Strait Of Hormuz : इराण होर्मुझवरुन जाणाऱ्या जहाजाकडून १८ कोटी रुपये वसूल करतोय? सोशल मीडियावरील ‘त्या’ दाव्याचे सत्य आले समोर

Strait of Hormuz Crisis : मध्यपूर्वेतील युद्धामुळे होर्मुझ खाडी बंद झाली आहे. ज्यामुळे जागतिक तेल बाजारात गंभीर चिंतेचे वातावरण निर्माण झाले आहे. याच वेळी भारताची दोन जहाजे सुखरुप बाहेर पडल्याने मोठा दिलासा मिळाला आहे.

• होर्मुझवरुन जाणाऱ्या जहाजाकडून १८ कोटी वसूलण्याच्या दाव्यावर इराण कडाडला
• सोशल मीडियावरील दावा खोटा असल्याचे केले स्पष्ट
• भारतीय जहाजांना बाहेर पडण्याची परवानगी

Strait of Hormuz Crisis : तेहरान : मध्यपूर्वेतील युद्धाने जागतिक स्तरावर गंभीर चिंतेचे वातावरण निर्माण झाले आहे. होर्मुझची सामुद्रधुनी बंद झाल्याने जागतिक बाजारात इंधन दरांनी उच्चांक गाठला आहे. याच दरम्यान सोशल मीडियावर इराण आता होर्मुझ सामुद्रधुनीतून जाणाऱ्या जहाजांकडून २० लाख डॉलर्स कर वसूलणार असल्याचे म्हटले होते. मात्र हा दावा इराणने फेटाळला आहे. होर्मुझ सामुद्रधुनीतून प्रवास करण्याऱ्या विदेशी जहाजांवर कोणत्याही प्रकारचा कर लादत नसल्याचे इराणने स्पष्ट केले आहे.

Strait of Hormuz Crisis : ‘१८ कोटी द्या, तरच…’ , इराणने रोखला होर्मुझचा मार्ग; जगभरात इंधनाचा हाहा:कार माजणार?

भारतातील इराणी दूतावासाने याबाबक एक निवेदन जारी केले आहे. या निवेदनात कर लादणार असल्याचे दावे निराधार असल्याचे म्हटले आहे. २८ फेब्रुवारी २०२६ रोजी इराणवर अमेरिका-इस्रायल संयुक्तपणे हल्ले केले होते. यानंतर आक्रमक पवित्रा घेत इराणने होर्मुझ बंद केले होते. सध्या केवळ निवडक जहाजांना या मार्गावरुन जाण्याची परवानगी असल्याचे इराणने म्हटले आहे.

होर्मुझ खाडीतून जाणाऱ्या जहाजांवर रिपल्बिक ऑफ इरामने २ दशलक्ष डॉलर्सची रक्कम वसूलीचा कथित दावा पूर्णपणे निराधार असल्याचे इराणने स्पष्ट केले आहे. हे केवळ एका खाजी व्यक्तींचे मत आहे.

ट्रम्प यांना इशारा

दरम्यान याच वेळी इराणने हेही स्पष्ट केले आहे की, होर्मुझची खाडी केवळ मित्र राष्ट्रांसाठी आणि त्यांच्या सार्वभौमत्त्वाचा आदर करणाऱ्या देशांसाठी खुली आहे. शत्रू राष्ट्रांसाठी या मार्गावरुन जाण्यास परवानगी नाही.

तसेच ट्रम्प यांच्या ४८ तासांच्या अल्टीमेटवरही इराणने चोख प्रत्युत्तर दिले आहे. ट्रम्प यांनी होर्मुझ खुला करण्यासाठी इराणला ४८ तास दिले आहेत, असे न केल्यास त्यांच्या वीज प्रकल्पांवर हल्ला होऊ शकतो असे डोनाल्ड ट्रम्प यांनी म्हटले होते. यावर इराणने अमेरिका केवळ याचे स्वप्नच पाहू शकते असे म्हटले आहे.

भारतीय जाहाजांना परवानगी

दरम्यान याच वेळी होर्मुझ सामुद्रधुनीतून भारताची दोन गॅस वाहू जहाजे सुखरुप बाहेर पडली आहे. पुढील काही दिवसांत ही जहाजे भारतात दाखल होतील यामुळे भारताच्या गॅस टंचाईला काही प्रमाणात दिलासा मिळाला आहे.

See more

In response to certain claims regarding the alleged receipt of a sum of 2 million dollars by the Islamic Republic of Iran from vessels transiting the Strait of Hormuz, it is emphasized that such claims are unfounded. The statements made in this regard merely reflect the personal… — Iran in India (@Iran_in_India) March 23, 2026

Middle East War : इराणचा ‘रक्षक’ आता अमेरिकेच्या रडारवर? सर्गियो यांची श्रीलंकेला भेट, हिंद महासागरात युद्ध पेटणार?