मंगळवार, 10 नोव्हेंबर 2026
Middle East Conflict : मध्यपूर्व धुमसणार? US Iran युद्धात आता 'या' बड्या देशाची एन्ट्री, जगभरात खळबळ (फोटो सौजन्य: सोशल मीडिया)
फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) यांनी अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्या मदतीच्या आवाहनाला प्रतिसाद दिला आहे. त्यांनी अमेरिकेला मदतीची तयारी दर्शवली आहे. परंतु यासाठी एक महत्त्वूर्ण अट ठेवण्यात आली आहे. मॅक्रॉन यांनी म्हटले आहे की, फ्रान्स या युद्धाचा भाग नाही. तसेच केवळ होर्मुझ मुक्त करण्यासाठी कोणत्याही प्रकारच्या लष्करी कारवाईत सहभागी होणार नाही. फ्रान्सचा भर इराणसोबत शांतता चर्चेवर असून तणाव कमी करण्यासाठी प्रयत्न केला जाईल. ही मदत केवळ सागरी सुरक्षेसाओठी मर्यादित राहील असे मॅक्रॉन यांनी स्पष्ट केले.
ट्रम्प यांनी होर्मुझच्या आखातात अमेरिकन जहाजांच्या सुरक्षेसाठी नाटो देश व काही मित्र राष्ट्रांकडे मदतीचे आवाहन केले होते. परंतु नाटो देशांनी आणि दक्षिण आशियातील ऑस्ट्रेलिया, जपान आणि दक्षिण कोरिया यासारख्या मित्र राष्ट्रांनी ट्रम्प यांचा लष्करी मोहिमेत सहभागी होण्याचा प्रस्ताव फेटाळला होता. परंतु फ्रान्सने याला प्रतिसाद दिला आहे. यावर ट्रम्प यांनी तीव्र नाराजी व्यक्त केली आहे.
ट्रम्प यांनी ट्रुथवर पोस्ट करत नाटोला एकतर्फी संस्था संबोधले. त्यांनी नाटोवर गंभीर आरोप केला की, अमेरिकेने त्यांच्या सुरक्षेसाठी अब्जावधी डॉलर्स खर्च केले, पण जेव्हा अमेरिकेला त्यांची गरज पडली तेव्हा त्यांनी मदत करण्यास नकार दिला. यामुळे अमेरिकेला आता कोणत्याच देशाची गरज नसल्याचा म्हणतं त्यांनी इराणला गुडघ्यावर आणल्याचा दावाही केला.
ट्रम्प यांनी असाही दावा केला की, इराणचे नवे सुप्रीम लीडर मोजतबा खामेनेई यांच्याकडे आता अमेरिकेला किंवा मध्यपूर्वेतील कोणत्याही देशांना धमकी देण्याएवढी ताकद उरलेली नाही. इराण आता गुडघ्यावर आला आहे असे सांगत त्यांनी अमेरिकेच्या पराक्रमाचा पाढा वाचला.
याच वेळी अमेरिकेचे काऊंटर टेररिझम चीफ जो कँट यांनी आपल्या पदाचा राजीनामा दिला आहे. त्यांनी अमेरिका इस्रायल(Israel)साठी इराणविरोधी युद्धात उतरली असल्याचे म्हटले आहे. यामुळे अमेरिका फर्स्ट धोरणालाही धक्का बसला असल्याचा दावा कॅंट यांनी केला आहे. यामुळे संपूर्ण जगात खळबळ उडाली आहे.
Ans: होर्मुझची खाडी जगातील सर्वात महत्त्वाचा तेल वाहतूकीच्या मार्गांपैकी एक आहे. या मार्गावरुन जगातील एकूण 20 ते 30 टक्के तेल वाहतूक केली जाते. हा मार्ग बंद झाल्यास जागतिक बाजारपेठेत मोठा तेल पुरवठा आणि अर्थव्यवस्थेवर गंभीर परिणाम होऊ शकतो.
Ans: होर्मुझचा मार्ग मोकळा करण्यासाठी नाटो देशांनी आणि काही मित्र राष्ट्रांनी लष्करी मदतीसाठी नकार दिला आहे. परंतु फ्रान्सने मदतीस हात पुढे केला आहे.
Ans: राष्ट्राध्यक्ष इमॅन्युएल मॅक्रॉन यांनी स्पष्ट केले आहे की, फ्रान्स युद्धात थेट सहभागी होणार नाही, तर इराणशी शांतता चर्चेवर भर देईल.
