Iran War Impcat : मध्यपूर्वेतील संघर्षाचा फिलिपिन्सला मोठा तडाखा; देशात राष्ट्रीय आणीबाणी जाहीर

US Iran War Impcat : मध्यपूर्वेतील युद्धाचे जागतिक स्तरावर पडसाद उमटू लागले आहे. या युद्धामुळे कच्चा तेलाच्या किमती प्रचंड वाढल्या आहेत. याच पार्श्वभूमीवर फिलिपिन्समध्ये राष्ट्रीय आणीबाणीची घोषणा करण्यात आली आहे.

• मध्यपूर्वेतील अमेरिका-इराण संघर्षाचा फिलिपिन्सला फटका
• देशात राष्ट्रीय आणीबाणीची घोषणा
• अनेक सेवा ठप्प होण्याची भिती

Philippines Declares National Emergency : मनिला : मध्यपूर्वेतील अमेरिका-इस्रायल विरुद्ध इराण युद्धाने (US Israel Iran War) संपूर्ण जगभरात मोठे इंधन आणि उर्जा संकट निर्माण झाले आहे. या युद्धाचे पडसाद फिलिपिन्समध्येही उमटले आहे. याच पार्श्वभूमीवर फिलिपिन्सने राष्ट्रीय आणीबाणीची घोषणी केली आहे. युद्धाच्या पार्श्वभूमीवर अशी आणीबाणी जाहीर करणारा फिलिपिन्स हा जगातील पहिला प्रमुख देश ठरला आहे.

US Iran War : पाच दिवसांत सुरु होणार ‘असली खेळ’? ट्रम्प यांनी इराणचा फास आवळल्याचा अमेरिकन अधिकाऱ्याचा दावा

फिलिपिन्समध्ये राष्ट्रीय आणीबाणीची घोषणा

फिलिपिन्सने मंगळवारी(२४ मार्च २०२६) रात्री उशिरा राष्ट्रीय आणीबाणीची घोषणा केली आहे. मध्यपूर्वेतील युद्धामुळे देशात गंभीर उर्जा संकट निर्माण झाले आहे. यामुळे देशाने हा निर्णय घेतला आहे. फिलिपिन्सचे राष्ट्रपती फर्डिनेंड मार्कोस ज्युनिअर यांनी एका कार्यकारी आदेशाद्वारे देशात इंधन टंचाईच्या धोक्याचा इशारा दिला आहे.

देशातील तेल पुरवठा विस्कळीत

फिलिपिन्स तेलासाठी मोठ्या प्रमाणावर मध्यपूर्वेवर अवलंबून आहे. देशाच्या गरजेच्या जवळापास ९०% हून अधिक तेल मध्यपूर्वेतून आयात केले जाते. सध्या युद्धामुळे फिलिपिन्सचा तेल पुरवठा विस्कळीत झाला आहे. यामुळे चलन पेसोचीही ४ टक्क्यांनी घसरण झाली आहे. याशिवाय शेअप बाजारही ९ टक्क्यांनी कोसळला आहे. देशाच तेलाच्या किमती वाढल्या असून महागाईचा भडका उडाला आहे.

मीडिया रिपोर्टनुसार, फिलिपिन्सकडे सध्या केवळ ४५ दिवसांचा तेल साठ शिल्लक आहे. राष्ट्रपती मार्कोस यांनी दिलेल्या माहितीनुसार, इंधनाचा पुरवठा झाला नाही तर देशातील विमानसेवा देखील पूर्णपणे ठप्प होण्याची शक्यता आहे. जून अखेरपर्यंत साठाच सुरक्षित असल्याचे फिलिपिन्सने म्हटले आहे.

संकटकाळात सरकारची कठोर पावले

• सध्या फिलिपिन्स या संकटावर मात करण्यासाठी प्रयत्न करत आहे.
• यासाठी सरकारने विशेष समिती स्थापन केली असून ही समिती इंधन, अन्नधान्य, औषधे आणि कृषी उत्पादनांच्या वितरणावर देखरेख ठेवत आहे.
• तसेच गैर इंधन साठा रोखण्यासाठी आणि बचतीसाठी कडक नियम लागू करण्यात येणार आहेत.
• याशिवाय वाहतूक क्षेत्रालसा दिलासा देण्यासाठी इंधन आणि प्रवासी भाड्यावर सबसिडी देण्याचे निर्देश देण्यात आहेत.
• सरकारी उर्जा कंपन्यांना तेल खरेदीसाठी १५ टक्क्याहून अधिक आगाऊ रक्कम देण्याची परनावगी देण्यात आली आहे.

मध्यपूर्वेतील सद्य परिस्थिती

मध्यपूर्वेतील अमेरिका (America) इराण (Iran) युद्धाने जागतिक स्तरावर चिंतेचे वातावरण निर्माण केले आहे. सध्या अमेरिकेने इराणला १५ कलमी शांतता प्रस्ताव पाठवला आहे. मात्र इराणने हा प्रस्ताव फेटाळला आहे. ज्यामुळे युद्धबंदीबाबत अनिश्चितता निर्माण झाली आहे. युद्ध आणखी भडकण्याची शक्यताही व्यक्त केली जात आहे.

Middle East War : ‘आम्ही दलाल नाही…’, पश्चिम आशियातील तणावावर भारताची स्पष्ट भूमिका; पाकिस्तानच्या हस्तक्षेपावर टीका