War Update : इराणची ‘वाचा’ हरपली! अमेरिका-इस्रायलला 6 महिने नडण्याची भाषा करणारे General Naeini ठार

US Israel Iran War : जगाच्या नजरेत इराणची 'अजिंक्य' प्रतिमा निर्माण करण्यास मदत करणारे आयआरजीसीचे प्रवक्ते अली मोहम्मद नाईनी यांचे निधन झाले आहे. त्यांनी यापूर्वी म्हटले होते की, इराण सलग सहा महिने युद्ध लढू शकतो.

• इराणला मोठा धक्का
• सहा महिन्यांच्या युद्धाचा दावा
• ‘सरप्राईज’ची तयारी

Ali Mohammad Naeini IRGC Death : मध्य-पूर्वेतील धगधगत्या युद्धात (US-Israel Iran War) इराणला आतापर्यंतचा सर्वात मोठा मानसिक धक्का बसला आहे. इस्लामिक रिव्होल्यूशनरी गार्ड कॉर्प्स (IRGC) चे मुख्य प्रवक्ते आणि इराणच्या मानसिक युद्धाचे (Psychological Warfare) अधिपती मानले जाणारे ब्रिगेडियर जनरल अली मोहम्मद नाईनी यांचा मृत्यू झाला आहे. इराणवरील ताज्या हल्ल्यांमध्ये ते ठार झाल्याचे वृत्त आहे. नाईनी हे केवळ प्रवक्ते नव्हते, तर इराणच्या प्रत्येक लष्करी हालचालीला जगासमोर ‘अजेय’ म्हणून मांडणारे ते मुख्य सूत्रधार होते.

मानसिक युद्धाचा बादशहा हरपला

इराणमधील प्रत्येक लष्करी प्रसिद्धीपत्रक, टीव्ही मुलाखत किंवा सोशल मीडियावरील प्रचार हा नाईनी यांच्या मंजुरीशिवाय प्रसिद्ध होत नसे. त्यांना IRGC च्या जनसंपर्क पथकाचे प्रमुख मानले जात असे. शत्रूच्या मनात भीती निर्माण करणे आणि इराणी जनतेचा आत्मविश्वास वाढवणे यात त्यांचा हातखंडा होता. डोनाल्ड ट्रम्प यांनी जेव्हा इराणच्या नौदलावर टीका केली होती, तेव्हा नाईनी यांनीच त्यांना उघड आव्हान दिले होते की, “जर हिंमत असेल तर तुमची जहाजे पर्शियन आखातात पाठवून दाखवा.”

जागतिक घडामोडी संबंधित बातम्या वाचण्यासाठी येथे क्लिक करा : Strait Of Hormuz : होर्मुझवर इराणची ‘वसुली’! युद्धाच्या आडोशाने कमावणार 73 अब्ज डॉलर्स; भारतासह 20 देशांची धाकधूक वाढली

६ महिन्यांच्या युद्धाचा ‘तो’ धाडसी दावा

मृत्यूच्या काही दिवस आधी दिलेल्या मुलाखतीत नाईनी यांनी जागतिक माध्यमांचे लक्ष वेधून घेतले होते. त्यांनी ठामपणे सांगितले होते की, इराणची लष्करी ताकद इतकी आहे की ते अमेरिका आणि इस्रायलसारख्या महासत्तांशी सलग सहा महिने तीव्र स्वरूपाचे युद्ध लढू शकतात. त्यांच्या मते, इराणकडे क्षेपणास्त्रांचा इतका मोठा साठा आहे की उत्पादन प्रक्रिया थांबली तरी युद्ध थांबणार नाही. विशेष म्हणजे, त्यांनी इराणच्या क्षेपणास्त्र उद्योगाला २०२५-२६ वर्षासाठी ‘२० पैकी २०’ गुण दिले होते.

See more

🇮🇷🇮🇱🇺🇸 Iranian state media reports that Brigadier General Ali Mohammad Naeini, spokesperson for the Islamic Revolutionary Guard Corps (IRGC) and a senior general, has been killed. pic.twitter.com/e3LQIhreiq — The Daily News (@DailyNewsJustIn) March 20, 2026

credit – social media and Twitter

जुन्या पिढीतील क्षेपणास्त्रे आणि शत्रूसाठी ‘सरप्राईज’

नाईनी यांचा सर्वात खळबळजनक दावा हा होता की, इराणने आतापर्यंतच्या संघर्षात केवळ आपली जुन्या पिढीतील (Old Generation) क्षेपणास्त्रे वापरली आहेत. त्यांची सर्वात प्रगत आणि घातक क्षेपणास्त्रे अजूनही सुरक्षित तळांवर असून ती योग्य वेळी तैनात केली जातील. शत्रूला थक्क करणारे ‘आश्चर्य’ (Surprise) इराण तयार करत असून, जसजसे युद्ध पुढे जाईल तसतसे ते अधिक अनपेक्षित होत जाईल, असा इशारा त्यांनी दिला होता. त्यांच्या मृत्यूमुळे हे ‘सरप्राईज’ आता कोणाच्या नेतृत्वाखाली येईल, हा मोठा प्रश्न आहे.

जागतिक घडामोडी संबंधित बातम्या वाचण्यासाठी येथे क्लिक करा : Iran Attack US : इराणच्या आकाशात अमेरिकेच्या F-35 Lightning II ची शिकार; US आर्मीच 100 दशलक्ष डॉलर्सचं नुकसान

इराणच्या संरक्षण प्रणालीवर प्रश्नचिन्ह?

नाईनी यांच्यासारख्या उच्चपदस्थ अधिकाऱ्याचा मृत्यू होणे, हे इराणच्या अंतर्गत सुरक्षेतील मोठी त्रुटी दर्शवते. ज्या माणसाने इराणला ‘अजेय’ ठरवले, तोच माणूस शत्रूच्या हल्ल्यात मारला गेल्याने इराणच्या प्रचाराला (Propaganda) मोठा तडा गेला आहे. यामुळे आता इराणमधील जनतेमध्ये आणि सैन्यामध्ये संतापाची लाट असून, इराण यावर काय प्रत्युत्तर देतो, याकडे संपूर्ण जगाचे लक्ष लागले आहे.