फोटो सौजन्य सोशल मीडिया
शुक्रवारी ( ३० ऑक्टोबर ) देशभरातील ४० हून अधिक शहरांमध्ये निदर्शने करण्यात आली . आरोग्यसेवा आणि शिक्षणासाठी सरकारी गुंतवणूक वाढवावी , तसेच संरक्षक क्षेत्रावरील वाढता खर्च कमी करून नागरिकांच्या मूलभूत गरजांना प्राधान्य द्यावे , अशी आंदोलकांची प्रमुख मागणी आहे .
या आंदोलनात विद्यार्थी , कामगार आणि सामाजिक संघटना तसेच विविध क्षेत्रातील नागरिक मोठ्या संख्येने सहभागी झाले आहेत . USB या कामगार संघटनेने २४ तासांच्या देशव्यापी संपाचे आवाहन केले होते . वाढत्या इंधन आणि जीवनावश्यक वस्तूंच्या किमतीमुळे सामान्य कुटुंबाचे आर्थिक गणित कोलमडले आहे . दुसरीकडे शिक्षण आणि आरोग्य क्षेत्राला पुरेसा निधी मिळत असल्याचा आरोप आंदोलकांनी केला . सरकारने युद्ध आणि लष्करी तयारीवर खर्च करण्याऐवजी नागरिकांच्या कल्याणासाठी अधिक निधी उपलब्ध करून द्यावा , अशी मागणी करण्यात आली आहे .
निदर्शनांदरम्यान काही शहरांमध्ये परिस्थिती तणावपूर्ण बनली . ट्यूरिनमध्ये आंदोलक आणि पोलिसांमध्ये संघर्ष झाल्यानंतर पोलिसांनी पाण्याच्या तोफांचा वापर केला . रोममध्ये आंदोलकांनी कचऱ्याच्या डब्ब्यांना आग लावली . तर संसदेच्या दिशेने जाण्याचा प्रयत्न करणाऱ्या काही आंदोलकांना पोलिसांनी रोखले . या प्रकरणात आठ जणांना ताब्यात घेण्यात आले . मिलानमध्ये आंदोलकांनी मुख्य रस्त्यांवर उतरून वाहतूक विस्कळीत केली .
जेनोआ बंदरात सुमारे १५ हजार कामगार , विद्यार्थी आणि आंदोलक सहभागी झाले होते . बंदरांचा वापर शस्त्रास्त्रांच्या वाहतुकीसाठी केला जात असल्याचा निषेधही यावेळी करण्यात आला . युद्धामुळे होणारी जीवितहानी आणि आर्थिक नुकसान थांबवण्याची मागणी आंदोलकांनी केली . या आंदोलनातून इटलीतली नागरिकांच्या सरकारच्या आर्थिक आणि संरक्षणविषयक धोरणांबद्दलचा वाढता असंतोष स्पष्ट झाला आहे .
USB कामगार संघटनेने पुकारलेल्या २४ तासांच्या देशव्यापी संपात कामगार ,विद्यार्थी , शेतकरी आणि विविध क्षेत्रांतील कर्मचारी सहभागी झाले . वाहतूक अंडी सार्वजनिक सेवांवरही या संपाचा परिणाम होण्याची शक्यता निर्माण झाली . सरकारने नागरिकांच्या आर्थिक अडचणींकडे लक्ष देऊन वेतनवाढ , महागाई नियंत्रण आणि सार्वजनिक सेवांसाठी अधिक निधी उपलब्ध करून द्यावा , अशी आंदोलकांची मागणी आहे .
.png "Videos"){kind=small}
