शुक्रवार, 25 सप्टेंबर 2026
Toshisuke Kanazawa : 'या' व्यक्तीने वयाच्या ९० व्या वर्षी बॉडीबिल्डिंगमधून जिंकली पदके; 'हा' जपानी आहार ठरला अत्यंत प्रभावी ( फोटो सौजन्य : सोशल मीडिया )
आजच्या काळात जिथे वयाची पन्नाशी ओलांडल्यानंतर अनेक लोक विविध आजारांनी ग्रासले जातात किंवा शारीरिक थकव्याची तक्रार करतात, तिथे जपानमधील एका ९० वर्षीय वृद्धाने जगभरातील तरुणांना अवाक केले आहे. ९० वर्षे वय असलेल्या तोशिसुके कानाझावा (Toshisuke Kanazawa) यांनी ३१ ऑगस्ट रोजी पार पडलेल्या मास्टर्स बॉडीबिल्डिंग स्पर्धेत ८५ वर्षांवरील वयोगटात आपल्या प्रतिस्पर्ध्यांवर मात करत सुवर्णपदक पटकावले. ही केवळ एक स्पर्धा नव्हती, तर त्यांच्या जिद्दीची आणि शिस्तबद्ध जीवनशैलीची एक जिवंत साक्ष होती. या विजयासोबतच कानाझावा यांनी आपल्या कारकिर्दीतील १९ वे राष्ट्रीय विजेतेपद स्वतःच्या नावावर केले आहे.
ज्या वयात बहुतांश ज्येष्ठ नागरिक घरात आराम करतात किंवा अंथरुणाला खिळलेले असतात, त्या वयात कानाझावा हे स्टेजवर जाऊन आपल्या स्नायूंची (Muscles) फ्लॉंटिंग करत आहेत आणि जगातील सर्वात वयस्कर सक्रिय बॉडीबिल्डर म्हणून नाव कमवत आहेत. द गार्डियन आणि सीएनएन (CNN) सारख्या जागतिक वृत्तसंस्थांशी बोलताना त्यांनी आपल्या या अद्भूत तंदुरुस्तीचे रहस्य आणि जीवनप्रवास उलगडला आहे.
तोशिसुके कानाझावा यांचा जन्म १९३६ मध्ये जपानमधील शिमाने प्रांतात झाला. लहानपणापासूनच त्यांना क्रीडा क्षेत्राची विशेष आवड होती. हायस्कूलमध्ये असताना त्यांनी पोहणे आणि कुस्ती या खेळात पहिले पदक जिंकले. वयाच्या २० व्या वर्षी त्यांनी बॉडीबिल्डिंगमध्ये गांभीर्याने रस घेण्यास सुरुवात केली आणि २४ व्या व ३७ व्या वर्षी ‘मिस्टर जपान’चा किताबही पटकावला. मात्र, सततचा सराव आणि शारीरिक ताण यामुळे त्यांनी वयाच्या ३४ व्या वर्षी बॉडीबिल्डिंगमधून संन्यास घेतला.
जागतिक घडामोडी संबंधित बातम्या वाचण्यासाठी येथे क्लिक करा : Gerbera Drone: इटली, जर्मनी आणि फ्रान्सवरही रशिया उगवणार सूड; अमेरिकन CIA संचालकांच्या मॉस्को भेटीनंतर युरोपमध्ये हाय-अलर्ट
परंतु, नियतीच्या मनात काही वेगळेच होते. जेव्हा कानाझावा ५० वर्षांचे झाले, तेव्हा त्यांच्या पत्नीची प्रकृती बिघडू लागली. आजारी पत्नीला मानसिक बळ देण्यासाठी, तिच्या चेहऱ्यावर हसू आणण्यासाठी आणि तिला आयुष्यात पुढे जाण्याची प्रेरणा देण्यासाठी कानाझावा यांनी पुन्हा एकदा जिममध्ये जाण्याचा आणि शरीरसौष्ठवात पुनरागमन करण्याचा धाडसी निर्णय घेतला. त्यांच्या पत्नीचे निधन झाले असले, तरी आजही ते प्रत्येक स्पर्धेत उतरताना आपल्या पत्नीची आठवण ठेवतात आणि तिच्याच प्रेरणेने स्टेजवर विजय मिळवतात.
आजच्या बॉडीबिल्डिंग जगतात अनेक तरुण शॉर्टकट म्हणून स्टिरॉइड्स किंवा सप्लीमेंट्सचा वापर करतात. मात्र, कानाझावा ठामपणे सांगतात की त्यांचे शरीर १००% नैसर्गिक आहे. त्यांनी कोणत्याही कृत्रिम औषधांचा वापर न करता केवळ योग्य आहार आणि शिस्तबद्ध व्यायामाच्या जोरावर आपले स्नायू टिकवून ठेवले आहेत.
कानाझावा यांच्या आहारातील मुख्य नियम म्हणजे त्यांनी मासे आणि मांस खाणे पूर्णपणे सोडून दिले आहे, म्हणजेच ते शाकाहारी जीवनशैलीचे पालन करतात. याशिवाय, त्यांनी आयुष्यात कधीही मद्यपान (Alcohol) केलेले नाही. त्यांच्या दैनंदिन आहारात खालील गोष्टींचा प्रामुख्याने समावेश असतो:
जागतिक घडामोडी संबंधित बातम्या वाचण्यासाठी येथे क्लिक करा : UNGA : संयुक्त राष्ट्र महासभेत हाफिज सईद प्रश्नावरून भारत-पाकिस्तानमध्ये बाचाबाची; पळून गेले गेले शहबाज शरीफ, VIDEO VIRAL
केवळ आहारच नाही, तर कानाझावा आजही दररोज न चुकता जिममध्ये जातात आणि वजन उचलण्याचा (Weight Training) सराव करतात. यासोबतच, शरीराला पूर्ण विश्रांती देण्यासाठी ते दररोज सात तासांची गाढ झोप घेतात.
“वय वाढणे ही एक नैसर्गिक प्रक्रिया आहे, ती आपण थांबवू शकत नाही; पण योग्य आहार आणि सरावाने आपण वृद्धत्वाचा वेग नक्कीच मंदावू शकतो,” असे कानाझावा विश्वासाने सांगतात. वयाच्या ९० व्या वर्षीही ते थांबायला तयार नाहीत. ६० वर्षांवरील वयोगटाच्या जागतिक चॅम्पियनशिपमध्ये भाग घेणे हे त्यांचे पुढील ध्येय आहे. याशिवाय, हॉलीवूड स्टार आणि बॉडीबिल्डिंगचे दिग्गज आर्नॉल्ड श्वार्झनेगर यांना प्रत्यक्ष भेटण्याची त्यांची तीव्र इच्छा आहे.
तोशिसुके कानाझावा यांचा हा जीवनप्रवास सिद्ध करतो की, जर तुमच्याकडे दृढ इच्छाशक्ती, संयम आणि योग्य जीवनशैली असेल, तर वय हे तुमच्या स्वप्नांच्या आड कधीही येऊ शकत नाही.
