US Iran War : अमेरिकेचा इराणला मोठा झटका! चाबहार बंदरावर भीषण हल्ला; भारताच्या अब्जावधींच्या प्रकल्पाला मोठा धक्का?

US airstrike on Iran's Chabahar Port : मध्यपूर्वेतील युद्ध आता एका धोकादायक वळणावर येऊन पोहोचले आहे. अमेरिकेने इराणच्या सर्वात मोठ्या आणि धोरणात्मक दृष्टीकोनातून महत्त्वाच्या प्रकल्पावर हल्ला केला आहे.

• इराणला मोठा झटका
• चाबहार बंदर प्रकल्पावर अमेरिकेचा भीषण हल्ला
• व्यापारी क्षेत्राजवळ बॉम्बवर्षाव

US Attack on Iran’s Chabahar Port : वॉशिंग्टन / तेहरान : मध्यपूर्वेतील युद्ध आता अत्यंत धोकादायक वळणावर येऊन पोहोचले आहे. अमेरिकेने इराणच्या खर्ग बेटावरील लष्करी तळांना उडवल्यानंतर आणखी एका मोठ्या प्रकल्पावर हल्ला चढवला आहे. इराण(Iran) च्या धोरणात्मक दृष्टीकोनातून महत्त्वाच्या असलेल्या चाबहारवर अमेरिकेने बॉम्ब हल्ले केले आहेत. यामुळे मोठी खळबळ उडाली असून हे भारतासाठी धोकादायक मानले जात आहे.

Middle East War : सौदी आता इस्रायलच्या बाजूने लढणार? नेतन्याहू-क्राउन प्रिन्सच्या ‘त्या’ गुप्त चर्चेने खळबळ, इराणचं वाढलं टेन्शन

इराणच्या चाबहारवर दुसऱ्यांदा हल्ला

मीडिया रिपोर्टनुसार, अमेरिकेने चाबहार व्यापार क्षेत्राच्या अगदी जवळ पहाडी भागातील लष्करी तळांना लक्ष्य केले आहे. यामुळे इराणसोबतच्या त्यांच्या सुरू असलेल्या संघर्षात एका नव्या आघाडीच्या युद्धाला सुरुवात झाली आहे. चाबहार इराणच्या पूर्व भागात आणि पाकिस्तानच्या सीमेजवळ स्थित आहे.

यापूर्वी देखील अमेरिकेने (America) चाबहारमधील इस्लामिक रिव्लोहल्यूशनरी गार्ड कॉर्प्स(IRGC) नौदल तळांना आणि जहाजांना लक्ष्य केले होते. चाबहारवर झालेला हा दुसरा सर्वात मोठा हल्ला मानला जात आहे. चाबहार बंदर इराणच्या ‘मकरान’ किनारपट्टीवर स्थित आहे. हे बंदर ‘ओमानच्या आखाताच्या प्रवेशद्वाराजवळ स्थित असून भौगोलिकदृष्ट्या पाकिस्तानच्या ग्वादर बंदरापासून १७० किलोमीटर अंतरावर आहे.

अमेरिकेने चाबहारवर का केला हल्ला?

मीडिया रिपोर्टनुसार, या बंदरावर अमेरिकेने इराणच्या कुड्स फोर्सच्या भूमिगत तळांना लक्ष्य केले आहे. अमेरिकेने व्यापारी क्षेत्राच्या भागातील लष्करी तळांवर बॉम्ब डागले आहेत. इराणच्या होर्मुझ नाकेबंदीला तोडण्यासाठी हा हल्ला केला असल्याचे सांगितले जात आहे. तसेच इराणचे एकमेव बंदर असलेल्या चाबहारवर हल्ला इराणची पुरवठा साखळी तोडण्यासाठीही असल्याचे म्हटले जात आहे.

या हल्ल्याबाबत अद्याप इतर कोणतेही तपशील समोर आलेले नाहीत. परंतु या कारवाईमुळे इराणला मोठा झटका बसला आहे. अमेरिकेच्या मते, इराणची कुड्स फोर्स या बंदरावरुन आफ्रिका आणि आशिया खंडातील त्यांच्या प्रॉक्सी संघटनांना शस्त्रे, साहित्य आणि लॉजिस्टिक मदत पाठवतो. यामुळे बंदरावरहील हल्ला इराणच्या बाह्य जाळ्यांना तोडण्यासाठी करण्यात आला आहे.

भारतासाठी धोक्याची घंटा?

हा हल्ला भारतासाठी अत्यंत धोकादायक मानला जात आहे. भारताने या चाबहार प्रकल्पाच्या विकासासाठी इराणसोबत १० वर्षांचा करार केला आहे. या करारांतर्गत भारताने मोठी यंत्रणा आणि क्रेन तैनात केल्या आहेत. याचा उद्देश भारताला पाकिस्तान वगळून अफगाणिस्तान आणि मध्य आशियाई देशांशी  थेट आणि सुरक्षित व्यापार करता यावा.

तसेच चीन-पाकिस्तानच्या ग्वादर बंदराला उत्तर देण्यासाठी भारताने चाबहारमध्ये गुंतवणूक केली आहे. परंतु अमेरिकेच्या हल्ल्यामुळे भारताचे धोरणात्मक वर्चस्व धोक्यात आले आहे. सध्या थेट चाबहार बंदरावर हल्ला न झाल्याने भारतासाठी कोणताही धोका नाही, परंतु भारतायावर बारकाईने नजर ठेवून आहे.

Middle East Conflict : आखाती देशांवरील हल्ल्यावरुन फ्रान्स आक्रमक; राष्ट्राध्यक्षांचा इराणला थेट इशारा, ‘हल्ले थांबवा अन्यथा…