गुरुवार, 5 नोव्हेंबर 2026
Middle East War : सौदी आता इस्रायलच्या बाजूने लढणार? नेतन्याहू-क्राउन प्रिन्सच्या 'त्या' गुप्त चर्चेने खळबळ, इराणचं वाढलं टेन्शन (फोटो सौजन्य: सोशल मीडिया)
नुकतेच सौदी अरेबियाचे क्राउन प्रिन्स मोहम्मद बिन सलमान (MBS) आणि इस्रायलचे पंतप्रधान बेंजामिन नेतन्याहू (Benjamin Netanyahu) यांच्यात गुप्त चर्चा झाली असल्याचे सांगितले जात आहे. या चर्चेत अमेरिकेचे राष्ट्राध्यक्ष डोनाल्ड ट्रम्प यांचाही समावेश होता. ही तिघडी इराणचा खात्मा करण्यासाठी एकत्र आली असल्याचे तज्ज्ञांनी शक्यता वर्तवली आहे.
मिळालेल्या माहितीनुसार, क्राउन प्रिन्स सलमान नेतन्याहू आणि डोनाल्ड ट्रम्प (Donald Trump) यांच्याशी गेल्या काही दिवसांपासून सतत संवाद साधत आहेत. सौदी अरेबिया अमेरिकेवर इराणवरील हल्ल्यासाठी दबाव टाकत असल्याचे संकेत मिळाले आहे. विशेष म्हणजे क्राउन प्रिन्स सलमान यांनी ट्रम्प यांच्या खाजगी क्रमांकावर संपर्क साधून इराणविरोधी मोहिमेला वेग देण्याची विनंती केली आहे. सापाचं डोकं ठेचून टाका असा सल्ला दिला जात आहे.
इराण हा शिया मुस्लिमांचा आणि सौदी सुन्नी मुस्लिमांचा देश आहे. गेल्या काही काळात इराणच्या वाढत्या ड्रोन हल्ल्यांमुळे सुन्नीबहुल अरब देशांमध्ये भीतीचे वातावरण पसरले आहे. सौदी अरेबिया (Saudi Arabia) आणि UAE मधील तेल प्रकल्पांवर इराणने केलेल्या हल्ल्यांमुळे सौदी अरेबियात तीव्र संताप निर्माण झाला आहे. दावा केला जात आहे की, सुन्नी अरब देशांना सध्या अमेरिकेच्या ताकदीवरही विश्वास राहिलेला नाही, यामुळे इराणचा खात्मा करण्यासाठी इस्रायलच्या ताकदीचा आधार घेत आहे.
मिळालेल्या माहितीनुसार, सौदीचा इस्रायलच्या गुप्तचर संस्था मोसादच्या माजी प्रमुख योसी कोहेन यांच्याशी जवळचा संबंध असल्याचे सांगितले जाते. सप्टेंबर २०२३ मध्ये प्रिन्स सलमान यांनी इस्रायलसोबत संबंध सुधारण्याचे संकेत दिले होते. गाझा युद्धातही सौदीने इस्रायवर केवळ शाब्दिक टीका केली होती. प्रत्यक्षात कोणतीही मोठी कारवाई करण्यात आली नाही.
शिवाय सध्या इराणने यूएईतील फुजैरा आणि सौदीतील तेल साठ्यांवर केलेले हल्ले सौदीच्या प्रतिष्ठेला मोठा धक्का असल्याचे म्हटले जात आहे. यामुळेच ‘मुस्लिम उम्मा’पेक्षा स्वतःची सुरक्षा महत्त्वाची मानत सौदी अरेबिया उघडपणे इस्रायलची साथ देण्याची शक्यता वर्तवली जात आहे.
Ans: काही आंतरराष्ट्रीय माध्यमांनी दावा केला आहे की, सौदी अरेबियाने इराणविरोधात इस्रायलशी हातमिळवणी केली आहे. मध्यपूर्वेतील अस्थिरता आणि सौदीच्या सुरक्षेसाठी पाऊल उचलण्यात आले असल्याचे म्हटले जात आहे.
Ans: सौदी अरेबियाचे क्राउन प्रिन्स मोहम्मद बिन सलमान यांनी बेंजामिन नेतन्याहू आणि डोनाल्ड ट्रम्प यांच्याशी चर्चा केली असल्याचे सांगितले जात आहे.
