शुक्रवार, 6 नोव्हेंबर 2026
Asian Champions Trophy : भारताचा विक्रमी षटकार! जपानला 4-1 ने नमवत सहाव्यांदा आशियाई चॅम्पियन्स ट्रॉफीवर नाव कोरले, सौजन्य : आयएएनएस
Asian Champions Trophy : भारतीय पुरुष हॉकी संघाने आशियाई चॅम्पियन्स ट्रॉफी स्पर्धेवर पुन्हा एकदा आपले वर्चस्व सिद्ध केले. गुरुवारी झालेल्या अंतिम सामन्यात भारताने जपानचा 4-1 असा धुव्वा उडवत विक्रमी सहाव्यांदा विजेतेपद पटकावले. या विजयासह भारताने सलग तिसऱ्यांदा विजेतेपद मिळवण्याची कामगिरी केली. संपूर्ण स्पर्धेत अपराजित राहिलेल्या भारतीय संघाने यापूर्वी 2011, 2016, 2018, 2023 आणि 2024 मध्ये ही स्पर्धा जिंकली होती.
ऑलिम्पियन बलबीर सिंग सीनियर आंतरराष्ट्रीय हॉकी स्टेडियमवर झालेल्या अंतिम लढतीत जपानने तिसऱ्याच मिनिटाला काझुमासा मात्सुमोतो याच्या मैदानी गोलच्या जोरावर आघाडी घेतली. त्याने टोमहॉक फटक्यावर अप्रतिम गोल करत भारतीय संघाला धक्का दिला. पहिल्या सत्रात भारताला गोल करण्यात अपयश आले. 20 व्या मिनिटाला जपानला सलग दोन पेनल्टी कॉर्नर मिळाले; मात्र भारतीय बचावफळीने त्यांचे प्रयत्न हाणून पाडले.
भारताकडून जरमनप्रीत सिंगने बचावफळीत भक्कम कामगिरी केली. मध्यंतरापर्यंत 0-1 अशा पिछाडीवर असलेल्या भारतीय संघाने दुसऱ्या सत्रात सामन्याचे चित्रच पालटले.
33व्या मिनिटाला भारताला पहिला पेनल्टी कॉर्नर मिळाला. मात्र कर्णधार हरमनप्रीतसिंगचा फटका जपानचा गोलरक्षक किशो कुरोदा याने अडवला. 39व्या मिनिटाला जपानलाही पेनल्टी कॉर्नर मिळाला; परंतु शोता यामादा याचा प्रयत्न अपयशी ठरला.
Kabaddi: कबड्डीच्या मैदानात अहिल्यानगरची बाजी! पुणे जिल्ह्याला मिळाला ‘हा’ क्रमांक
भारतीय संघाने जपानच्या बचावफळीवर सातत्याने दबाव कायम ठेवला. 42व्या मिनिटाला मिळालेल्या सलग दोन पेनल्टी कॉर्नरपैकी एका संधीवर शिलानंद लाकडा याने आदित्य अर्जुन लालागेच्या पासवर रिबाउंडद्वारे गोल केला आणि भारताला 1-1 अशी बरोबरी साधून दिली.
यानंतर 48व्या मिनिटाला हार्दिकच्या अचूक पासवर दिलप्रीत सिंगने रिव्हर्स हिटद्वारे गोल करत भारताला 2 – 1 अशी आघाडी मिळवून दिली. आघाडी मिळाल्यानंतर भारतीय खेळाडूंचा आत्मविश्वास आणखी वाढला.
Viral Video: तब्बल 53 वेळा रेड कार्ड अन् जोरदार मारामारी अन्…; BRAZIL मधला Video पाहून म्हणाल…
53व्या मिनिटाला जुगराज सिंगने पेनल्टी कॉर्नरचे गोलमध्ये रूपांतर करत भारताची आघाडी 3-1 अशी केली. त्यानंतर अवघ्या एका मिनिटात विवेक सागर प्रसादने सर्कलच्या वरून जोरदार फटका मारत चौथा गोल नोंदवला. अखेरच्या क्षणी जपानला चौथा पेनल्टी कॉर्नर मिळाला; मात्र कर्णधार राइकी फुजिशिमा याचा फटका गोलपोस्टच्या बाहेर गेला. अखेर भारताने 4-1 असा दणदणीत विजय मिळवत विजेतेपदावर शिक्कामोर्तब केले.
Ans: भारताने अंतिम सामन्यात जपानचा 4-1 असा पराभव केला.
Ans: भारताने विक्रमी सहाव्यांदा या स्पर्धेचे विजेतेपद पटकावले.
Ans: शिलानंद लाकडा, दिलप्रीतसिंग, जुगराजसिंग आणि विवेक सागर प्रसाद यांनी प्रत्येकी एक गोल केला.
