रफाह : सीमा आणि इजिप्तला लागून असलेल्या गाझा पट्टीच्या दक्षिण भागावर इस्रायली सैन्याने ताबा मिळवला असल्याची माहिती इस्रायली सैन्याकडून देण्यात आली आहे. इस्त्रायली सैन्याने रफाह बॉर्डरला लागून असलेल्या गाझा पट्टीच्या दक्षिण भागावर सैन्य कारवाई केली. या कारवाईदरम्यान हमासच्या 20 जणांना ठार केल्याचेही वृत्त देण्यात आले आहे.
तसेच इस्त्रायली सैन्याने तीन बोगदेदेखील उद्धवस्त केले आहेत. या कारवाईनंतर आता इस्त्रायलने गाझा पट्टीतील दक्षिण भागावर नियंत्रण मिळवले आहे. महत्त्वाचे म्हणजे इस्रायली माध्यमांमध्ये प्रसारीत झालेल्या एका व्हिडिओत या भागात इस्रायलचे झेंडेही दिसून आले आहेत. मात्र, इस्त्रायली सैन्याने यासंदर्भात बोलण्यास नकार दिला आहे. यासंदर्भात बोलताना इस्त्रायलच्या अधिकाऱ्यांनी सांगितले, की आम्ही रफाह सीमेला लागून असलेल्या दक्षिण गाझा पट्टीवर नियंत्रण मिळवले आहे. तसेच या भागातील नागरिकांना सुरक्षित स्थळी हलवण्यात आले आहे.
34,600 पेक्षा जास्त पॅलेस्टिनी ठार
इस्रायल आणि हमास यांच्यात सुरु असलेल्या युद्धाला आता सात महिने पूर्ण होत आहेत. इस्रायलच्या हल्ल्यामध्ये आतापर्यंत 34 हजार 600 पेक्षा जास्त पॅलेस्टिनी ठार झाले आहेत आणि जवळपास 78 हजार जखमी झाले आहेत. गाझाच्या 23 लाख लोकसंख्येपैकी जवळपास 14 लाख लोक विस्थापित होऊन एकट्या रफाह या दक्षिणेकडील शहरामध्ये एकवटले आहेत. हमासने 7 ऑक्टोबरला केलेल्या हल्ल्यात जवळपास 1200 जणांचा बळी गेला.
.png "Videos"){kind=small}
