, दुसरीकडे हजारो इराणी महिला याविरोधात आल्या आहेत. या महिलांनी शांतता चर्चेला तीव्र विरोध केला आहे. अमेकिवेर विश्वास ठेवता येणार नाही अशा घोषणा महिला देत आहे. यामुळे जगभरात मोठी खळबळ उडाली आहे. तर दुसरीकडे याच वेळी इराणने होर्मुझची सामुद्रधुनी खुली केली आहे.

Hormuz Strait : जगाची जीवनवाहिनी ‘होर्मुझची सामुद्रधुनी’ पुन्हा प्रवाहित! पण ट्रम्प यांच्या ‘या’ एका इशाऱ्याने तणावाचे वातावरण

तेहरानमध्ये महिलांची अमेरिकेविरोधात रॅली

शुक्रवारी (१७ एप्रिल) अमेरिकेच्या तेहरानमध्ये Devoted Daughters of Iran या बॅनरखाली भव्य रॅलीचे आयोजन करण्यात आले होते. ही रॅली इमाम हुसेन स्क्वेअरपासून ते वालियार इंटरसेक्शन पर्यंत काढण्याकी आले. यावेळी इराणी महिलांनी  अमेरिका-इस्रायलच्या धोरणांचा प्रखरपणे विरोध केला. इराणी महिलांच्या मते, शांतता चर्चेच्या नावाखाली इराणच्या सार्वभौमत्त्वाशी तडजोड केली जात आहे. त्यांनी संपूर्ण जगासमोर अमेरिका-इराण (Iran)चर्चेबाबत संशय व्यक्त केला आहे. भूतकाळातील कटू अनुभवांच्या पार्श्वभूमीवर अमेरिकेवर कोणत्याही प्रकारे विश्वास ठेऊ शकत नाही असे महिलांनी म्हटले आहे.

ट्रम्प यांचा दावा

दरम्यान याच गदारोळात अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी आज इराणसोबत पाकिस्तानच्या इस्लामाबाद येथे चर्चा होण्याची शक्यता व्यक्त केली आहे. युद्ध कायमचे संपवण्यासठी दोन्ही देशांत कराराची अपेक्षा त्यांनी व्यक्त केली आहे. परंतु इराणच्या जनतेच्या अविश्वासामुळे आणि अमेरिकेसोबतच्या जुन्या इतिहासामुळे चर्चेवर गाढ संशय व्यक्त केला जात आहे.

होर्मुझचा मार्ग खुला

दुसरीकडे इराणचे परराष्ट्र मंत्री अब्बास अराघची यांनी सोशल मीडियावरुन माहिती देत होर्मुझ खुला केल्याचे सांगितले. त्यांनी म्हटले की, पाकिस्तानच्या मध्यस्थीने झालेल्या १० दिवसांच्या युद्धविरामांतर्गत होर्मुझची सामुद्रधुनी सर्व व्यावसायिकांसाठी खुली करण्यात येत आहे. तसेच इस्रायल आणि लेबनॉनमधील युद्धही तात्पुरता थांबवण्यात आला आहे.

इराणच्या या घोषणेमुळे सध्या जागतिक तेल आणि उर्जा पुरवठ्याला दिलासा मिळाला आहे. यामुळे जागतिक बाजारपेठेतील अनिश्चितता कमी होईल. इंधनाचे दर पुन्हा स्थिर होण्यास मदत होईल. पण याच वेळी इस्लाबादमध्ये दुसऱ्यांदा होणाऱ्या शांतता कराराकडेही जगाचे लक्ष लागले आहे. या चर्चेवर जगाचे पुढील भवितव्य टिकून आहे. यामुळे कायमस्वरुपी युद्धविराम होणार की युद्ध पुन्हा भडकणार असा प्रश्न लोकांना पडला आहे.

Energy Crisis 2026: भारताने इंधन मदतीचा हात देताच शेजारी देशांना मिळाला आधार; मालदीवसह अनेक देशांची मोठी मागणी