Middle East War : अमेरिकेचा रिमोट कंट्रोल इस्रायलच्या हातात? इराणवर हल्ल्याबाबात ‘या’ बड्या अधिकाऱ्यांनी केली ट्रम्प यांची पोलखोल

US Iran conflict : मध्यपूर्वेत अमेरिका-इराण युद्धाने आता गंभीर वळण घेतले आहे. या युद्धामुळे जागतिक स्तरावर गंभीर परिणाम झाला आहे. याच वेळी या युद्धाबाबत एक खळबळजनक दावा समोर आला आहे.

• नेतन्याहूंच्या सांगण्यावरुन इराणवर अमेरिकेने केला हल्ला?
• अमेरिकी अधिकाऱ्यांनीच केली पोलखोल
• जगभरात खळबळ

US Iran War News in Marathi : वॉशिंग्टन/तेहरान : अमेरिका (America) आणि इराण(Iran) मधील संघर्षाचा आज २० वा दिवस आहे. या युद्धाने जागतिक स्तरावर चिंतेचे वातावरण निर्माण केले आहे. तसेच यामुळे मध्यपूर्वेतील आखाती देशांवरील हल्ल्यामुळे प्रादेशिक अस्थिरता निर्माण झाली आहे. या युद्धजन्य परिस्थिती दरम्यान एक खळबळजनक खुलासा समोर आला आहे. अमेरिकेचे राष्ट्राध्यक्ष डोनाल्ड ट्रम्प यांनी इराणकडे अण्वस्त्रे असल्याचे खोटे दावे जगासमोर मांडले आहे. या खुलाशामुळे मोठी खळबळ उडाली आहे.

US Iran War : अमेरिकी अधिकारी आता इराणच्या निशाण्यावर? मंत्र्यांच्या घरावर संशयास्पद ड्रोन हालचालीने खळबळ

काय दावा केला होता ट्रम्प यांनी?

डोनाल्ड ट्रम्प (Donald Trump) यांनी २०२५ मधील हल्ल्यानंतर इराण गुप्तपणे अण्वस्त्रे बनवत असल्याचा दावा केला होता. त्यांना इराणचा अण्वस्त्र प्रकल्प भविष्यात अमेरिकेच्या राष्ट्रीय सुरक्षेसाठी धोकादायक असल्याचे म्हटले. तसेच त्यांनी यामुळे जगालाही गंभीर धोका निर्माण होऊ शकतो असा दावा केला होता. यामुळे इराणवर कारवाई केल्याचे ट्रम्प यांनी म्हटले. मात्र आता ट्रम्प यांचा हा दावा खोटा पडला आहे. जगातील ५ उच्चस्तरीय अधिकाऱ्यांनी ट्रम्प यांचा दावा खोटा असल्याचे आणि अमेरिका जगाला फसवत असल्याचे म्हटले आहे.

कोणत्या नेत्यांनी केली ट्रम्पची पोलखोल

• तुलसी गबार्ड : अमेरिकन गुप्तचर संस्थेच्या प्रमुख तुलसी गबार्ड यांनी सीनेट इंटेलिन्स कमिटीसमोर धक्कादायक स्पष्टी करणे दिले आहे. त्यांनी म्हटले आहे की, इराणचा अणु कार्यक्रम २०२५ मध्येच पूर्णपणे उद्ध्वस्त झाला होता. त्यानंतर इराणने कोणत्याही प्रकारची अण्वस्त्रे बनवली नाहीत. गबार्ड यांच्या या विनाधामुळे मोठा गदारोळ झाला आहे.
• बदर बिन हमद बुसैदी : अमेरिका-इराणच्या शांताता चर्चेत मध्यस्थीची भूमिका बजावणाऱ्या देशाचे परराष्ट्र मंत्री बुसैद यांनी ट्रम्प यांनी नेतन्याहूंच्या सागंण्यावरुन इराणला लक्ष्य केले असल्याचे म्हटले. त्यांनी द इकॉनॉमिस्टमध्ये लिहिले आहे की, इराण त्यांचे युरेनियमचे साठे नष्ट करण्यास तयार झाला होता. यावर दोन्ही देशांमध्ये करारही करण्यात आला होता. परंतु इस्रायलच्या दबावामुळे अमेरिकेने हा करार मोडला आणि इराणवर हल्ला चढवला. बुसैदी यांच्या या विधानामुळे अमेरिका फर्स्ट धोरणाला धक्का बसला असल्याचे विरोधकांचे म्हणणे आहे.
• राफेल ग्रोसी : आंतरराष्ट्रीय अणुउर्जा संस्था(IAEA) चे प्रमुख राफेल ग्रोसी यांनी देखील इराणने कोणतीही अण्वस्त्रे तयार केलेली नव्हती. त्यांचा असा कोणताही सक्रीय कार्यक्रम नव्हता असे म्हटले आहे. धक्कादायक बाब म्हणजे ग्रोसी यांनी काही दिवसांपूर्वीच इराणमध्ये अण्वस्त्रांमुळे रेडिएशनचा धोका वाढल्याचा दावा केला होता. परंतु आता त्यांनी वेगळाच दावा केला आहे.
• जोनाथनन पॉवेल : ब्रिटनचे राष्ट्रीय सुरक्षा सल्लागार पॉवेल यांनी देखील इराण शांतता करारासाठी तयार होता असे म्हटले. परंतु कराराच्या दोनव दिवस आधीच अमेरिकेने इस्रायल(Israel)सोबत मिळून अचानक हल्ला केला. ज्यामुळे मित्र राष्ट्रांनाही धक्का बसला आहे.
• जोए केंट : शिवाय ट्रम्प यांनी दहशतवादविरोधी केंद्राचे संचालक म्हणून जोए केंट यांची नियुक्ती केली होती. परंतु त्यांनी आपल्या पदाचा राजीनामा दिला असून पत्रात इराणकडून अमेरिकेला कोणताही धोका नव्हता. तर हल्ला
  केवळ इस्रायलच्या सांगण्यावरुन करण्यात आले असल्याचे म्हटले.

सध्या या अधिकाऱ्यांच्या दाव्यामुळे जागतिक स्तरावर मोठी खळबळ उडाली असून अमेरिकेची प्रतिमा ढासळत असल्याचे दिसत आहे.

Middle East Conflict : इराणने ओलांडली मर्यादा! तेल आणि गॅस साठ्यांवरील हल्ल्यानंतर आखाती देश संतप्त; दिला ‘हा’ गंभीर इशारा